Хятадад дээд боловсрол эзэмшсэн хүний тоо 240 саяд хүрч, ажиллах хүчний чанарын бүтцэд томоохон өөрчлөлт гарч байна.

    Сүүлийн жилүүдэд Хятадын дээд боловсролын цар хүрээ тасралтгүй өргөжиж, дэлхийн хамгийн том дээд боловсролын тогтолцоо бүрэлдэн бий болж, сургуулийн нийт сурагчдын тоо 44.3 саяд хүрчээ. Энэ оны 02-р сарын эцсийн байдлаар Хятадад 52.500 гаруй MOOC нээгдэж, 370 сая хэрэглэгч бүртгүүлж, 330 сая гаруй коллежийн оюутан MOOC кредит авсан байна. MOOC-ийн тоо болон хэрэглээний цар хүрээ нь дэлхий дээр нэгдүгээрт ордог.

    Хятад улсын хэмжээнд коллеж, их дээд сургуулиудад инновац, энтрепренершипийн боловсролын чиглэлээр 30 мянга гаруй төрөлжсөн сургалтууд, 11 мянга гаруй нээлттэй онлайн сургалтуудыг санал болгож байгаа бөгөөд салбарын 174 мянган шилдэг авьяастныг инновац, энтрепренершипийн үндсэн болон цагийн багшаар ажиллуулж байна. Үндэсний томоохон стратегид үйлчлэх коллеж, их дээд сургуулиудын чадавхыг тасралтгүй дээшлүүлж, шинжлэх ухаан, технологийн үндэсний гурван том шагналын 60 гаруй хувийг хүртэж байна. Хятад улсын онцлогтой коллеж, их дээд сургуулиудын зэрэг олгох систем, мэргэжлийн каталогийн систем, удирдлагын тогтолцоог ч байнга сайжруулж байна. Сүүлийн арван жилд нийт 265 шинэ мэргэжлээр бакалаврын зэрэг олгох сургалтын каталогид нийт 771 мэргэжил, 17000 бакалаврын мэргэжил нэмэгдэж, 10000 мэргэжил хүчингүй болсон байна.