Бээжин хотноо 04-р сарын 24-нд ШХАБ-ын гишүүн орнуудын БХ-ын сайд нарын XV чуулган нээлтээ хийв. Энэ бол тус байгуулага гишүүний өргөтгөл хийсний дараах БХ-ын сайд нарын анхны хурал бөгөөд Хятадын БХ-ын сайд Вэй Фэнхэ тавьсан илтгэлдээ: ШХАБ-ын гишүүн орнууд дээд зиндааны харилцаа, цэргийн нэгдсэн сургуулилт, боловсрол, сургалт зэрэг салбар дахь ажил хэрэгч хамтын ажиллагаагаа эрчимжүүлж, ялангуяа терроризмыг эсэргүүцэх ажилд нэгдсэн фронт байгуулан, бүс нутаг ба дэлхийн энх тайван, амар амгалан байдлыг хамтдаа хамгаалах ёстой гэсэн байна. Мөн тухайн өдөр Цагаан хэрэмний Цавчаал боомтод “Энх тайвны уриа” цэргийн хөгжмийн V наадам нээгдсэн юм.
Вэй Фэнхэ:
- Энэ чуулган "Хувь заяаны хамтын цогц байгуулан, шинэлэг хамтын ажиллагаагааны хөгжлөө эрчимжүүлье" уриан дор болж байна. Бид улс орны удирдагчид хоорондын нийтлэг ойлголтыг ажил хэрэг болгон хэрэгжүүлж, Батлан хамгаалахын салбар дахь хамтын ажиллагаагаа тасралтгүй эрчимжүүлэх хэрэгтэй гэж хэллээ.
Вэй Фэнхэ цохон тэмдэглэхдээ: "Батлан хамгаалах, аюулгүй байдлын салбарт эрх тэгш харилцах, сахин хамгаалж, харилцан тусалж, зовлон жаргалаа хуваалцан, энх тайвны үүргийг хамтдаа хүлээх хувь заяаны хамтын цогц байгуулах үзэл баримтлалаар хамт байгуулан хамтдаа эдлэх аюулгүйн тогтолцоог бий болгохоор хичээх ёстой. Түүхийн шинэ гараанаас Шанхайн үзэл санааг үргэлжлэн баримталж, дээд хэмжээний хэлхээ холбоо, цэргийн нэгдсэн сургуулилт, цэргийн соёл боловсрол, бэлтгэл сургалт зэрэг тал дээр ажил хэрэгчээр хамтран ажиллаж, ялангуяа терроризмд цохилт өгөх талаар нэгдмэл фронт байгуулж, бүс нутаг болон дэлхийн энх тайван, амар амгалан байдлыг хамтдаа хамгаалах ёстой гэсэн байна.
Энэ бол ШХАБ өргөтгөл хийсний дараа Бээжинд болж буй Батлан хамгаалахын сайд нарын анхны хурал юм. Бүс нутаг болон дэлхийн энх тайвны үйл хэргийн талаар хамтдаа зөвшилцөж байгаа нь олон орны төрийн тэргүүлэгчдийн ШХАБ-ын батлан хамгаалах, аюулгүй байдлын салбарын хамтын ажиллагааг дээд хэмжээгээр чухалчилж, олон орон Шанхайн үзэл баримтлалыг дээд хэмжээнд хүлээн зөвшөөрч байгааг бүрэн харууллаа. Энэ нь дэлхий дахинд ШХАБ эв санаа нэгтэй, найрсгаар хамтран ажиллаж, сайн сайхан уур амьсгалтай байгааг харуулж байна гэсэн байна.
Хуралд олон орны Батлан хамгаалахын сайд нар 2017 оны Батлан хамгаалахын сайд нарын хурлаас хойших хамтын ажиллагааны үр дүнг дүгнэж, олон улсын болон бүс нутгийн аюулгүй байдал, ШХАБ-ын батлан хамгаалалт, аюулгүй байдлын салбарын хамтын ажиллагаа зэрэг асуудлаар үг хэлж, өнөөгийн олон улсын ээдрээтэй байдалд тус байгууллагын гишүүн орнуудын батлан хамгаалах салбар болон цэрэг арми, цаашид хамтран ажиллаж, тулгарч буй заналхийлэл сорилтыг хамтдаа зохицуулах ёстой гэж цохон тэмдэглэлээ.
Мөн тухайн өдрийн орой Цагаан хэрэмний Цавчаал боомтод "Энхийн уриа дуун" цэргийн хөгжмийн V наадам болсон юм. Хятад, Орос, Киргиз, Тажикстан, Узбекстан, Энэтхэг, Пакистан, Беларусийн цэргийн хөгжимчид онцгой сайхан тоглолт хийж, үзэгч олноо баясгажээ. Найман улсын цэргийн хөгжмийн хамтлаг тус тусын орны өвөрмөц дуу хөгжмийг сонирхуулсан төдийгүй “Энхийн уриа дуу"-г хамтдаа эгшиглүүлж, ШХАБ-ын гишүүд бүс нутаг, дэлхийн энх тайвныг тууштай хамгаалах шийдвэр зоригтой байгаагаа харуулсан юм.
Хурлын үеэр олон орны БХ-ын сайд нар хурлын тэмдэглэл, хамтын албан мэдээнд хамтдаа гарын үсэг зурав. Хуралд ШХАБ-ын гишүүн орнуудын БХ-ын сайд нарыг найрамдал, хамтын ажиллагаагаа эрчимжүүлснийх нь төлөө одонгоор шагнажээ. Хурлын өмнө олон орны БХ-ын сайд нар Тянь Ань Мэний талбайд очиж, ардын баатруудын хөшөөнд цэцэг өргөсөн юм.
