Ердөө долоо хоногийн дотор бараг 15 их наяд юань хүрчээ! Бар жилийн Цагаан сар Бээжингийн Өвлийн олимптой зэрэг зохиогдож, Хятадын хэрэглээний зах зээл эрч хүчээр дүүрэн байлаа. Хятадын Ардын банкны тоо баримтаар Цагаан сарын хугацаанд улсын хэмжээнд бэлэн бус төлбөрийн хэмжээ 14.9 их наяд юаньд хүрч, өнгөрсөн оны мөн үеийнхээс 16.2 хувиар нэмэгдсэн байна. Өнгөрсөн онд нийгмийн хэрэглээний барааны жижиглэн худалдааны нийт хэмжээ шинэ түвшинд хүрч, 2021 онд 44 их наяд юанийг давж, хэрэглээ дахин Хятадын эдийн засгийн өсөлтийн тэргүүлэгч хөдөлгөгч хүч болсон байна. 2022 оныг харахад хот, хөдөөгийн зах зээл нэгэн зэрэг сэргэж, хэрэглээний сайжруулалт үлэмж нэмэгдэн, шинэ хэрэглээ эрчимтэй хөгжиж, цахим хэрэглээ улам цэцэглэн хөгжиж, мөс, цасны хэрэглээ өссөөр байна. Хятадын хэрэглээний зах зээл асар их нөөц бололцоотой бөгөөд эрч хүч нь сэргэж байгаа нь эдийн засгийг тогтвортой урагшлахад түлхэц өгч байна.

     Эдийн засаг тогтвортой сэргэн хэрэглээ нэмэгдэж байна!

    Tmall Olympic-ийн албан ёсны тэргүүлэгч дэлгүүр 02-р сарын 01-нээс 02-р сарын 12-ны хооронд 100 сая орчим хэрэглэгч хүлээн авсан. Захиалсан бүтээгдэхүүний 86 хувь нь Bingdundun-тай холбоотой бүтээгдэхүүнүүд байна. Бин Дүндүний тансаг хувилбарыг үйлдвэрлэдэг Jinjiang Hengsheng Toys Co., Ltd компани билгийн тооллын шинийн тавны өдрөөс хойш одоо хүртэл завгүй ажиллаж байна. Компанийг хариуцсан хариуцлагатай албаны хүн:

- Үйлдвэр маань Цагаан сар дуусахаас өмнө нэг сая иж бүрдэл Бин Дүндүний захиалга авчээ. Компани ажилчдаа яаралтай зохион байгуулж, Цагаан сарын амралт дуусахаас өмнө ажлаа сэргээхээр төлөвлөж байна. 02-р сарын 25-наас хойш өдөрт 5000 ширхэгийг үйлдвэрлэхээр төлөвлөж байна гэж мэдэгдлээ.

    Бин Дүндүний захиалга нэмэгдэж байгаа нь мөс, цасны үйл ажиллагааны хэрэглээ нэмэгдэж байгаагийн илэрхийлэл юм. Цагаан сарын хугацаанд орон нутгуудын мөсөн болон цасны баазад зочлох хүмүүс олноороо нэмэгдэж, Гуанши, Аньхүй, Юньнань зэрэг өмнөд мужууд мөсөн болон цасан спортод адилхан сонирхолтой байна. 2022 оны Хятадын Цагаан сард зориулсан цахим худалдааны цанын хэрэгсэл, цанын хувцасны борлуулалт өмнөх оны мөн үеэс 62.9 хувь, цанын хувцасны борлуулалт 61.2 хувиар тус тус өссөн байна.

        Хэрэглээний эрч хүч оны эхэнд бүрэн илэрч байна

    Баяр наадмын хэрэглээ улам л олон янз болж байна. Дэнлүүний баярын ёслолын ширээнд давстай, чихэртэй гэх зэрэг төрөл бүрийн амттай юаншяо хүмүүсийн таашаалыг хүртэж байлаа. Дэнлүүний наадмын гала тоглолт үзэх, Өвлийн олимп үзэх, эсвэл гэрээсээ гарч 3D проекцын гэрлийн шоу үзэх гэх зэргээр баярын өдрүүдээ маш баялаг агуулгатай өнгөрүүлжээ.

    Урьдчилан бэлтгэсэн хоол нь шинэ жилийн үдшийн оройн зоогийн гол хоол болсон байдаг. Шинэ жилийн баярын ширээн дээр тогооч Дадүнгийн гараар хэрчсэн нугас, Мишелин тогоочийн хийсэн шөлтэй тахиа, нарийн төвөгтэй хоол хийх арга технологи бүхий сонгодог хоол зэрэг 700 гаруй нэр төрлийн бэлэн хоол гарч ирэв. Цагаан сарын үеэр Taobao платформ дээр бэлтгэсэн хүнсний ногооны борлуулалт жилийн өмнөхөөс 100 гаруй хувиар өссөн байна.

