Хэбэй мужийн Шин Тай Жиньфэн Технологийн ХХК-ний ажилчид салхин эрчим хүчний хөдөлгүүрийг угсарч байна   Зургийг: ЖАО ЮНХУЙ

Олны хамтын хүчин зүтгэлээс эх орны уул нь сүрлэг, ус нь тунгалаг байх эсэх нь шууд хамааралтай. Тэр дундаа жижиг, дунд аж ахуй бол чухал "Гишүүн" юм. Статистик мэдээллээс харахад жижиг, дунд үйлдвэрлэл эрхлэгчид улсын аж үйлдвэрийн аж ахуйн нэгжийн 90 гаруй хувийг эзэлдэг. Эрчим хүчний хэрэглээ нь нийт үйлдвэрлэлийн эрчим хүчний хэрэглээний 25-30 хувийг эзэлдэг. Тэдгээр нь жижиг хэмжээтэй, менежментийн чадвар багатай, ерөнхийдөө эрчим хүч хэмнэх, утааг бууруулах үр ашиг нь томоохон аж ахуйн нэгжүүдийнхээс доогуур байдаг тул эрчим хүчний хэрэглээ өндөр, бохирдлын ялгаралт ихэсдэг. Эко хөгжлийн өмнө бохирдлын ялгаралт мэдээж өндөр байж болохгүй. Төрөөс эрчим хүч хэмнэх, утааг бууруулах бодлогыг удирдахын зэрэгцээ төрөл бүрийн чиглэлийн жижиг, дунд үйлдвэрлэл эрхлэгчид дотоод системийн шинэчлэл, эрчим хүч хэмнэх технологийн хувиргалт, үйлдвэрлэлийн хүчин чадлыг сайжруулах зэрэг чиглэлд өөрчлөлт хийж эхлэн, эко, өндөр чанарын хөгжилд хувь нэмэр оруулж байна.

              Эрчим хүчний хэмнэлтийн тэргүүлэх чиглэлд

Сичуань мужийн Ибинь хотод байрлах Kaiyi автомашины ухаалаг үйлдвэрт ажилчид угсрах шугамаас гарах гэж буй тээврийн хэрэгслийн эцсийн шалгалтыг хийж байна  Зургийг: ЖУАН ГЭ-ЭР

Нөөц ба байгаль орчны бэрхшээлийг шийдвэрлэх, өндөр хөрөнгө оруулалт, өндөр хэрэглээ, өндөр ялгаруулалтын хөгжлийн загварыг үндсээр нь өөрчлөхийн тулд Хятад улс экологийн соёлын барилгын шаардлагад нийцүүлэн үйлдвэрлэл, амьдралын хэв маягийг эко, өндөр чанарын хөгжилд оруулахыг дэмжиж байна.

Жижиг, дунд үйлдвэрлэлийн хувьд эрчим хүч хэмнэх, утааг бууруулах чиглэлээр эко хөгжлийг дадлагажуулах нь чухал практик юм. Жижиг, дунд үйлдвэрлэгчдийн эрчим хүч хэмнэх, ялгаралтыг бууруулах дэд бүтэц, холбогдол бүхий технологийн харьцангуй түвшин, эрчим хүчийг ашигласан үр ашиг нь улсын дундаж түвшнээс 20 хувиас бага байна. Жишээлбэл, хар төмөрлөг хайлуулах болон боловсруулах үйлдвэрт ЖДҮ эрхлэгчдийн тоо нийт аж ахуйн нэгжүүдийн 74 хувийг эзэлж байгаа боловч нийт бүтээгдэхүүний хэмжээ нь нийт салбарынхаа 20 хувийг эзэлж байна. Харин барилгын материалын үйлдвэрлэлд хоцронгуй технологийн 80 гаруй хувь нь ЖДҮ-д төвлөрсөн байдаг.

Хоцрогдсон ч гэсэн хөгжих боломж бий. Жижиг, дунд үйлдвэрлэл эрхлэгчид тоног төхөөрөмж, технологийг шинэчилж, эрчим хүчний менежментийг сайжруулснаар эрчим хүч хэмнэх, ялгаралтыг бууруулах үр нөлөө мэдэгдэхүйц сайжран, улсын хэмжээнд эрчим хүч хэмнэх, утааг бууруулах зорилтот ажилд ихээхэн хувь нэмэр оруулна. Холбогдох агентлагуудаас 300 орчим компанийг хамруулсан санал асуулгаас харахад ихэнх компаниуд компаний үр ашгийг дээшлүүлэхэд эрчим хүчний менежментийн ач холбогдлыг хүлээн зөвшөөрсөн.

