“Шинжлэх ухаан, технологийн шинэчлэл бүхий орчин үеийн аж үйлдвэрийн тогтолцооны бүтээн байгуулалтыг манлайлж”, “Өндөр түвшний нээлттэй байдлыг өргөжүүлэх”, “Ард түмний амьжиргааг үр дүнтэй хангах, сайжруулах”... 2023 оны эцсээр хуралдсан Эдийн засгийн ажлын төв зөвлөгөөний хурлаар 2024 оны эдийн засгийн ажлын зорилтоо тогтоолоо. Шинэ онд Хятад улсын хэмжээнд хэрхэн шинэ хөгжлийн хэв маягийн бүтээн байгуулалтыг түргэсгэж, чанартай бүтээн байгуулалтыг ахиулах вэ?

        Гирин: Шинэ бүтээмжтэй үйлдвэрийн хүчийг аль болох хурдан бүрдүүлнэ

        Гирин мужийн Чанчунь хотын шинэ дүүрэгт цагаан өнгийн үйлдвэрийн барилга байгууламжууд онцгой анхаарал татаж байна. Энэ бол Чангуан хиймэл дагуулын     ХХК-ний хөрөнгө оруулалтаар барьж байгуулсан сансрын мэдээллийн аж үйлдвэрийн парк юм. " Гирин №1" хиймэл дагуул энд төрсөн байдаг.

        2023 онд Чанчүнь шинэ бүсийн үндэсний шинжлэх ухаан технологийн жижиг, дунд аж ахуйн нэгжийн мэдээллийн санд сонгогдсон аж ахуйн нэгжийн тоо 1000-аас давах бөгөөд эдгээр аж ахуйн нэгжүүд голчлон оптоэлектроник мэдээлэл, дэвшилтэт тоног төхөөрөмж үйлдвэрлэл, био анагаах ухаан зэрэг гол салбаруудад төвлөрч байна.

        Гирин муж сүүлийн гурван жилийн хугацаанд үндсэн оптоэлектроник төхөөрөмж, дээд зэрэглэлийн чип, ухаалаг үйлдвэрлэл зэрэг шинжлэх ухаан, технологийн 17 томоохон төслийг хэрэгжүүлэхэд нийт 358 сая юаний хөрөнгө оруулалт хийж, дээд зэрэглэлийн чипний анхны нээлтийг хийхийг хичээж байгаа юм. "Хятадын бүс нутгийн инновацийн чадавхийн үнэлгээний тайлан         2023"-аас харахад Гирин мужийн бүс нутгийн инновацийн чадавхийн зэрэглэл 6 байраар ахиж, улсдаа нэгдүгээрт жагссан байна.

        Сүүлийн жилүүдэд Гирин муж орчин үеийн технологи, бодит эдийн засгийн уялдаа холбоог эрчимжүүлж, шинэ эриний хуучин аж үйлдвэрийн баазыг хөгжүүлэхэд түлхэц үзүүлэв. FАW-Уоlкѕwаgеn том оврын суудлын автомашины ухаалаг үйлдвэрлэлийн үзүүлэх үйлдвэр, FАW зэрэг дөрвөн хувилбарын дөрөвдүгээр цагаригийн дэвшилтэт процессын хяналт нь үндэсний түвшний ухаалаг үйлдвэрлэлийн шилдэг хувилбараар сонгогдсон байна.

        Гирин хот ойрын гурван жилд автомашин, эм, тоног төхөөрөмж, хүнс, нефть хими, түүхий эд зэрэг 300 гаруй "ухаалаг өөрчлөлт"-ийн үзүүлэх төслийг дэмжиж, 1-2 "гэрэлт цамхаг" болон 100 ухаалаг үйлдвэрлэлийн үзүүлэн үйлдвэр, 300 аймгийн түвшний ухаалаг үйлдвэрлэлийн дижитал цех байгуулахаар чармайхаар төлөвлөж байна.

