ЮНЕСКО-гийн МАБ-ын хөтөлбөрийн олон улсын зохицуулах зөвлөл (МАБ) 12-нд Парист болсон уулзалтаараа 2025 оны 09-р сарын 22-ноос 27-ны өдрүүдэд Хятадын Ханжөү хотод Биосферийн нөөцийн дэлхийн тав дахь конгресс зохион байгуулагдахаар болов. Энэ нь Хятад улсад анх удаа Биосферийн нөөцийн асуудлаарх Дэлхийн Конгрессын хурал болж, Конгресс Ази, Номхон далайн бүс нутагт анх удаа зохиогдож байгаа явдал болно.

  МАБ-ын хөтөлбөр нь 1971 онд ЮНЕСКО-гаас дэлхийн өсөн нэмэгдэж буй экологийн болон тогтвортой хөгжлийн асуудлуудыг шийдвэрлэх зорилгоор засгийн газар хоорондын шинжлэх ухааны хөтөлбөр юм. Биосферийн нөөцийн дэлхийн сүлжээ (WNN) нь ЮНЕСКО-гийн системийн хамгаалалттай газруудын хамгийн том цуглуулга юм. Одоогийн байдлаар дэлхийн 134 улс орон, бүс нутгийн 738 Дэлхийн биосферийн нөөцөд багтдаг. Энэ нь дэлхий дээрх бараг бүх экосистемийн төрлүүдийг хамарч, дэлхийн газар нутгийн 5  орчим хувийг эзэлж байна.

Хятад улс 1973 онд МАБ-ын хөтөлбөрт албан ёсоор элссэн байна. 2023 оны 5-р сарын байдлаар, Хятад улсын байгалийн 34 нөөцийг ЮНЕСКО-гийн Дэлхийн Биосферийн Нөөц гэж нэрийджээ. Энэ нь Ази тивд нэгдүгээрт жагсаагдаж байна.

Биосферийн нөөцийн дэлхийн Конгресс нь МАБ-ын систем доторх хамгийн том, өргөн цар хүрээтэй олон улсын чуулган бөгөөд ойролцоогоор 10 жилд нэг удаа болдог бөгөөд өнөөдрийг хүртэл 4 удаа амжилттай зохион байгуулагдаж байна.