Тяньжин хотоос бусад 30 муж, орон хот 01-р сарын 24-ний байдлаар засгийн газрын ажлын тайландаа 2022 оны эдийн засгийн өсөлтийн зорилтыг дэвшүүлсэн байна.

Хайнань муж нь 2022 онд ДНБ-ний хамгийн өндөр зорилттой байна

30 мужаас Хайнань муж 9 орчим хувийг эзлэх зорилт тавьж, нэгдүгээрт жагсав.

Хайнань ийм өндөр зорилт дэвшүүлж байгаа нь үндэслэлтэй юм. Тоо баримтаас үзвэл 2021 онд Хайнань мужийн ДНБ өмнөх оны мөн үеийнхээс 11.2 хувиар нэмэгдэж, улсын хэмжээнд хоёрдугаарт, хоёр жилийн дундаж өсөлтийн хурд нэгдүгээрт бичигджээ.

Хайнань мужийн мужийн дарга Фэнфэй:

- 2021 онд Хайнань мужийн эдийн засгийн гол үзүүлэлтүүд түүхэндээ тэргүүлж, Хайнань бол хөгжлийн алтан боломжийн үе ба чухал цонхны үе юм гэж хэллээ.

Чөлөөт худалдааны боомтын бүтээн байгуулалтын ногдол ашиг нь Хайнаньд маш их боломжийг олгодог. Тоо баримтаас харахад 2021 онд Лидаогийн татваргүй борлуулалт 60 тэрбум юаниас давсан байна. Нийгмийн өргөн хэрэглээний барааны жижиглэнгийн худалдааны нийт хэмжээ өнгөрсөн оны мөн үеийнхээс 26.5 хувиар нэмэгдэж, бүх улсын хэмжээнд 1-р байранд орж, 2 жилийн дундаж өсөлтийн хурд нь 1-р байранд оржээ. 2022 онд  Хайнань муж нь Лидао татваргүй дэлгүүрүүдийн борлуулахыг 100 тэрбум юаньд хүргэхийг хичээх болно.

Эдийн засгийн эхний гурван мужийн урьдчилсан зорилт нь 5.5 хувь байна.

2021 онд Гуандүн, Жянсу, Шаньдүн муж нь ДНБ-ний хэмжээгээрээ эхний гуравт жагссан хэвээр байгаа ч тус бүр шинэ амжилт гаргасан байна.

Эдгээрээс Гуандүн мужийн ДНБ 12.4 их наяд юаньд хүрч, өнгөрсөн оны мөн үеийнхээс 8 хувиар өсч, ДНБ-ний хэмжээ12.4 их наяд юаниас давсан Хятадын анхны муж болж, дэлхийн шилдэг 10 эдийн засагтай орны тоонд орох төлөвтэй байна. Жянсүгийн ДНБ 11 их наяд юанийг давж, өнгөрсөн оны мөн үеийнхээс 8.6 хувиар өссөн байна. Шаньдун хотын ДНБ 8 их наяд юань давж, 8.3 хувиар өссөн байна.

2022 оны ДНБ-ний зорилтод, эдийн засгийн тус гурван муж нэгэн зэрэг 5.5 хувь гэсэн тоог тогтоогоод байгаа боловч илэрхийлэл нь арай өөр байна. Эдгээрээс Гуандүн 5.5 хувь орчим, Жянсү, Шаньдүн хоёр 5.5 хувиас дээш байна.

Бээжин 5 хувиас дээш, Шанхай 5.5 хувь орчимд зорилт тавьжээ.

     2021 онд Бээжин, Шанхай хоёр хотын ДНБ нь 4 их наяд юаньд хүрчээ. Үүний дотор 2021 онд Бээжингийн ДНБ нь 4,02696 их наяд юаньд хүрч, 8,5 хувиар өсч, 2021 онд Шанхай хотын ДНБ 4.32 их наяд юаньд хүрч, 8.1 хувиар өсчээ.