        Чүнчин: Арван мянган аж ахуйн нэгж арван мянган тосгоныг цэцэглүүлэн хөгжүүлнэ

        Түжя ардын дуу сонсож, дуулж бүжиглэн, өндөр ууланд ургадаг хүнсний ногоог амсаарай. Шинэ оны баярын үеэр Чүнчин хотын Шижү Түжя үндэстний өөртөө засах орны Чяотөү суурин жуулчдын хөлд дарагдан, маш хөл хөдөлгөөнтэй байлаа. 1000 акр талбайг хамарсан Тао Раньжюй Хаус хотхоныг Тао Раньжюй групп удирдан байгуулж, уламжлалт зочид буудал, урлагийн талбай, хөдөө аж ахуйн аялал жуулчлал, хөдөө аж ахуйн бүтээгдэхүүний төрөлжсөн үйлдвэрлэлийн баазуудыг нэгтгэж, үндэсний үзүүлэнгийн бааз болсон байдаг. Мянга мянган аж ахуйн нэгж хэдэн арван мянган тосгоныг цэцэглүүлнэ. Өнөөдөр 62 аж ахуйн нэгж уг сууринд хөрөнгө оруулалт хийж, бизнесээ эхлүүлж, хөдөө тосгоныг сэргээн хөгжүүлэхэд хамтран үүрэг гүйцэтгэж байна.

        Чүнчин хотын хэлтэс болон хотын намын хорооны суртал ухуулгын газрын дэмжлэгээр Шижү суурингийн 431 хувийн аж ахуйн нэгж тосгоныг сэргээх 488 аж үйлдвэрийн төсөл хэрэгжүүлж, 32200 хөдөөгийн өрхийг хамруулж, тосгоны нийт орлогыг нэмэгдүүлсэн байна. Хамтын эдийн засаг 51 сая 260 мянган юаньд хүрч, өрхийн дундаж орлого 10 мянга гаруй юаниар нэмэгджээ.

        Өнөөг хүртэл Чүнчин хотын 7864 хувийн аж ахуйн нэгж хамтран 4884 тосгонд тус дэм үзүүлж, төслийн хөрөнгө оруулалт 56 тэрбум 100 сая юаньд хүрч, хөдөө тосгоны сэргэн мандалтын шинэ дүр зураг аажмаар гарч байна.

        Саяхан 2 сая кг шинэ нимбэгний жимсний захиалга өгсөн нь Чүнчин хотын Түннань дүүргийн Янбао тосгоны нимбэг тариалагч Ли Фаныг баярлуулав. Тэрээр:

        - Ирээдүйд жил бүр 2 сая кг шинэ жимс жимсгэнэ тогтвортой захиалга авах болно! "Эдгээр нимбэгийг Чүнчин цасан хаан хөдөө аж ахуйн ХХК худалдан авч, улс даяарх дэлгүүрүүдэд ундаа хийх түүхий эд болгон борлуулах болно гэж хэллээ.

        Өдгөө Чүнчин хот хөдөө аж ахуйг шинэчлэх үндэсний 3 бүс, үндэсний орчин үеийн хөдөө аж ахуйн аж үйлдвэрийн 2 парк, ашигтай, онцлогтой аж үйлдвэрийн 2 кластер байгуулж, экологийн шинж чанартай аж үйлдвэрийн иж бүрэн үйлдвэрлэлийн хэмжээ 520 тэрбум юаньд хүрчээ. Шинэ онд Чүнчин хот хөдөө тосгоны сэргэн мандалтыг ахиулахын тулд экологийн шинж чанартай аж үйлдвэрийг өндөр чанартай хөгжүүлэхэд түшиглэх болно.

        Гуандүн: Дотоодын бүтээгдэхүүнийг хурдан гадаадад гаргахыг дэмжинэ

        Хуучин оны эцэс, шинэ оны эхэнд Гуандүн муж, Гуанжөү хотын Дефа загварын ХХК-ний боловсруулах цехэд ажилчид хилийн чанадад захиалсан барааг эмх цэгцтэй үйлдвэрлэхээр яарч байв. 24 настай Жү Юй залуу Гуанжөү хотын Байюнь дүүрэгт гэрлэн дохио үйлдвэрлэдэг гадаад худалдааны компанид бүтээгдэхүүнээ сурталчлахдаа англи хэлээр чөлөөтэй ярьдаг. Гадаадын олон нийтийн платформ дээр Жүюй аль хэдийн 800,000 гаруй дагагчтай болсон. Тэрээр өдөр бүр 30-40 видео нийтэлж, хилийн чанадаас ихээхэн ашиг олсон байна.

