Их Британийн "Nature" сэтгүүлийн вебсайтын нэгэн нийтлэлд, Дэлхийн Эрүүл Мэндийн Байгууллагаас Хятадын хоёр төрлийн вакцины яаралтай хэрэглээний зөвшөөрлийн үнэлгээ хийж байгаа бөгөөд хэрэв зөвшөөрөл олговол, энэ хоёр төрлийн вакцин нь "COVID-19 эсрэг вакциныг хэрэгжүүлэх төлөвлөгөө" -ний одоогийн нийлүүлэлтийн дутууг нөхөх боломжтой, мөн бага орлоготой улс орнуудад вакцины өргөн тархалтыг бий болгох боломжийг олгоно гэжээ.

Саяхан ДЭМБ-аас Хятадын Үндэсний эмийн групп, Хятадын Кексин компанийн бүтээсэн COVID-19-ийн эсрэг хоёр төрлийн вакциныг ДЭМБ-ын яаралтай хэрэглээний зөвшөөрлийн үнэлгээний эцсийн шатанд орсон гэж мэдэгдэж байсан бөгөөд эцсийн үр дүнг ойрын үед зарлах төлөвтэй байна.
"Nature" сэтгүүлийн вебсайтын мэдээний хэсэгт нийтлэгдсэн нийтлэлд, "COVID-19-ийн эсрэг вакциныг хэрэгжүүлэх төлөвлөгөө" нь дэлхийн хэмжээнд 2021 онд 2 тэрбум тун вакцин нийлүүлэхээр төлөвлөж байгаа гэж мэдэгдсэн боловч одоогоор 50 орчим сая тун вакциныг хийж дуусгасан байна. Дэлхийн вакцины нийлүүлэлт маш хязгаарлагдмал байгаа тул Хятадын вакцины эрэлт нэн яаралтай байна гэжээ.
Уг нийтлэлд Бангладешийн Олон улсын суулгалт судлалын төвийн дархлаа судлаач Фил Даоши Каделигийн иш татсанаар Хятадын вакцины эрэлт асар их байна. ДЭМБ-аас батлах үйл явцад вакцины аюулгүй байдал, үр нөлөө, үйлдвэрлэлийн чанарыг үнэлэх ажил орно гэж Карделли онцлов. Зөвшөөрөгдсөн вакцин нь НҮБ-ын төрөлжсөн байгууллагуудын худалдан авах ажиллагааны зорилт болж чадна.
Энэ нийтлэлд, олон улс орон, бүс нутгийн хувьд Хятадын вакцин нь цорын ганц хүртээмжтэй вакцин гэдгийг онцлон тэмдэглэв. Хятадын вакцин хийлгэж буй Бразил, Турк, Чили зэрэг улс орнуудад орон нутгийн судлаачид эдгээр вакциныг тахлыг хянахад үр дүнтэй байгааг олж мэджээ.

"COVID-19-ийн эсрэг вакциныг хэрэгжүүлэх төлөвлөгөө" нь вакцины тэгш хүртээмжийг дэмжих зорилгоор ДЭМБ зэрэг олон улсын хамтын ажиллагааны олон механизм, байгууллагуудын хамтран санаачилсан төлөвлөгөө юм.