    Чанартай бүтээгдэхүүн хүмүүст улам бүр таалагдаж байна. Бар жилийн Цагаан сараар JD.com платформ дээрх ванны эрэлт өмнөх оны мөн үеэс 16 дахин, ухаалаг суултуур, гэр ахуйн угаалгын машины эрэлт хэрэгцээ тус тус 4 дахин, 3 дахин өссөн байна. Хүмүүс Цагаан сараар гэр ахуйн цахилгаан хэрэгслээ шинэчлэн, баглаа цэцэг худалдаж авч байлаа. Цагаан сарын амралтын үеэр Күньмин хотын Дүнань цэцгийн захын гүйлгээний хэмжээ өмнөх оны мөн үеэс 130 гаруй хувиар нэмэгдэв.

    Жилийн эхэнд зах зээлийн хэрэглээ их байгаа нь 2021 онд хэрэглээ сэргэх сайхан эхлэл гэж хэлж болох юм. Өнгөрсөн жилээс хойш Хятадын хэрэглээний зах зээл тогтвортой сэргэж, 2021 онд өргөн хэрэглээний барааны нийт жижиглэнгийн худалдаа өнгөрсөн оны мөн үеэс 12.5 хувиар нэмэгдэж, хоёр жилийн дундаж өсөлт 3.9 хувиар өсчээ. Үүний дотор биет барааны онлайн жижиглэнгийн борлуулалт 10.8 их наяд юань болж, 12 хувиар өссөн байна. Автомашины борлуулалт 13 жил дараалан дэлхийд тэргүүлж, шинэ эрчим хүчний автомашины борлуулалт 1.6 дахин өсч, 7 жил дараалан дэлхийд тэргүүлж байна.

    Хятад улсын Хөгжил Өөрчлөлтийн Хорооны орлогч дарга Нин Жижэ:

- 2021 он бол Хятад улсын хөгжлийн шинэ хэв маягийг бий болгох анхны жил, олон сорилт бэрхшээлийн өмнө Хятадын дотоодын эргэлтийн гол байгууллагын үүрэг улам бэхэжсэн байна. Эцсийн хэрэглээний зардлын эдийн засгийн өсөлтөд оруулах хувь нэмэр 65.4 хувьтай, эдийн засаг 5.3 хувиар өссөн гэж илэрхийллээ.

   Нийлүүлэлт элбэг, үнэ тогтвортой, хэрэглээ эрчимтэй байна

    Хятадын хэрэглээний зах зээл яагаад ийм сайн байна вэ? Эдийн засгийн тогтвортой өсөлт нь үндэс суурь болж байгаа юм. 2021 онд Хятадын эдийн засгийн нийт хэмжээ 114 их наяд юаниас давж, өнгөрсөн оны мөн үеийнхээс 8.1 хувиар нэмэгдэж, хоёр дахь жилдээ Хятадын эдийн засгийн нийт хэмжээ 100 их наяд юаниас давжээ. Нэг хүнд ногдох ДНБ 12 мянган ам.доллар давсан нь Дэлхийн банкнаас өндөр орлоготой эдийн засагтай орнуудын нэг хүнд ногдох босго хэмжээнд ойртсон. "Ковид-19" халдварын үе үе, дахин дахин дэгдэлт гарч байгаа нөхцөлд Хятад улс цар тахлаас урьдчилан сэргийлэх, хянах хэвийн механизмыг хэрэгжүүлж, халдварын эдийн засагт үзүүлэх нөлөө аажмаар суларч, ерөнхий байдал тогтвортой байна.

    Ажил эрхлэлт, орлогын байдал сайжирч байна. Цагаан сараас өмнө дөнгөж ажиллаад нэг жил болж байгаа Шяо Жан жилийн эцсийн урамшууллаа чамлахааргүй их авсан аж. Тэрээр:

- Би мөнгөө авмагцаа гэр бүлийнхээ бүх гишүүдэд Цагаан сарын бэлэг худалдаж авсан гэж сонирхууллаа. 2021 онд улсын хэмжээнд хот суурин газруудад 12 сая 690 мянган ажлын байр шинээр бий болж, оршин суугчдын нэг хүнд ногдох орлого 35 мянган юань болж, бодит байдал дээр 8,1 хувиар өсчээ. Орлогын хуваарилалтын бүтэц сайжирч, цалингийн орлого хоёр жилийн хугацаанд дунджаар 6.9 хувиар, нэг хүнд ногдох цэвэр орлого хоёр жилийн хугацаанд дунджаар 7.2 хувиар өссөн нь хэрэглээний хүлээлтийг сайжруулсан байна.

