Кино гэдэг үндсэндээ олон нийтийн соёлын амьдралын чухал хэсэг болсон. Хэрэв та киноны хөгжлийн түүх, тайзны цаадах түүхийг сонирхож байвал Хятадын кино музейг орхигдуулж болохгүй.
Бээжин хотын Чаоян дүүргийн Нань-Ин зам дээр Хятадын кино музей сүрлэг харагдаж байна. Гол үндсэн барилга нь үндсэн өнгө болох хар өнгөтэй, гадна давхарга нь хөндий хээтэй металл хавтангаар чимэглэгдсэн. Энэ барилгын урд талд байрлах асар том дэлгэц, талбай дахь налуу хана нь гайхалтай хосолж, сайхан үзэмжийг бүрдүүлдэг.
Энэ бол нэгэн залуу музей. 2007 онд албан ёсоор нээлттэй болж үзэгчдийн хүртээл болсон. 2020 онд улсын нэгдүгээр зэрэглэлийн музей болсон. Тус музейд 140,000 гаруй кино зохиол, хувцас хэрэглэл, тоног төхөөрөмж зэрэг цуглуулга бий. Энд үзэгчид өнгөрсөн зуу гаруй жилийн турших Хятадын киноны гайхамшигт түүхийг эргэн харж, шинэ эриний Хятадын киноны эрч хүчийг мэдэрч, интерактив туршлагаар дамжуулан гэрэл сүүдрийн урлагийн нууцыг шинжлэн судлах боломжтой.
Хятадын киноны хөгжлийн үйл явцыг эргэн харахуйд
1905 онд "Динжюнь уул" кино гарснаас хойш Хятадын кино зуу гаруй жилийн хөгжлийг туулсан. Хятадын кино музейн "Зуун жилийн түүх, зууны алдар" байнгын үзэсгэлэн энэ түүхийг өгүүлдэг.
"Хятадын киноны үүсэл ба анхан шатны хөгжил" үзэсгэлэнгийн танхимд "Динжюнь уул" киноны зураг авалтын хэсгийг сэргээн засварлаж, кино найруулагч Рэнь Чинтайн 70 настай байх үеийн гэрэл зураг, төмөр хавтангуудыг дэргэд нь дэлгэн тавьжээ. 1905 оны намар үндэсний үйлдвэрчний зүтгэлтэн Рэнь Чинтай Бээжингийн дуурийн зураач Тань Шиньпэйтэй хамтран "Динжюнь уул" хэмээх Бээжин дуурийн зураг авалтыг хийж, мөн Бээжингийн өмнө хаалганы гаднах Дагуаньлөү кино театрт үзүүлжээ.
Энэ бол хятадуудын өөрсдийнх нь бүтээсэн анхны кино бөгөөд зураг авалт, үзүүлбэр нь Хятадын кино урлаг бий болсныг харуулж байгаа юм. Энэхүү төмөр хавтан нь Рэнь Чинтайтай холбоотой үлдсэн цорын ганц биет соёлын дурсгал. Түүнд ашиглагдаж буй зэс материал нь мөн харьцангуй ховор бөгөөд улсын нэгдүгээр зэрэглэлийн соёлын дурсгалд тооцогддог.
Хананд тэр чигтээ сонгодог киноны зураг, Хү Дие, Руань Линьюй зэрэг кино одуудын зургийн цомог, "Киноны зурагт сонин", "Киноны сарын сонин" зэрэг кино хэвлэлүүд өлгөөтэй харагдана. Эдгээр арвин баялаг үзмэрүүд 1920-1940-өөд оны Хятадын кино урлагийн хөгжлийн тухай өгүүлдэг. Үзэсгэлэнд Янь-Ань кино багийн шарласан цаасан зургийн товхимол онцгой ховор, үнэ цэнтэй. Энэ бол 1938 онд кино найруулагч Юань Мүжи, гэрэл зурагчин Ү Иньхань-ний "Янь-Ань ба наймдугаар замын арми" хэмээх том хэмжээний баримтат киноны зураг авалтын үеэр үлдээсэн киноны зураг болон ажлын зургийн цуглуулга юм. Үүнд, ХКН-ын удирдлага дор энэ киног бүтээсэн үйл явцыг бодитой тэмдэглэсэн байдаг.