Жянсү мужийн Лянь Юнган хотын Хайжөү хөгжлийн бүсэд ажилчид өндөр үр ашигтай хар цахиурын нарны эрчим хүчний цэнэглэгч үйлдвэрлэлийн шугамын ажиллагааг шалгаж байна    Зургийг: ГЭН ЮЙХЭ

2010 оны дөрөвдүгээр сард Үйлдвэр, мэдээллийн технологийн яамнаас "Жижиг, дунд үйлдвэрлэлийн эрчим хүчийг хэмнэх, утааг бууруулах үйл ажиллагааг цаашид сайжруулах талаархи удирдамж" гаргаж, эрчим хүчний хэмнэлт, утааг бууруулах ажлыг улсын хэмжээнд санал болгов. Түүнээс хойш янз бүрийн бүс нутгийн жижиг, дунд үйлдвэрүүдийн эрчим хүчийг хэмнэх ажил үргэлжилсээр байна. Шаньдун муж улсад анх удаа "Бүх мужийн жижиг, дунд үйлдвэрийн эко хөгжлийг дэмжих санал" гаргаж, мужийн жижиг, дунд үйлдвэрийн эко, тогтвортой хөгжлийг дэмжих зорилгоор эко, бага нүүрстөрөгчийн эргэлтийн хөгжлийн үйлдвэрлэлийн систем байгуулах санал гаргасан.

Эрчим хүч хэмнэх тухай мэдлэг нийгэм даяар нэмэгдэж байна. 2014 оны 12-р сард эрчим хүчний үр ашгийг дээшлүүлэх "Тэргүүлэх" тогтолцоог бий болгон жишиг тавьж, бодлогын урамшуулал, стандартыг нэмэгдүүлэх замаар эрчим хүчний үр ашгийг тасралтгүй дээшлүүлж сайжруулах эцсийн хэрэглээний эрчим хүчний бүтээгдэхүүнийг бүрдүүлэх, эрчим хүч ихээр хэрэглэдэг үйлдвэр, төрийн байгууллагуудын урт хугацааны механизмыг бий болгов.  Улсын эрчим хүчний хэмнэлтийн "Тэргүүлэх" хөтөлбөрийг хэрэгжүүлэхийн зэрэгцээ зарим орон нутгийн засаг захиргаа эрчим хүчний хэмнэлтийн "Тэргүүлэх" ажлыг идэвхтэй сурталчилсан байна. Жишээ нь, Бээжин хотын "Эрчим хүчний үр ашиг"-ийн тэргүүлэх систем, Хэбэй мужийн "Эрчим хүчний үр ашгийн тэргүүн" үйл ажиллагаа, Жянсү мужийн "Эрчим хүчний үр ашгийн тэргүүн" зэрэг эрчим хүчний үр ашгийн "Тэргүүн" зэрэг. Системийн нөлөөлөл, ойлголтыг анх бий болгосноор улс орон даяар 21 муж, хотууд холбогдох урамшууллын бодлого гаргаж, "Тэргүүн" багт олон компани оролцсон байна.

   Эрчим хүчний менежментийн тогтолцоог боловсронгуй болгоно

Жэ Жян мужийн Сай Де ХХК-ний ажилтнууд завгүй ажиллаж байна Зургийг: ЖАН БИН

Макроскопоор дотоод системийн шинэчлэл, тохируулгыг хийж, эрчим хүчний менежментийн дотоод тогтолцоог бий болгож, сайжруулж байгаа нь ЖДҮ-ийн бага нүүрстөрөгчийн менежментийн тогтолцооны чухал арга барил юм. Үүнд энергийн хэмжилт, эрчим хүчний статистик, хяналт, аудит, эрчим хүчний үнэлгээний систем багтана. Одоогийн байдлаар БНХАУ-ын ихэнх жижиг, дунд аж ахуйн нэгжүүд Засгийн газрын шаардлагаар эрчим хүчний менежментийн зохих тогтолцоог сайжруулахыг хичээж байна.