    Нийлүүлэлтийн баталгаа, үнийн тогтвортой байдал нь хэрэглээний хүслийг тогтворжуулсан юм. Бээжингийн Чаоян дүүргийн дэлгүүрийн тавиур дээр будаа, гоймон, үр тариа, тос, хүнсний ногоо, жимс жимсгэнэ, мах, өндөг, сүү хангалттай байгаа харагдана. Ойролцоох оршин суугч Ян эгч өдөр бүр энэ супермаркетаас хүнсний ногоо авахаар ирдэг.

    - Цагаан сараар ч хүнсний ногоо нөөцлөх шаардлагагүй. Хямдхан, бас сайн шинэ ногоо үргэлж бэлэн байдаг! гэж ярьж байлаа. 2021 онд Хятад улсын хэрэглээний үнийн индекс /CPI/ өмнөх оны мөн үетэй харьцуулахад 0.9 хувиар өсөж, жилийн гурван хувиар хүлээгдэж буй зорилтоос доогуур байх ба үнэ ерөнхийдөө боломжийн хүрээнд тогтвортой байна.

    Зах зээлийн эрэлт, нийлүүлэлт нь хэрэглээний шинэ чиглэлийг өргөжүүлдэг. Эрэлтийн тал дээр халаас том хэрэглэгчид шинэ сорт, сайн чанарын, алдартай брэндүүдийг эрэлхийлж, ухаалаг хэрэглээг эрхэмлэдэг. Нийлүүлэлтийн тал дээр хэрэглэгчдийн эрэлт нэмэгдэж буйг дагаад нийлүүлэлтийн талын бүтцийн шинэчлэл үргэлжлэн гүнзгийрэв. Шинэ технологи, бизнесийн шинэ хэлбэр, шинэ загварууд хурдтай хөгжиж, ухаалаг гэр, шинэ эрчим хүчний тээврийн хэрэгсэл, туршлагад суурилсан хэрэглээний эрэлт нэмэгдэж байна. Цагаан сар болохоос өмнө Шанхай хотын оршин суугч Шяо Чэнь шинэ байшиндаа угаалгын болон хатаагч машин авчээ. Энэ машин нь хувцасны даавууг автоматаар таньж, угаах, хатаах горимд тохируулж чаддаг. Ингэснээр амьдралын чанар их сайжирч, мөнгөө үнэ цэнтэй зарцуулдаг болж байна.

Хэрэглээний сэргэлтийн эрчмийг тогтворжуулах итгэл бидэнд бий

    Өнөөгийн байдлаар дэлхий дахинд цар тахал тархаж, Хятад улсын дотоодод олон газар тархсаар байна. Хятадын хэрэглээний сэргэлтийн эрч үргэлжлэн хүчтэй байж чадах уу?

    Хариулт нь тийм. Хэрэглээний сэргэлтийн эрчмийг тогтворжуулах итгэл Хятадад бий. Итгэл нь дотоодын асар том зах зээлээс ирдэг.

    Нийт эзлэхүүний хувьд Хятад улс дэлхийн хоёр дахь том хэрэглээний зах зээл бөгөөд дэлхийн хамгийн том онлайн жижиглэн худалдааны зах зээл юм. Нин Жиже:

    - Нэг тэрбум 400 сая гаруй хүн амтай, 400 сая гаруй дундаж орлоготой иргэнтэй бидний хувьд энэ бол янз бүрийн эрсдэл, сорилтыг даван туулах, хүчирхэг дотоодын зах зээлийг бий болгох үндэс суурь юм.

    Хятадын хэрэглэгчдийн худалдан авах чадвар нь хүчтэй таталцлын долгионыг бий болгодог. Хятадын олон улсын импортын үзэсгэлэн, хувцас барааны үзэсгэлэнд хуучин найзууд жил бүр бүртгүүлж, шинэ найз нөхөд нэгдсээр байна. Оны эхээр "CIIE дэлхийн барааны зах зээлийн үзэсгэлэн" Шанхайн Пүдүн дүүрэгт болсон. Энэхүү үзэсгэлэнд тавигдсан "шинэ, хачирхалтай, онцгой" 60 гаруй төрлийн бараа хэрэглэгчдийн гарт хүрлээ. Газар савсан ч хагардаггүй болор шил аяга өнгөрсөн жил Хятадын олон улсын импортын үзэсгэлэнд гарсны дараа маш хурдан алдартай болж, Словакийн RONA дарсны савны брэнд үүнээс санаа авч энэ жил Хятадын зах зээлд орох шинэ зорилт тавьжээ. "Унгарын банкир" цахим хуудсанд цар тахлын нөлөөг үл харгалзан "Хятадын зах зээл хамгийн хүчтэй хэрэглээний зах зээл хэвээр байна гэж мэдээлжээ.

