Төрийн зөвлөлийн мэдээллийн албанаас саяхан хэвлэлийн бага хурал хийж, 2022 оны дөрөвдүгээр сарын үндэсний эдийн засгийн үйл ажиллагааг танилцуулав. Үндэсний статистикийн газрын хэвлэлийн төлөөлөгч, Үндэсний эдийн засгийн иж бүрэн статистикийн газрын дарга Фү Линхүй хурал дээр хэлэхдээ:
- Дөрөвдүгээр сард цар тахал эдийн засгийн үйл ажиллагаанд ихээхэн нөлөөлсөн боловч энэ нөлөө нь богино хугацааны бөгөөд гадаад шинж чанартай юм. Хятадын Эдийн засаг тогтвортой сайн байж, урт хугацааны хөгжлийн үндэс нь өөрчлөгдөөгүй, өөрчлөлт шинэчлэлт, өндөр чанартай хөгжлийн ерөнхий хандлага ч өөрчлөгдөөгүй юм. Цар тахлаас урьдчилан сэргийлэх, тэмцэх ажлыг үе шаттай үр дүнтэй хэрэгжүүлж, эдийн засгийг тогтворжуулах үр дүнтэй арга хэмжээг үргэлжлүүлснээр эдийн засаг аажмаар сэргэх төлөвтэй байна.
Онлайн хэрэглэгчдийн эрэлт эхний 4 сард үргэлжлэн сулрав
Дөрөвдүгээр сард өргөн хэрэглээний барааны нийт жижиглэнгийн борлуулалт өнгөрсөн оны мөн үеийнхээс 11.1 хувиар буурав. Үндэсний статистикийн газрын Худалдаа, гадаад эдийн засгийн харилцааны хэлтсийн статистикч Фү Жячи дүн шинжилгээ хийснээр:
- Нийгмийн өргөн хэрэглээний барааны нийт жижиглэнгийн худалдааны дийлэнх хувийг эзэлдэг аялал жуулчлалын барааны жижиглэнгийн худалдааны өсөлт удааширч, мэдэгдэхүйц буурсан нь хэрэглээний зах зээлд илүү их нөлөө үзүүлсэн байна. Гэсэн хэдий ч
Нэгдүгээр сараас дөрөвдүгээр сар хүртэл өргөн хэрэглээний барааны жижиглэнгийн худалдааны нийт хэмжээ өмнөх оны мөн үеийнхтэй үндсэндээ ижил байж, онлайн хэрэглэгчдийн эрэлт хэрэгцээ үргэлжлэн суларч, үндсэн амьдрал болон зарим сайжруулсан хэрэглээ нь сайн өсөлтийн хандлагатай болж, супермаркет, дэлгүүр зэрэг жижиглэн худалдааны хэлбэрүүдийн тогтвортой өсөн, хэрэглээний зах зээл сэргэх хандлага өөрчлөгдөөгүй.
Онлайн жижиглэнгийн борлуулалт үргэлжлэн өсөж, онлайн хэрэглээний эзлэх хувь нэмэгдсээр байна. Нэгдүгээр сараас дөрөвдүгээр сар хүртэл улсын хэмжээнд биет барааны онлайн жижиглэнгийн худалдаа өнгөрсөн оны мөн үеийнхээс 5.2 хувиар өсөж, өргөн хэрэглээний барааны нийт жижиглэнгийн худалдааны 23.8 хувийг эзлэн, нэгдүгээр сар гуравдугаар сарынхаас 0.6 пунктээр нэмэгдсэн байна.
Үндсэн хэрэглээний барааны борлуулалт нийт дүнгээс хамаагүй дээр байв. Нэгдүгээр сараас дөрөвдүгээр сар хүртэл тогтоосон хэмжээнээс давсан үр тариа, тос, хүнс, ундаа, өдөр тутмын хэрэглээний барааны жижиглэнгийн худалдаа өнгөрсөн оны мөн үеийнхээс 9.5 хувь, 10.4 хувь ба 2.5 хувиар тус тус өсөв.
Сайжруулсан зарим барааны жижиглэнгийн худалдаа сайн өсөлттэй байгааг харуулж байна. Нэгдүгээр сараас дөрөвдүгээр сар хүртэл гэр ахуйн цахилгаан хэрэгсэл, дуу дүрсний хэрэгсэл, соёлын албан тасалгааны хэрэгсэл, ном, сонин, сэтгүүлийн жижиглэнгийн худалдааны хэмжээ тогтоосон хэмжээнээс давсан нэгжийн жижиглэнгийн худалдаа өмнөх оны мөн үеэс 2.4 хувь, 6.7 хувь, 8.6 хувиар тус тус өсөж, өсөлтийн хурд нь тогтоосон хэмжээнээс давсан нэгжийн жижиглэнгийн борлуулалтаас өндөр байв.
