2022 оны магистрын элсэлтийн шалгалтын дүнг нийтлээ! Элсэлтийн шалгалтад оролцогчид шалгалтын үр дүнгээ дахин хянуулах хүсэлт гаргаж болно.
Өнөөдөр /02-р сарын 21-ний өдөр/ олон газарт 2022 оны магистрын элсэлтийн шалгалтын дүнг лавлах сувгийг нээлээ. Онооныхоо талаар тодорхой эргэлзэж байгаа элсэлтийн шалгалтад оролцогчид дахин хянуулах хүсэлт гаргах боломжтой бөгөөд урьдчилсан шалгалтад тэнцсэн хүмүүс дараагийн шалгалтад бэлдэж эхэлжээ.
Магистрын элсэлтийн урьдчилсан шалгалтын дүнг ар араас нь нийтлэв
Янз бүрийн газраас гаргасан мэдэгдлийн дагуу, 2022 оны аспирантын элсэлтийн шалгалтын дүнг Жянсү, Шаньши, Хүнань, Шаньдүн, Хармөрөн зэрэг мужийнхан 21-ний өдөр, Хубэй мужийнхан 22-ны өдөр, Жянши, Жэжян мужийнхан 2-р сарын сүүлчээр шалгах боломжтой, хэсэг мужуудын үр дүнгийн лавлагааны цагийг цагийг хараахан зарлаагүй байна.
2022 оны магистрын элсэлтийн шалгалтын урьдчилсан шалгалтыг 2021 оны 12-р сарын 25-наас 26-ны хооронд зохион байгуулсан ба нийт 4.57 сая хүн бүртгүүлэн оролцсон байна. Магистрын элсэлтийн шалгалтад оролцогчид “Аспирантын элсэлтийн сүлжээ” болон ажилд авах вебсайтаас зарласан мэдэгдлийн дагуу аргуудаар дамжуулан үр дүнг шалгаж болно.
Орон нутгийн журмын дагуу шалгалтын онооны талаар эргэлзэж байгаа магистрын элсэлтийн шалгалтад оролцогчид онооныхоо талаар дахин хянуулах хүсэлт гаргаж болно.
Тухайлбал, Бүх улсын нэгдсэн шалгалтын урьдчилсан шалгалтын дүнг дахин хянах хүсэлтийг хоёрдугаар сарын 22-ны 09:00 цагаас хоёрдугаар сарын 23-ны 16:00 цаг хүртэл авах болсныг Шанхайн Боловсролын шалгалтын хүрээлэнгээс мэдэгдлээ. Магистрын элсэлтийн шалгалтад оролцогчид Шанхай хотын Боловсролын шалгалтын хүрээлэнгийн вебсайтаар дамжин "Үр дүнгийн лавлагаа"-ны хэсэгт нэвтэрч онлайнаар бүртгүүлэх боломжтой.
Гуандүны боловсролын шалгалтын хүрээлэнгээс мэдээлснээр хэрэв магистрын элсэлтийн шалгалтад оролцогчид шалгалтын дүнгийн талаар эргэлзэж байгаа юм бол заасан хугацаанд дахин хянуулах хүсэлт гаргаж болно. Хяналтын хамрах хүрээ нь хариултад ямар нэгэн орхигдуулсан, онооны нийлбэр, бүртгэлийн алдаа байгаа эсэхийг харж, үнэлгээний оноо олгох стандартын хатуу чанга асуудалд гар оролцохгүй.
Дөрөвдүгээр сарын сүүлчээр дараагийн шатны шалгалт буюу аман шалгалтын ажил дуусна
Боловсролын яамнаас гаргасан "2022 оны Бүх улсын магистрын элсэлтийн шалгалтын ажлын удирдлагын журам"-д зааснаар, аман шалгалтын цаг, газар, агуулга, арга, үр дүнд ашиглах арга, зохион байгуулалтын удирдлага зэргийг тус сургуулийн элсэлтийн нэгжээс Боловсролын яамны холбогдох журмын дагуу бие даан тогтооно. Аман шалгалт өгөх арга, журмыг элсэлтийн нэгжээс зарлана.