Шинэ Хятад улс байгуулагдсаны дараа кино урлаг асар их хөгжлийг авчирсан.
Дугуй хэлбэртэй үзэсгэлэнгийн хэсэг хэсэг будсан баримлууд хүмүүсийн анхаарлыг татаж байв:
"Баатрууд ба хөвгүүд" киноны Ван Чен, "Гал доторх мөнх амьдрал" киноны чигч шударга Жян Жие, Шюй Юнфэн, Бяцхан лууван толгойт, "Бяцхан цэрэг Жан Га" киноны хөгжилтэй Пан Фань-и гэх зэрэг.Энэхүү хэсэг бүлэг будсан баримлууд 1949-1978 он хүртэлх дотоодын 700 орчим киноны 100 төлөөллийн уран сайхны дүрсийг агуулдаг. Тяньжинь кино үйлдвэрийн дизайн, Тяньжиний Жан овогтын Шавар дүрст өнгөт баримлын студи бүтээж үйлдвэрлэсэн байна.
- Энэ бол Жан Руйфангийн дүрд тоглосон Ли Шуаншуан, Юй Ланийтоглосон Жян эгч. Тэд манай үеийн хүмүүсийн сайн мэддэг дэлгэцийн одод юм гэж Жөү буурал эмээ үзэсгэлэнд байгаа будсан баримлууд руу заагаад хажуугийнх нь гэр бүлд хандан хэлэв. Үзэсгэлэнгийн дэргэд дунд болон өндөр насны олон зочид ирж, дуртай киноны дүрээ хайж байв.
Цааш нь үргэлжлүүлбэл, "Өөрчлөлт нээлтийн шинэ эрин үеийн Хятадын кино", "Аrt film буюу Уран сайхны кино", "Хүүхдийн кино", "Шинжлэх ухааны боловсрол олгох кино, орчуулгын кино, мэдээний баримтат кино" зэрэг үзэсгэлэнгийн танхимууд ээлжлэн тодрох болно.
"Хаврын тоор" киноны зохиолын гар бичмэл, "Шанхай, Наньжин, Ханжөүгийн тулаан" сэдэвт гол сэдэвт киноны дэд зураг авалтын дүр зураг, үзэгдэл төлөвлөлтийн зураг, "Чүнчингийн хэлэлцээр"-ийн дүр зураг, найруулагчийн ажлын ширээ зэрэг нь эдгээр киноны тайзны арын үйлдвэрлэлийн нарийн ширийнийг харуулсан байдаг;
"Амьдрал ба үхэл" кинонд ашигласан саваа, "Баатар" кинонд Жэн Зиданий тоглосон Чан Күнгийн ашигласан буу, Жэт Лигийн тоглосон Үмингийн ашиглаж байсан сэлэм,Вэй Зигийн "Жян Жү-ин" кинонд ашигласан цагнууд зэрэг нь үзэгчдийг тухайн зураг авалтын талбайд авчирсан мэт тод сэтгэгдэл төрүүлж байв;
"Тэнгэрийн ордныг ихээр түйвээсэн нь" хүүхэлдэйн кино нь хүмүүс болон үзэгдлүүдийн нийлмэл зураг, "Бахархалтай жанжин" дүрийн дизайн шугамын урлаг, "Тал нутгийн баатар эгч дүүс"-ийн уг зураг зэрэг нь олон хүүхдүүдийн сонирхлыг ихэд татсан байна.
Шинэ эрин үед кино урлаг хэрхэн хөгжиж байгааг харав
Хятадын кино музейн нэг давхарт байрлах "Шинэ эриний төлөөх тэмүүлэл" тусгай үзэсгэлэн нь Кино үйлдвэрлэл, бүтээл, технологи, олон нийтийн үйлчилгээ, хамтын ажиллагаа, солилцоо зэрэг талаас ХКН-ын 18-р их хурлаас хойшхи Хятадын киноны гайхалтай ололт амжилтыг төвлөрүүлэн харуулсан байна.
