Худалдааны яамнаас сэтгүүлч саяхан мэдээлэхдээ 2021 онд Хятад улс болон "Бүс ба зам"-ын дагуух орнуудын бараа бүтээгдэхүүний худалдааны хэмжээ 11.6 их наяд юаньд хүрч, өнгөрсөн оны мөн үеийнхээс 23.6 хувиар өсөн, 8 жилийн хугацаанд өндөр байсан нь Хятад улсын нийт гадаад худалдааны 29.7 хувийг эзэлж байх юм. Хятад-Европын ачааны галт тэрэг бүтэн жилийн турш 15 мянган галт тэрэг ажиллуулж, 1.46 сая TEU тээвэрлэсэн нь өнгөрсөн оны мөн үеийнхээс тус бүр 22 хувь ба 29 хувь өссөн байна. Хятад улс өргөн хүрээнд зөвшилцөж, хувь нэмэр оруулан, хамтдаа ашиг хүртэх зарчмыг баримталсаар ирсэн бөгөөд Хятад улс өндөр стандарт, тогтвортой байдал, ард түмний амьжиргааг дээшлүүлэх зорилгоор холбогдох талуудтай хамтран "Бүс ба зам" санаачилгыг өндөр чанартай хөгжүүлэхэд тус дөхөм үзүүлсээр ирсэн юм.
Хөрөнгө оруулалтын хамтын ажиллагаанд шинэ ахиц дэвшил гарав. 2021 онд Хятад улс тус зам дагуух улс орнуудад оруулсан шууд хөрөнгө оруулалт 138 тэрбум 450 сая юань болж, өнгөрсөн оны мөн үеийнхээс 7,9 хувиар нэмэгдэж, нийт гадаадын хөрөнгө оруулалтын 14,8 хувийг эзэлсэн байна. Зам дагуух орнуудын аж ахуйн нэгжүүд ч Хятадын хөгжлийн боломжийг өөдрөгөөр харж, Хятад улсад оруулсан шууд хөрөнгө оруулалтын хэмжээ анх удаа 10 тэрбум ам.доллар даван, 11 тэрбум 250 сая ам.долларт хүрэв. "Бүс ба зам"-ын төслийн бүтээн байгуулалт тасралтгүй урагшилж, Хятадын аж ахуйн нэгжүүд тус замын дагуух улс орнуудад гэрээт төслүүдийг 578 тэрбум 570 сая юанийн эргэлтэд оруулж, гадаадын гэрээ байгуулсан нийт төслийн 57,9 хувийг эзэлсэн байна.
Механизмын платформыг шинэчлэв. 2021 онд Хятад улс болон холбогдох улс орнууд харилцан саадгүй худалдаа ба хоёр талын хөрөнгө оруулалтын хамтын ажиллагааны 8 ажлын хэсгийг шинээр байгуулж, хамтын ажиллагааны механизмыг улам боловсронгуй болгон, харилцаа холбооны суваг улам бүр нэмэгдэв. Үүний зэрэгцээ Хятадын олон улсын импортын яармаг, үйлчилгээний худалдааны яармаг, Кантоны яармаг, Хятад-АСЕАН-ы яармаг, Хятад-Африкийн эдийн засаг худалдааны яармаг зэрэг үзэсгэлэн амжилттай зохион байгуулагдаж, хамтран байгуулсан улс орнуудтай эдийн засаг, худалдааны хамтын ажиллагааг эрчимжүүлсэн байна.
