Бээжингийн олон улсын номын 29-р үзэсгэлэн 06-р сарын 15-ны өдөр Бээжин дэх Хятадын үндэсний хурлын төвд нээгдэж, ХКН-ын Төв хорооны Улс төрийн товчооны гишүүн, Төвийн суртал ухуулгын хэлтсийн захирал Ли Шүлэй Бээжингийн олон улсын номын 29-р үзэсгэлэнд зочилж, ажиллав.
"Соёл иргэншлийн дунд солилцоо, харилцан суралцахуйг гүнзгийрүүлэх нь" сэдэвт энэ жилийн Бээжингийн олон улсын номын 29-р үзэсгэлэн нь Хятад, гадаад хэвлэлийн солилцоо, хамтын ажиллагааны тавцан болж, ном хэвлэлийг мэдээллийн хэрэгсэл болгон ашиглаж, хил дамнасан цаг эрин, хил дамнасан соёл иргэншлийн хүрээнд зохион байгуулж, Шинэ эриний арван жилийн болон Хятадын Коммунист намын 20-р их хурлаас хойших хэвлэлийн ололт амжилтыг бүрэн үзүүлж, өөр өөр соёл иргэншлийн дунд солилцоо, яриа хэлэлцээг хөхиүлэн дэмжиж байна.
Бээжингийн олон улсын номын 29-р үзэсгэлэн нь 51900 хавтгай дөрвөлжин метр талбайтай бөгөөд улсын дотоодын үзэсгэлэнгийн бүс, гадаадын үзэсгэлэнгийн бүс, онлайн хэвлэлийн үзэсгэлэнгийн бүс, Бээжингийн олон улсын номын баярын үзэсгэлэнгийн бүс хэмээн тохируулжээ. Бүгд Найрамдах Ардчилсан Алжир улс зочин орноор саатжээ. Үзэсгэлэнд 56 улс орон, бүс нутгийн 2500 гаруй үзмэрчид оффлайн болон онлайнаар оролцож, 200 мянга гаруй ном дэлгэгджээ. Уг үзэсгэлэнгийн гадаадын үзэсгэлэнгийн хэсэгт Герман, Грек зэрэг 14 улс үндэсний хэмжээний үзэсгэлэнгийн тавцан байгуулжээ. Мөн Элсевиер, Жон Вилли зэрэг олон улсын томоохон хэвлэлийн 50 гаруй байгууллага оффлайн үзэсгэлэнд оролцож, янз бүрийн улс орнуудын соёл иргэншлийн гарамгай ололт амжилтыг төлөөлсөн гадаад хэлний чанартай номуудыг үзүүлэхэд анхаарлаа хандуулсан байна. Ван-И, Тэншюүнь зэрэг аж ахуйн нэгжүүд онлайн хэвлэлийн үзэсгэлэнгийн хэсэгт онлайн ном зохиол, онлайн тоглоом зэрэг хэвлэлийн шинэ форматуудын ололт амжилтыг харуулахад анхаарлаа хандуулсан байна. Бээжингийн олон улсын номын баярыг Бээжингийн олон улсын номын 29-р үзэсгэлэнтэй адил хугацаанд зохион байгуулж, Бээжингийн хэвлэлийн ном үзэсгэлэн, худалдаанд оролцлоо. Мөн Бээжингийн олон улсын номын 29-р үзэсгэлэнд онлайн хэвлэлийн хөгжлийн форум, нийтлэлийн үзэсгэлэн, уншлагын сурталчилгаа, сэдэвчилсэн нийтлэл гаргах зэрэг 1000 гаруй хэвлэлийн солилцооны үйл ажиллагаа зохион байгуулсан байна.
Бээжингийн олон улсын номын 29-р үзэсгэлэн нь 4 өдөр үргэлжлэх бөгөөд Төрийн хэвлэл мэдээлэл, хэвлэлийн удирдлага, Шинжлэх ухаан технологийн яам, Бээжин хотын Ардын Засгийн газар, Хятадын Зохиолчдын Холбоо, Хятадын хэвлэн нийтлэгчдийн холбоо хамтран ивээн тэтгэж байна.