        Статистик мэдээгээр Гуанжөү хотын хил дамнасан цахим худалдааны импорт, экспортын хэмжээ 8 жилийн хугацаанд 93 дахин нэмэгдэж, 2022 онд гүйлгээний хэмжээ анх удаа 100 тэрбум юаниас давсны дараа 2023 онд эрчимтэй өсөж, 180 тэрбумыг давжээ.

        Одоогийн байдлаар Наньша чөлөөт худалдааны туршилтын бүс нь Тмаll, JD.сом, Уiрѕнор зэрэг хил дамнасан цахим худалдааны нэр хүндтэй компаниудыг татан төвлөрүүлж байна. Үүнд хил дамнасан цахим худалдааны 600 гаруй компани байдаг. Хөнгөлөлттэй бодлого, платформыг нэгтгэхээс эхлээд тохиромжтой логистик хүртэлх цогц сүлжээ, санхүүгийн инновацийн иж бүрэн хил дамнасан цахим худалдааны экосистемийг бүрдүүлжээ. Байршлын давуу талуудтай хослуулсан шинэлэг арга хэмжээ нь хэрэглэгчид болон хил дамнасан янз бүрийн цахим худалдааны компаниудад "дэлхий даяар худалдан авч, дэлхийн хэмжээнд борлуулах" боломжийг олгосон.

        2023 оны 12-р сард Гуанжөү хотын хил дамнасан худалдааны цахим худалдааны төрийн үйлчилгээний платформыг 10 шахам жилийн шинэлэг практикт үндэслэн сайжруулж, гадаад валютын төлбөр тооцооны дараа гадаадад байгаа мөнгийг ухаалаг клиринг хийжээ. "Гаалийн татвар, мөнгөн гуйвуулгын бүрдүүлэлт" иж бүрэн Linк-ийн төрийн үйлчилгээний платформ нь дотоодын брэндүүд "гадаадад хурдан гарахад" тусалдаг.

        Жянсү: Ахмад настны асаргаа, аж үйлдвэрийг хамтран хөгжүүлнэ

        Сүүлийн жилүүдэд Жянсү өндөр чанартай, өндөр түвшний хүртээмжтэй, өндөр зэрэглэлийн өндөр настны асаргаа үйлчилгээ үзүүлдэг үйлчилгээний тогтолцоог бий болгоход ихээхэн хүчин чармайлт гаргаж байна. Тус мужид 2200 гаруй ахмадын асрамжийн газар үйл ажиллагаа явуулж байна. 400,000 ор байдгийн 68 хувь нь сувилахуйн ор байна.

Ж        янсү мужийн Чанжөү хотын Жүнлөү дүүргийн Жинян цэцэрлэгт хүрээлэнгийн 88 настай оршин суугч Шү Хэн:

        - Гэртээ ахмад настнуудыг асрах нь маш тухтай байдаг гэж хэлэв. Шү Хэн өвчний улмаас удаан хугацаагаар хэвтэрт байсан бөгөөд хүү нь өөр мужид ажилладаг тул 80 гарсан эхнэр нь л асарч чадна. Нийгэм дүүрэг нь түүнд зориулж "Гэрийн асрамжийн ор" байгуулах хүсэлт гаргаснаас хойш түүнд маш тус дэм болсон юм.

        "Гэрийн асрамжийн орны үйлчилгээний агуулгад өдөр тутмын асаргаа, гэрийн асаргаа, сувилгаа болон эрүүл мэндийн тусламж үйлчилгээ, эмнэлгийн тусламж үйлчилгээ, сэтгэлзүйн эмчилгээ зэрэг олон төрлийн үйлчилгээ багтана. Ахмад настнууд өөртөө таалагдсан үйлчилгээгээ захиалга өгөх боломжтой. Ахмад настнуудын хувьд асрамжийн газрын асрагч, эмч нар сард 8 удаа гэрт нь ирж үйлчилдэг бөгөөд нэг удаагийн үйлчилгээ нь 1.5 цагаас багагүй байдаг бөгөөд үйлчилгээний төлбөрийг төрөөс төлдөг.