Харьцангуй өндөр тав тухтай бие даасан үйлчилгээний хэрэглээ, олон нийтийн дэлгүүрүүдэд жижиглэн худалдаалах нь өсөлтийг хадгалав. Нэгдүгээр сараас дөрөвдүгээр саруудад тогтоосон хэмжээнээс дээш супермаркет, жижиглэнгийн худалдаа өмнөх оны мөн үетэй харьцуулахад 3.6 хувь ба 8.5 хувиар тус тус өссөн бол нийтийн хэрэглээтэй нягт холбоотой хүнсний дэлгүүрийн жижиглэнгийн худалдаа өнгөрсөн оны мөн үеийнхээс 2.4 хувь ба 6.8 хувиар тус тус өсөв.
Аж үйлдвэрийн шинэчлэлийн хөгжлийн чиг хандлага өөрчлөгдөөгүй
Дөрөвдүгээр сард аж үйлдвэрийн үйлдвэрлэл цар тахал, тээвэр ложистикийн саад бэрхшээл зэрэг зүйлсээс шалтгаалан тогтоосон хэмжээнээс давсан аж үйлдвэрийн аж ахуйн нэгжүүдийн нэмүү өртөг өмнөх оны мөн үеэс 2.9 хувиар буурч, үүнд үйлдэх үйлдвэрлэл 4.6 хувиар буурчээ. Фу Линхүй хэлэхдээ:
-Аж үйлдвэрийн гурван том ангилалд багтсан уул уурхай, цахилгаан, дулаан, хий, усны үйлдвэрлэл, хангамжийн салбарууд өсөлтөө хадгалсан бөгөөд үйлдвэрлэлийн бууралтад автомашин зэрэг тоног төхөөрөмжийн үйлдвэрлэл буурсан нь гол нөлөөлөв. Цар тахлын нөлөөгөөр зарим аж үйлдвэрийн салбар өсөлтөө хадгалж, хүчтэй тэсвэртэй байдлыг харуулав.
Эрчим хүч зэрэг үндсэн үйлдвэрүүд, иргэдийн амьдралтай холбоотой өргөн хэрэглээний барааны үйлдвэрүүд үргэлжлэн хөгжиж байв. Дөрөвдүгээр сард нүүрс олборлох, угаах үйлдвэрийн нэмүү өртөг өмнөх оны мөн үеийнхээс 13.2 хувиар өсөж, газрын тос, байгалийн хий олборлох үйлдвэрийн нэмэгдсэн өртөг 7.2 хувиар өсөн, хүнсний үйлдвэрлэл, дарс, ундаа болон цэвэршүүлсэн цайны үйлдвэрүүд өмнөх оны мөн үеэс 0.1 хувь ба 0.5 хувиар тус тус өссөн байна. Үүний зэрэгцээ өндөр технологийн үйлдвэрлэл үргэлжлэн хөгжих хандлагатай байж дөрөвдүгээр сард өндөр технологийн үйлдвэрлэлийн нэмүү өртөг өмнөх оны мөн үетэй харьцуулахад 4 хувиар өссөн байна. Фү Линхүй хэлэхдээ:
- Аж үйлдвэрийн шинэчлэлийн хөгжлийн хандлага өөрчлөгдөөгүй нь эдийн засгийн хөгжлийн урт хугацааны эерэг хандлага өөрчлөгдөөгүй байгааг харуулж байна.
Тэрээр хэлэхдээ:
- Хятад улсын аж үйлдвэрийн иж бүрэн тогтолцоо, хүчирхэг дэмжих чадавхын онцлог өөрчлөгдөөгүй. Нэгдүгээр сараас дөрөвдүгээр сар хүртэл тогтоосон хэмжээнээс давсан аж үйлдвэрийн аж ахуйн нэгжүүдийн нэмүү өртөг 4 хувиар өсөв. Цар тахлыг хяналтад авснаар тээвэр, ложистик аажмаар нээгдэж, үйлдвэрлэлийн мөчлөг сайжирсан байна. Ялангуяа татварыг бууруулах, хураамжийг бууруулах, аж ахуйн нэгжүүдэд тусламжийн бодлогоор туслах хүчин чармайлтыг үргэлжлүүлэх нь бизнесийн итгэлийг нэмэгдүүлж, бизнесийн үйл ажиллагааг сайжруулахад туслан, аж үйлдвэрийн үйлдвэрлэлийг тасралтгүй сэргээхэд дэмжлэг үзүүлэв.
Үндэсний эдийн засаг хурдан сэргэнэ
Энэ он гарснаас хойш Хятадын эдийн засгийн үйл ажиллагаа олон хүндрэлтэй тулгарсан ч тогтвортой өсөлтийг хадгалах олон таатай нөхцөл бүрдэж байв.
