“Митини”, “Солати” хэмээх нэртэй Азийн ганц эвэртэй хирсийг энэ сарын 23-ны өдөр Шанхайн зэрлэг амьтны хүрээлэнд жуулчдад харуулсан байна. Азийн ганц эвэрт хирсийг Непалын Засгийн газраас Хятадад бэлэглэсэн юм. Өнгөрсөн зууны эхэнд Хятадад устсан бөгөөд одоогийн байдлаар Непал, Энэтхэг гэх мэт Азийн цөөн оронд байдаг ховор амьтан билээ. Өдгөө эмэгчин “Митини” болон эрэгчин “Солати” нарын тус бүрийн жин нэг тонн хүрээд байгаа аж.