        Чанжөү хот 2023 оны 08-р сард ганцаараа амьдардаг, бэлэвсэн, амьдрахад бэрхшээлтэй 80-аас дээш насны ахмад настнуудыг цогцоор нь асрах зорилгоор гэрээр өндөр настны асрамжийн орыг сурталчлах ажлыг туршсан.

        Жянсү мужийн Иргэний хэрэг эрхлэх газрын ахмад настны асрамжийн хэлтсийн орлогч дарга Е Шянюй:

        - Жянсү муж 20 мянга шахам гэрийн өндөр настны асрамжийн ортой бөгөөд 3 сая 300 мянга орчим ахмад настан, 18 мянган өрхийн ахмад настанд төрөөс худалдан авсан асрамжийн үйлчилгээ үзүүлдэг. 2024 онд Жянсү муж ахмад настны асрамжийн үйлчилгээний байгууламжийн төлөвлөлт, зохион байгуулалтыг улам боловсронгуй болгож, шаталсан болон ангилсан үйлчилгээний хангамжийг оновчтой болгож, ахмад настны асрамж, аж үйлдвэрийн уялдаа холбоотой хөгжлийг ахиулах болно.

        Хэнань: Хөдөөгийн эрчим хүчний хөгжлийн шинэ хэв маягийг бий болгож байна

        Хатан гол нь арван найман тохойтой. Хэнань мужийн Ланькаогийн энэ тохой нь саяхан ширүүн салхи, элсээр зодуулж байсан. Өнөөдөр Ланкаод том цагаан салхин тээрэм, цэнхэр гэрэлт цахилгаан хавтангууд ногоон цөлд үр ашигтай ажиллаж, төмөр цамхагийн мөнгөн шугам нь олон мянган өрхөд шинэ эрчим хүчийг тасралтгүй хүргэж байна.

        Өнөөг хүртэл Хэнань мужийн шинэ эрчим хүчний суурилагдсан хүчин чадал 60 сая киловатт давж, бүх эрчим хүчний эх үүсвэрийн нийт суурилагдсан хүчин чадлын ойролцоогоор 44 хувийг эзэлж, "Арван дөрөвдүгээр таван жил"-ийн зорилтыг хугацаанаас нь хоёр жил хагасын өмнө биелүүлсэн байна.

        Эрчим хүчний харилцан холболтын хүрээнд "Есөн мужийн хэвлий, арван мужийн гол зам" болох Хэнань муж хэт өндөр хүчдэлийн асар том системийг барьж, ажиллуулан, салхины эрчим хүч, гэрэл цахилгааныг өргөн хүрээнд нэвтрүүлэхийг дэмжсэн. Хэнанд орж ирж буй гадаад эрчим хүчний одоогийн хүчин чадал бараг 20 сая киловатт хүрчээ.

        Одоогийн байдлаар Хэнань мужид ажиллаж байгаа ИНУ байгууламжийн тоо "5 станц, 16 шугам" болтлоо нэмэгджээ.

        2023 оны эцсийн байдлаар Хэнаний ИНУ DС-ийн Хэнань руу цахилгаан дамжуулах нийт эрчим хүчний хэмжээ 526 тэрбум киловатт цаг болсон нь Хэнань мужийн стандарт нүүрсний шаталтыг 160 сая тонноор багасгаж, нүүрстөрөгчийн давхар ислийн ялгаралтыг 520 сая тонноор бууруулсантай тэнцэж байна. Хэнань мужийн цэвэр эрчим хүчний хэрэглээний түвшинг мэдэгдэхүйц дээшлүүлж, Хэнань мужийн эдийн засаг, нийгмийн хөгжилд үйлчилсээр байна.