Хятадын Жижиг дунд үйлдвэрийн хөгжлийг дэмжих төвөөс 21-нд нийтэлсэн "2022 оны Жижиг дунд үйлдвэрийн хөгжлийн орчны үнэлгээний тайлан"-д: 2022 онд ЖДҮ-ийн хөгжлийн ерөнхий орчин тогтвортой хэвээр байгаа бөгөөд иж бүрэн оноотой эхний 10 хотод Шэньжэнь, Шанхай, Наньжин, Гуанжөү, Бээжин, Ханжөү, Шямэнь, Нинбө, Чанша, Чиндао зэрэг багтсан байна.

  2022 оны үнэлгээнд төрийн захиргааны шууд харьяа 4 хотын захиргаа, улсын төлөвлөлттэй 5 хот, 27 мужийн нийслэл, нийт 36 жишиг хотыг үнэлгээний объектоор сонгон шалгаруулахаар болсон байна. Оролцогч хотуудын хөгжлийн орчин нь илэрхий шинж чанартай болохыг илтгэлд харуулснаар: "Төвлөрлийг сааруулах, зохицуулалт, үйлчилгээ"-ний шинэчлэлийг гүнзгийрүүлснээр нааштай үр дүнд хүрч, жижиг, дунд, бичил аж ахуйн нэгжийн тоо хандлагатай харьцуулахад өссөн байна. Аж ахуйн нэгжийн инновацийг бий болгох орчныг сайжруулах ажил түргэсч, хот хоорондын ялгаа багасч, инновацийн орчны тэнцвэргүй хөгжлийн асуудлыг улам бүр хөнгөвчилжээ. Хүртээмжтэй санхүүгийн нийлүүлэлт тасралтгүй нэмэгдэж, Жижиг дунд үйлдвэрүүдийн санхүүжилтийн сэтгэл ханамж сайжирч, хүртээмжтэй санхүүжилтийн нийлүүлэлт нэмэгдсээр байна. Оролцогч хотууд 20,000 гаруй мужийн зэрэглэлийн төрөлжсөн болон шинэ ЖДҮ-г бий болгож, мэргэшсэн, тусгай, шинэ “Бяцхан аварга” аж ахуйн нэгжийн тоо 2020 онд 905 байсан бол одоогийн байдлаар 4572 болж нэмэгдэн, улсын хэмжээнд 50.8 хувийг эзэлж, жилийн дундаж өсөлт 124.77 хувьд хүрсэн байна.

  Хятадын Жижиг дунд үйлдвэрийн хөгжлийг дэмжих төвийн захирал Шан Липө хурал дээр:

- Үнэлгээгээр зарим бүс нутагт Жижиг, дунд үйлдвэрийг хөгжүүлэх орчныг оновчтой болгоход зарим нэг дутагдал байсаар байгаа бөгөөд үүнд голлон жижиг, дунд үйлдвэрүүдийн эрч хүчийг идэвхжүүлэх хүчин чармайлт хангалтгүй, аж ахуйн нэгжүүдийн өртөг зардал хүнд хэвээр байна гэж хэлэв.