Өнөөдрийн 00:00 цаг дөнгөж өнгөрөөд 1 минут 36 секунд гэхэд Tmall сайтын 2019 оны "Хос 11"-ийн хөнгөлөлттэй худалдаа 10 гаруй тэрбум юаньд хүрсэн бөгөөд 500 сая гаруй хэрэглэгч оролцсон байна.

Энэ онд Хятадын цахим худалдааны алдарт Алибаба компани "Хос 11"-ийн хөнгөлөлттэй худалдааг 11 дэх жилдээ зохион байгууллаа. 11 жилийн хөгжлийн үр дүнд Tmall-ийн "Хос 11"-ийн худалдаа дэлхийн цахим худалдааны наадам болон өргөжсөн юм. Алибаба компанийн тоо бүртгэлээс үзвэл, энэ оны "Хос 11"-ийн худалдаанд 200 гаруй улс орон, бүс нутгийн 22 мянга гаруй брэнд Хятадын цахим худалдааны наадмын арга хэмжээнд оролцоно.