Шинэ түвшинд гарсны дараа 2022 онд ДНБ-ний урьдчилсан зорилтын талаар, Бээжин бага хэмжээний зорилт тавьж, 5 хувиас дээш түвшинд хүрэх зорилт тавьсан ба Шанхай нь ойролцоогоор 5.5 хувийн зорилт тогтоосон байна.

Яагаад энэ түвшинд зорилт тавьсан бэ? Шанхай хотын дарга Гүнжэн онцлон тэмдэглэхдээ, энэ зорилт нь одоогийн болон урт хугацааны аль алиныг нь харгалзан үзэж, эрэлт хэрэгцээ, нийлүүлэлт, төсөөлөлд тургарч буй дарамт зэргийг цогцоор нь авч үзсэн байна. Бид шаргуу хөдөлмөрлөж байж энэ зорилгодоо хүрч, эдийн засгийн тогтвортой, эрүүл хөгжлийг хангах итгэл дүүрэн байна гэлээ.

Бээжин хотын хөгжил, шинэчлэлийн хорооны холбогдох хүнээс, 2021 онд Бээжингийн эдийн засгийн өсөлт төсөөлж байснаас сайн байна. Оны эхний хагас жил болон эхний гурван улирлын өсөлтийн хурд нь бүх улсынхаас өндөр байгаа ч энэ нь мөн өндөр суур тоог бүрдүүлсэн юм. Эдийн засгийн өсөлтийн зорилтыг 5 хувиас дээш тогтоох нь хэрэгцээ, боломжуудыг харгалзан үзэж, өсөлтийн боломжит хурдтай холбосон. Мөн цар тахлаас урьдчилан сэргийлэх, хянах, бүтцийн зохицуулалт хийх, тодорхойгүй байдлыг шийдвэрлэх боломжийг бий болгож, төрөөлөлийг удирдан чиглүүлэх, итгэлийг нэмэгдүүлэх, бүх талуудын бодол санааг нэгтгэн, хөгжлийн чанарыг сайжруулж үр ашигийг дээшлүүлэхэд ашигтай юм гэж тайлбарлав. 

"Илүү сайн үр дүнд хүрэхийн тулд" олон газар ДНБ-ний зорилтуудаа бууруулсан байна

    2021 оны ДНБ-ий өсөлтийн зорилттой харьцуулахад ихэнх мужууд 2022 оны зорилтоо бууруулсан байна. 30 мужийн ДНБ-ний зорилтууд бүгд нэг оронтой тоонд багтсан бөгөөд аль нь ч хоёр оронтой тоонд хүрээгүй байна.

Шаньси, Хубэй зэрэг мужууд илүү сайн үр дүнд хүрэхийн төлөө хичээх болно гэдгээ мэдэгдэв. Нүүрсний үнийн өсөлтийн үр шимийг хүртэж, нүүрсний томоохон муж болох Шаньсигийн 2021оны ДНБ-ыий өсөлт нь 9.1 хувьд хүрч, улсын хэмжээнд 3-р байр руу орж, эдийн засгийн нийт хэмжээ 2 их наяд юаньд хүрч шинэ амжилтад хүрчээ. Шаньсигийн 2022 оны ДНБ-ний зорилт нь ойролцоогоор 6.5 хувь байгаа бөгөөд бодит ажилдаа илүү сайн үр дүнд хүрэхийг хичээх болно гэж хэллээ.

Хубэй мужийн 2021 онд ДНБ-ний өсөлт 12.9 хувьд хүрч, өсөлтийн хурдаараа бүх улсдаа нэгдүгээрт жагсаж, ДНБ-ний хэмжээ 5 их наяд юанийн түвшинд хүрч, улсдаа долоодугаарт дахин орчээ.

Хубэй муж 2022 онд 7 орчим хувийн өсөлтийн зорилт дэвшүүлж, бодит ажилдаа илүү сайн үр дүнд хүрэхийн төлөө хичээх болно гэдгээ мэдэгдсэн байна.