Хятадын кино музейн нэгдүгээр давхарт байрлах "Шинэ эриний төлөөх тэмүүлэл" тусгай үзэсгэлэн нь Хятадын Коммунист намын 18-р их хурлаас хойшхи Хятадын кино үйлдвэрлэл, бүтээн байгуулалт, технологи, олон нийтийг хамарсан гайхамшигт ололт амжилтыг онцолж байна. Үйлчилгээ, хамтын ажиллагаа, солилцоо
Шинэ эринд орсноос хойш Хятадын киноны зах зээл эрчимтэй хөгжиж, дотоодын киноны тоо тасралтгүй нэмэгдэж, бүтээлч байдлын түвшин үргэлжлэн дээшилсээр 2021 онд улсын хэмжээнд киноны нийт орлого 47 тэрбум 258 сая юаньд хүрчээ. Үүнээс дотоодын киноны орлого 39.927 тэрбум юаньбөгөөд энэ нь нийт киноны 84.49 хувийг эзэлнэ. Үзэсгэлэнгийн танхимд сүүлийн жилүүдэд "Жаньлан буюу Чонон дайчин 2", "Улаан тэнгисийн ажиллагаа", "Дэлхийгээр тэнүүчилсэн" зэрэг киноны постерууд тавигдсан нь дотоодын киноны өрсөлдөх чадвар улам хүчтэй болж буйг харуулж буй.
Үзэсгэлэнгийн танхимд төрөл бүрийн дэвшилтэт тоног төхөөрөмж үзэгчдэд Хятадын кино үйлдвэрлэлийн "хар технологи"-ийг ойлгуулах боломж олгожээ. DJI Ruying 2 тогтворжуулсан гимбал, мастер дугуй хянагч, "Wu" 2 агаарын нисэгчгүй гэрэл зургийн дрон зэрэг нь "Хятадад үйлдвэрлэв"-ийн кино камерын судлан үйлдвэрлэх салбарын хөгжлийн хүчин чадлыг харуулж байна. Yuyu дижитал кино проекцын ксенон чийдэн бол Хятадад бие даан боловсруулж, үйлдвэрлэсэн проектор ксенон чийдэнгийн гэрлийн эх үүсвэр юм.Энэ нь тусгай гэрлийн эх үүсвэрийн салбарт импортын бүтээгдэхүүний зах зээлийн монополь байдлыг эвдэв. Хятадын Жүн-ин Гуанфэн Photonics лазер дамжуулагч нь олон техникийн үзүүлэлтээрээ дэлхийд тэргүүлэх давуу талтай бөгөөд дэлхийн киноны лазер проекцын чиглэлийг тэргүүлж байна. "Хятадын аварга дэлгэц" систем нь Хятад улсад бие даасан оюуны өмчийн эрхтэй дээд зэрэглэлийн аварга дэлгэцийн системийн технологи бөгөөд 22 метрээс дээш хэмжээтэй асар том металл дэлгэц, олон хэмжээст дуу чимээг шингээх систем, тусгай зориулалтын кино театрыг ашигладаг. Үзэгчдэд кино үзэхэд гайхалтай мэдрэмж төрүүлж чаддаг.
Хятад улсын зохион байгуулж буй кино урлагийн үйл ажиллагаа улам бүр олон болж, олон улсын хэмжээнд үзүүлэх нөлөө нэмэгдэж байгаа нь Хятадын кино урлагийн өсөн хөгжиж буй хөгжил цэцэглэлтийн нэгэн дүрслэл юм. Бээжингийн олон улсын кино наадам, Шанхайн олон улсын кино наадам, торгоны замын кино наадам зэрэг нь дэлхийн өнцөг булан бүрээс кино урлаг, уран бүтээлчдийн солилцоо, хамтын ажиллагааны чухал индэр тавцан болсон. Үзэсгэлэнгийн танхимд кино наадмын олон цом, арга хэмжээний гэрэл зургууд тавигдсан нь Хятад, гадаадын киноны соёлын солилцооны олон сайхан үйл ажиллагааг харуулж байна.