    Трендээс харахад хэрэглээний өсөлтийн урсгал хурдтай нэмэгдэж байна. Анхны дэлгүүр, анхны нээлт хийж байгаа газруудад хэрэглэгчдийн урт дараалал үүсч, кофе, сүүтэй цай зэргүүд нь өргөжин тэлж томоохон салбарыг бүтээж байна. 3D, VR төхөөрөмж, виртуал шууд нэвтрүүлгийн өрөөнүүд нь технологийн шинэ хэв маягтай болжээ. Фитнесс, уран зураг, лекц сонсох, Амрах газар илүү их нэмэгдэж байна. Тасралтгүй шинэчлэгдсэн хэрэглэгчийн эрэлт хэрэгцээ нь шинэ онцлох үйл явдлууд, шинэ халуун цэгүүд, түүнчлэн бизнесийн шинэ боломж, шинэ орон зайг авчирдаг. Хятадын бизнесийг дэмжих судалгааны хүрээлэнгийн дэд дарга Жао Пин:

    - Хэрэглээнд чанар, олон төрөлжсөн шинж чанар голчлон, үйлчилгээний хэрэглээнд хүмүүсийн оюун санаа, соёлын эрэлт хэрэгцээ нэмэгдэж, шинэ чиг хандлагыг дагуулж байна гэж хэллээ.

    Бүс нутгийн байдлыг судлахад хөдөөгийн хэрэглээ асар их боломжтой байна. Хөдөө орон нутгийн хамгийн их хүнтэй газар хаана байдаг вэ? Цахим шуудангийн цэг. Цахим худалдаа, шууд нэвтрүүлэг хийх, хөдөө орон нутгаас Хятад улсын өнцөг булан бүрт бараа борлуулж буй тариаланчид олширч байна. Ашиг орлого нь ч ихээхэн нэмэгдэж байгаа. 2021 оны хоёрдугаар улирлаас хойш хөдөө орон нутгийн зах зээлийн борлуулалтын өсөлтийн хурд хот суурин газрынхаас өндөр хэвээр байна. Өнгөрсөн онд хөдөө орон нутагт өргөн хэрэглээний барааны улсын жижиглэнгийн худалдаа 12.1 хувиар өссөн. Хөдөөгийн сэргэн мандалтыг иж бүрнээр дэмжиж, хотжилтын шинэ бүтээн байгуулалтын чанарыг нэмэгдүүлснээр хөдөө тосгоны хэрэглээний эрч хүч улам бүр сайжирч урагш ахиж байна.

    Итгэл нь мөн нарийн бодлого зохицуулалтаас ирж буй. Нөхцөл боломж сайн хөдөө орон нутагт ухаалаг гэр ахуйн цахилгаан хэрэгсэл оруулах ба шинэ эрчим хүчний автомашины хэрэглээг эрчимтэй дэмжиж, хэрэглээний шинэ хэлбэрийг хөгжүүлэн өргөжүүлж, хөдөө тосгоны цахим худалдааны систем, ложистикийн түгээлтийн системийг нэгтгэх ажлыг хурдасгана. Хэрэглээг дэмжих цуврал арга хэмжээнүүд хэрэглээг нэмэгдүүлэхэд чухал үүрэг гүйцэтгэсээр байна.

    2022 он гэхэд Хятад улсын хөгжил, шинэтгэлийн хороо хэрэглээг дэмжих арван төрлийн арга хэмжээг тэргүүлэн гаргажээ. Баяр наадмын хэрэглээний хэрэгцээг хангахын тулд олон арга хэмжээ авч, онлайн наадмын хэрэглээний шинэчилсэн хувилбарыг бий болгон, хөдөөгийн хэрэглээг өргөжүүлэх, мөс цасны салбарын хэрэглээ, ногоон хэрэглээг хөгжүүлэх болно.

    - Энэ жил хэрэглээний тогтвортой байдлыг хадгалахын зэрэгцээ хэрэглээг сайжруулах таатай нөхцөл нэмэгдлээ. Хэрэглээний сэргэлтийг дэмжих үндсэн нөхцөлүүд өөрчлөгдөөгүй хэвээр байгаа төдийгүй, бид илүү олон шинэ өсөлтийн цэгүүдийг бий болгох болно гэж Хятадын Макро эдийн засгийн академийн судлаач Гүө Лиянь хэллээ.

    Хязгааргүй гэрэлт ирээдүйн зүг хэрэглээний энэхүү “Хурдны машин” хурдтай давхин урагшилсаар байна.