ӨМӨЗО-ы урлагийн солилцооны нийгэмлэг, Улаанбаатар хотын Засгийн газар, Монгол Улсын идэр ба ахмад настайчуудын гэр бүлийн урлаг хөгжмийн төв хамтран зохион байгуулсан тус арга хэмжээ 08-р сарын 05-ны өдрийг хүртэл үргэлжилнэ.

Алшаа аймгийн ажлын чөлөөний урлагчдаар бүрэлдсэн Ээж хамтлаг энэ удаагийн соёлын солилцооны үйл ажиллагаанд тэргүүн байранд орж алтан медалиар шагнуулав. “Орог тэх”, “Жороо хар” хоёр аяыг товшуурдан тоглож, гурван улсаас оролцсон 50 гаруй бүтээлийн дундаас шалгарч алтан медаль хүртсэн байна.

Ээж хамтлаг 2010 онд 13 хүний бүрэлдэхүүнтэй байгуулагдаж байсан бол одоо 20 гаруй гишүүнтэй болжээ. Тэд Жангар хайлах, биелэх, холбоо хэлэх, товшуурдах, дуулах зэрэг олон төрлөөр уран бүтээлээ туурвидаг байна. Алшаа аймгийн онцлогтой язгуур урлагийг түгээн дэлгэрүүлэхээр зорилго тавин ажилладаг Ээж хамтлаг олон сайхан уран бүтээлээ ард түмэндээ хүргэсээр ирсэн юм.