Киноны ид шидийг олон талаас нь мэдрэв
1895 онд киног бүтээхэд ашигласан кино камерын хуулбар, 19-р зуунд Францын Люмьерийн гэр бүлийн үйлдвэрт үйлдвэрлэсэн шилэн негативууд, 19-р зуунд Францын Молдонигийн проекцын чийдэн гэх зэрэг Хятадын кино музейд дэлхийн кино урлагийн үүсэл гарлыг өгүүлсэн олон нандин үзмэрүүдийг үзэгчид үзэх боломжтой.
Музейн дөрвөн давхарт байрлах кино технологийн туршлагын талбай нь кино үйлдвэрлэлийн технологи, киноны тухай мэдлэгийг маш ихээр танилцуулж, кино үйлдвэрлэлийн бүхий л талын нууцыг олонд дэлгэдэг. Үзэсгэлэнгийн танхимд байрлах "Тариачин өрхийн хашаа" студи бол "Интернетийн алдартнууд"-ыг хүлээн авах цэг юм. Энэ бол Хятад улсын хойд бүс нутгийн хэв маягийн иж бүрдэл бөгөөд дуу чимээ, гэрлийн өөрчлөлт зэрэг тоног хэрэгслийг ашиглан өглөө эрт, орой шөнө, бүрэнхий, бүрхэг, нартай, бороотой, цастай зэрэг янз бүрийн дуураймал дүр зургийг бүтээдэг нь маш гайхалтай.
Хятадын кино музей нийгмийн боловсролыг чухалчилдаг. Хятадын хүүхдийн киноны дубляжийн уралдаан нь Хятадын кино музейн нийгмийн боловсролын сонгодог брэнд юм. Энэхүү үйл ажиллагаа голчлон 7-16 насны өсвөр насныханд зориулагдсан. Дубляжийг эхлэл болгон авч, лекц, уралдаан тэмцээн, кино аялал, киног сонирхох зэрэг үйл ажиллагаатай хослуулж, үүгээр өсвөр үеийнхэнд кино урлагт дурлах хүсэл төрүүлдэг.
Хятадын кино музей мөн олон нийтийн сайн сайхны төлөө олон төрлийн үйл ажиллагаа зохион байгуулдаг. “Киноны сонгодог бүтээлийг дурсах нь” киноны үзүүлбэрийг чухалчилж, “Шатаж буй амьдрал” нь баатрын сэдэвт киног эргэцүүлж, “Киногоор шинэ жилийг угтах” нь Хятадын шинэ жилийн киноны тоймыг эргэцүүлэн дурсав. Тус музейд танхимд сэдэвчилсэн цуврал киноны үзүүлбэрүүд нь кино сонирхогчдын анхаарлыг ихэд татсан юм. Зарим хүмүүс хүүхэд насныхаа сонгодог кинонуудыг дахин үзэж сонирхохын тулд холоос эндхийг зорьж ирсэн байна.
Хятадын кино музей алдартай кинонуудын тойронд тайзны арын үзэсгэлэн гаргах болно. "Кинг Конг гол"-оос эхлээд "Чанжинь нуур","Мэргэн буудагч" хүртэл. Үзэгчид киног үзэхийн хажуугаар киноны тайз, уран сайхны хамтлагийн CG зураг, найруулагчийн гар бичмэл зэргийг үзэж, киноны тайзны арын үйл явдлыг ойлгох боломжтой.
- Хятадын кино музейн зорилго бол өндөр стандартад нийцсэн кино цуглуулга, үзэсгэлэнгийн төв, өндөр чанартай кино соёлын харилцаа холбоо, хуваалцах төв, нөлөө бүхий кино эрдэм шинжилгээний судалгааны төв, өндөр чанартай кино технологийн туршлагын төв болох явдал юм. Ирээдүйд үзэгчдийн интерактив туршлагыг тасралтгүй сайжруулж, VR, нүцгэн нүдээр харах 3D зэрэг шинэ технологиудыг музейн кино театрт нэвтрүүлж, киноны дэвшилтэт технологийн ид шидийг үзэгчдийн хүртээл болгох болно гэж Хятадын кино музейн дарга Чэнь Лин хэллээ.
