БНХАУ-ын Монгол Улсад суугаа Элчин Сайдын Яам, Улаанбаатар Хятадын Соёлын Төв, Монгол Улсын Архангай аймгийн Засгийн газар, Монголын урлагийн ажилтны холбоо хамтран зохион байгуулсан “Хятадын соёлын өдрүүд-2016” энэ сарын 4-ний өдөр Цэцэрлэг хотод нээлтээ хийжээ.

“Хятадын соёлын өдрүүд” арга хэмжээ нь 8-ны өдөр хүртэл үргэлжлэх бөгөөд энэ хугацаанд Хятад, Монгол хоёр орны урлагийнхны хамтарсан тоглолт, Хятадын уран бүтээлчдийн мал аж ахуйн орон дахь аялан тоглолт, Хятадын Хөхнуур Танкагийн урлагийн үзэсгэлэн, Хятадын номын үзэсгэлэн зэрэг баялаг агуулгыг хамрах юм байна.