Нэг. Цар тахлаас урьдчилан сэргийлэх, тэмцэх ажил үр дүнд хүрч, ажил, үйлдвэрлэлийг сэргээх үр нөлөө аажмаар гарч ирэв. Дөрөвдүгээр сарын дунд сүүл үеэс эхлэн тархалтын байдал ерөнхийдөө буурах хандлагатай болов. Одоогийн байдлаар Шанхай хотод тогтоосон хэмжээнээс дээш 9000 гаруй аж үйлдвэрийн аж ахуйн нэгжийн 50 орчим хувь нь ажлаа сэргээжээ. Тавдугаар сараас хойш үүссэн нөхцөл байдлаас харахад цар тахлын эхэн үед ихээхэн нэрвэгдсэн ачаа тээвэр, ложистикийн салбар сэргэж, үндэсний эрчим хүчний үйлдвэрлэл зэрэг зарим биет үзүүлэлтүүд ч сайжирсан байна.
Хоёр. дэд бүтэц, аж үйлдвэрийн хөрөнгө оруулалтыг хүчтэй дэмжиж, өсөлтийг тогтворжуулахад хөрөнгө оруулалт үргэлжлэн оролцох болно. Энэ он гарснаас хойш тусгай бонд гаргах, ашиглах ажил эрчимжиж, дэд бүтцийн хөрөнгө оруулалтад зарцуулах төсвийн хөрөнгө харьцангуй хүрэлцээтэй байна. Хөрөнгө оруулалт хийсэн хөрөнгийн дотроос улсын төсвийн хөрөнгийн өсөлтийн хурд харьцангуй хурдацтай байгаа нь дэд бүтцийн хөрөнгө оруулалт тогтвортой өсөхөд туслав. Нэгдүгээр сараас дөрөвдүгээр сар хүртэл аж үйлдвэрийн салбарын хөрөнгө оруулалт өмнөх оны мөн үеийнхээс 12.2 хувиар өссөн нь бүх хөрөнгө оруулалтын өсөлтөөс илүү хурдацтай байв.
Гурав. Хэрэглээ аажмаар сэргэх төлөвтэй байгаа бөгөөд онлайн хэрэглээ болон сайжруулсан хэрэглээ нь хэрэглээнд чухал дэмжлэг үзүүлнэ. Фү Линхүй хэлэхдээ:
- Дараагийн шатанд аж ахуйн нэгжүүдэд үзүүлэх тусламжийг эрчимжүүлж, ажлын байрыг тогтворжуулан, ажлын байр суурь ерөнхийдөө тогтвортой болж, оршин суугчдын орлого, оршин суугчдын зарцуулалтын хүчийг хамгаалж чадав. Түүнчлэн, зарим уламжлалт контакт хэлбэрийн хэрэглээг онлайнаар шилжүүлэх нь хурдацтай явагдаж, өрхийн хэрэглээг сайжруулах хандлага үргэлжлэх бөгөөд энэ нь хэрэглээний өсөлтийг дэмжихэд тустай юм.
Дөрөв. Экспорт тогтвортой өсөх олон сайн нөхцөл байсаар байна. Хятадын аж үйлдвэрийн иж бүрэн систем, үйлдвэрлэлийн ханган нийлүүлэлтийн хүчирхэг хүчин чадал, гадаад эрэлт хэрэгцээний өөрчлөлтөд түргэн дасан зохицох чадвар зэрэг нь Хятад улс нээлттэй байдлаа өргөтгөх, худалдааны түншүүдтэйгээ харилцан ашигтай хамтын ажиллагааг бэхжүүлэх, чөлөөт худалдааны бүс байгуулахыг ахиулах нь экспортыг өргөжүүлэхэд тустай юм .
Энэ онд макро хяналтын бодлогын зохицуулалтыг эрчимжүүлж, бодит эдийн засагт чиглэсэн төсөв, санхүүгийн дэмжлэгийг тасралтгүй хэрэгжүүлж, татвар хураамжийг дэмжих бодлогыг үр дүнтэй хэрэгжүүлэн, мөнгөний бодлогын олон төрлийн хэрэгслийг иж бүрэн ашиглаж байна.
Фу Линхүй хэлэхдээ:
- Эдийн засагт үзүүлэх дарамт шахалтад холбогдох талууд нэмэгдэн бодлогын арга хэрэгслийг төлөвлөх, хяналтын арга хэмжээг эрчимжүүлж байгаа нь макро эдийн засгийн зах зээлийг цаашид тогтворжуулахад ашигтай. Ер нь цар тахлын хямрал нь Хятад улсын эдийн засгийн тогтвортой үйл ажиллагааны чиг хандлагыг өөрчлөхгүй, хангалттай дасан зохицох чадвартай, асар их нөөц бололцоотой мөртөө өргөн орон зайтай байж Хятад улсын эдийн засгийн шинж чанарыг өөрчлөхгүй. Төрөл бүрийн бодлогыг дэмжсэнээр үндэсний эдийн засаг илүү хурдацтай сэргэж, тогтворжих болно.
