07-р сарын 16-нд Төрийн зөвлөлийн хэвлэлийн албаны хийлгэсэн хэвлэлийн бага хуралд Хятадын Үндэсний статистикийн газрын хэвлэлийн төлөөлөгч Лю Ай-хуа танилцуулснаар, COVID-19 цар тахлыг тогтоон барих, сэргийлэх чиг хандлага үргэлжлэн сайжрахыг дагалдан ажил үйлдвэрлэлийг сэргээх, бизнес худалдаа зах зээлийг сэргээх алхаа түргэсэж, энэ оны эхний хагаст Хятадын эдийн засаг эхлээд буурч дараа нь сэргээд, эдийн засгийн өсөлт сөрөг байснаасаа хоёрдугаар улиралд эерэг өсөлттэй болж, гол гол индексүүд сэргэн нэмэгдэж, эдийн засгийн үйл ажиллагаа тогтвортой сэргэж, иргэдийн үндсэн амьдралын баталгаажуулалт эрчимжин, зах зээлийн урьдчилсан төсөөлөл ерөнхийдөө сайжирч, нийгмийн хөгжлийн их чиг хандлага тогтвортой байв гэжээ.

Эхний шатны статистик бүртгэлээр, эхний хагас жилийн ДНБ 45 их наяд 661.4 тэрбум юаньд хүрч, харьцуулж болохуйц үнээр тооцоолбол ноднингийн адил хугацааныхаас 1.6 хувиар буурсан байна. Улирлын хувьд авч үзвэл, эхний улиралд ноднингийн мөн үеэс 6.8 хувиар буурч, хоёрдугаар улиралд 3.2 хувиар өссөн байна.