Америкийн “Revolver” сэтгүүлийн газраас 2019 оны дэлхийн шилдэг 10 клипийг тодруулав. Тус жагсаалтад Монголын “The Hu” хамтлаг багтсан байна.

Тус хамтлагийн талаар  “Revolver” сэтгүүл “Монголын “The Hu” рок хамтлаг энэ жил олон сайхан клипээрээ алдаршсан. Ялангуяа, “The Great Chinggis Khaan” клип нь 2019 оны хамгийн шилдэг бүтээлийн нэг боллоо. Энэ дуу бол Монголын их гүрнийг үндэслэгч Чингис хааны тухай дуу юм. Клипийн зураг авалтыг Их хааны төрсөн нутаг Бурхан Халдунд 30 хэмийн хүйтэнд авсан байна. Тэдний эрэлхэг дайчин байдал, эрч хүч рок хөгжмийн ертөнцийг байлдан дагуулж байна” хэмээн бичсэн байна.