Зарчмын хувьд элсэлтийн нэгж нь олон багц шалгалт гаргаж, магистрын элсэлтийн шалгалтад оролцогчдоос шалгалтын асуултыг сонгох хэлбэрээр хариулах гэх мэтээр аман шалгалт өгөх үйл явцын удирдлагыг бэхжүүлэх ёстой. Аман шалгалтын бүх ажлыг ерөнхийдөө элссэн жилийнхээ 04-р сарын сүүлээс өмнө дуусгах ёстой.
Эдгээрээс урьдчилсан шалгалтын нийтийн хичээлийн дүн нь улсын урьдчилсан шалгалтын үндсэн шаардлагаас арай доогуур гарсан боловч мэргэжлийн хичээлээр онц дүнтэй, шинжлэх ухааны судалгаа, инновацын чиглэлээр онц дүнтэй гарсан аспирантын элсэлтийн шалгалтад оролцогчдыг элсүүлж болно. Элсэлтийн нэгж нь аман шалгалтын онооны зөрүүний харьцааг бие даан тогтоож, урьдчилан зарлана. Зөрүүний харьцаа ерөнхийдөө 120 хувиас багагүй байна.
Магистрын элсэлтийн шалгалтад оролцогчдын тоо жил ирэх тусам нэмэгдэж байна
Сүүлийн жилүүдэд магистрын элсэлтийн шалгалтад орох хүсэлтэй хүмүүсийн тоо жил ирэх тусам нэмэгдэж байна. 2022 онд улсын хэмжээнд магистрын элсэлтийн шалгалтад 4.57 сая хүн оролцож, 2021 онтой харьцуулахад 800 мянга буюу 21 хувиар нэмэгдсэн байна.
Май Кэси судалгааны хүрээлэнгийн нийтэлсэн "2021 оны Хятадын бакалаврын ажил эрхлэлтийн тайлан"-д дурдсанаар Хятадад бакалаврын боловсрол эзэмшсэн төгсөгчдийн улсын дотооддоо аспирантын элсэлтийн шалгалтад оролцогчдын эзлэх хувь 2016 онд 13.4 хувь байсан бол 2020 онд 16.4 хувь болж, 3 хувиар нэмэгджээ.
Хэбэй мужийн Багшийн их сургуулийн Газарзүйн шинжлэх ухааны сургуулийн дэд захирал Биан Юйсюань саяхан хэвлэлд өгсөн ярилцлагадаа ажил мэргэжлийн төлөвлөлтийн чиглэлээр 10 жил хичээл заасан тухайгаа хэлэхдээ
- Таван жилийн өмнө ангийн 50 орчим хувь нь магистраар суралцах хүсэлтэй байгаагаа илэрхийлж байсан. Одоо төгсөлтийн дараах аспирантын элсэлтийн шалгалт өгөх хүсэлтэй байгаа нэгдүгээр курсийн оюутнуудын эзлэх хувь 80 хувьтай байна. Дөрөв дэх жилдээ ч гэсэн нийт оюутнуудын 70 гаруй хувь нь аспирантын элсэлтийн шалгалтдаа бэлдэж байна гэжээ.
-Хятад улсад дээд боловсролыг сурталчлахын хэрээр улам олон бакалаврын коллеж, их дээд сургуулиуд дээд боловсролын чиг хандлагатай болж хөгжиж, тэдний бакалаврын сургалт нь ерөнхий боловсролд илүү хандлагатай болж, төгсөгчдийн дийлэнх хувь нь үргэлжлүүлэн суралцахаар сонгох болно гэж Шинь Вэньдао сургалт, судалгааны хүрээлэнгийн Ваньлэй тайлбарласан байна.
Хятадын боловсролын яамнаас гаргасан "2022 оны үндэсний магистрын элсэлтийн судалгааны тайлан"-д дурдсанаар төгсөлтийн дараах оюутнуудын бараг 60 хувь нь ажлын байран дахь өрсөлдөх чадвараа дээшлүүлэх зорилгоор аспирантын элсэлтийн шалгалтыг сонгох болсон ба аспирантын элсэлтийн шалгалтад оролцож буй хүмүүсийн 50 орчим хувь нь мэдлэгээ дээшлүүлэх зорилгоор оролцож байна. Бүтэц, соёлын бичиг үсгийг бэхжүүлэх. Оюутны хотхоныхоо амьдралыг дурсаж, цаашид эрдэм боловсролоо дээшлүүлэх хүсэлтэй магистрын элсэлтийн шалгалтад оролцож буй хүмүүсийн эзлэх хувь 30 гаруй хувьтай байна.
