Хэдэн мянган жилийн уламжлалтай Луут завины баяр нь аргын тооллоор жил бүр өөр өөр өдөр, харин билгийн тооллын тавдугаар сарын 05-ны өдөр тохиодог юм. Энэ жил Хятад улс Луут завины баяраар бүх нийт гурван өдрийн амралт зарлалаа. 

  Хятадын уламжлалт баярууд бүгд өөрийн гэсэн онцлог зоогтой байдгийн адил Луут завины баяр ч өөрийн нэрийн зоогтой. Энэ бол “Зунзи”. Наалдамхай будааг гурвалжин хэлбэрт оруулан, хулс модны навчинд ороож хийдэг. Хойд нутгийнхан чавгатай хольсон будааг таашаадаг бол өмнөдийнхөн чихэрлэг шош, өндөгний шар, махаар ч шанзалдаг.