Жянсү бол эдийн засгийн томоохон муж бөгөөд бизнес эрхлэгчдийн инновацийн төв юм. 2018 оны эцсийн байдлаар Жянсү мужийн жижиг, дунд үйлдвэрлэлийн аж ахуйн нэгжүүдийн нийт тоо улсын хэмжээгээр эхний байранд оржээ. Жянсү мужийн аж үйлдвэрийн үйлдвэрлэсэн хэмжээ, техникийн түвшин, боловсон хүчний чанар зэрэг нь улсын дотоодод тэргүүлэх байр суурийг эзлэн, эрчим хүчний менежментийн түвшинг сайжруулж, аж ахуйн нэгжүүдийн эко хөгжлийг ахиулах тал дээр сайн үндэс суурьтай болсон. Байгалийн нөөцийг хамгаалах нийгэмлэг, Хятадын үндэсний стандартчлалын хүрээлэн зэрэг нэгжүүд 2013 оноос хойш тус мужаар туршилтын бүс болгон сонгож,  ердийн үйлдвэрлэл эрхэлдэг жижиг, дунд үйлдвэрүүдийн эрчим хүч хэмнэх боломжит шинжилгээ, эрчим хүчний хэмнэлт, нийлүүлэлтийн сүлжээнд ялгаралтыг бууруулах чиглэлээр холбогдох судалгаа хийсэн байна.

Chicony цахим бол эрчим хүч хэмнэх, ялгаралтыг бууруулах туршилтын төслийн амтыг мэдэрсэн жижиг, дунд аж ахуйн нэгж юм. Тус аж ахуйн нэгж 2016 оны 05-р сард эрчим хүчний менежментийн тогтвортой системийн туршилтын төсөлд оролцсон байдаг. Арав гаруй жилийн туршид эрчим хүч хэмнэх ажлын үндсэн дээр аж ахуйн нэгжүүд төслийн платформын тусламжтайгаар аж ахуйн нэгжийн эрчим хүчний менежментийн нөөцийг нэгтгэж, электроникийн эрчим хүчний бүтэц, хэрэглээний онцлогт нийцсэн эрчим хүчний менежментийн системийг бий болгосон. Chicony цахим нь эрчим хүчний хэмнэлттэй 11 менежмент, эрчим хүч хэмнэх технологийн өөрчлөлтийн 8 төслийг хэрэгжүүлсэн. Эхний ээлжинд нэг жилд 5.243 сая квт.цаг цахилгаан хэмнэдэг. Түүнчлэн 500 мянган шоо метр байгалийн хий, 40 мянган тонн ус, 5.843 сая юаний эрчим хүчний зардлыг хэмнэв. Тогтвортой эрчим хүчний менежментийн тогтолцоог үр дүнтэй ажиллуулснаар жижиг, дунд үйлдвэрлэл эрхлэгчид эрчим хүч хэмнэх боломжийг судалж, энергийн үр ашгийг дээшлүүлэн эрчим хүчний хэрэглээг оновчтой болгов.

Сайхан байгалийн зураглал- Таклимакан цөл   Зургийг: ШИ ЛИБИН

Одоогийн байдлаар дотоодын жижиг, дунд үйлдвэрүүд эрчим хүчний хэмнэлттэй технологийн өөрчлөлтийг идэвхтэй хийж, технологийн шинэчлэл хийх зорилгоор тухайн аж ахуйн нэгжийн дотоодод болон гадна байгаа шинжлэх ухааны судалгааны хүчийг ашиглаж байна. Жижиг, дунд үйлдвэрлэгч Шунда цахим компани нь тогтвортой эрчим хүчний менежментийн тогтолцоог үр дүнтэй ажиллуулах замаар компаний үйл ажиллагаа, үйлдвэрлэлийн нөхцөл, дунд болон урт хугацааны хөгжлийн эрэлт хэрэгцээнд нийцсэн эрчим хүчний менежментийн системийг бий болгов. Системийн ашиглалтын хүрээнд Шунда цахим нь 2016 оны 08-р сараас 2017 оны 08-р сар хүртэл долоон төрлийн менежментийн эрчим хүч хэмнэх, 3 төрлийн эрчим хүч хэмнэх техникийн өөрчлөлтийн төслийг хэрэгжүүлсэн. Эхний ээлжинд жил бүр 1.4612 сая квт.цаг цахилгаан эрчим хүч, 950.2 мянган юаний эрчим хүчний зардлыг хэмнэсэн байна. Аж ахуйн нэгжүүд эрчим хүч хэмнэдэг технологийн шинэчлэлтээс үнэхээр ашиг олж, мөн тэдний итгэлийг бэхжүүлэв.

Жянсү Шэнхэн химийн эслэгийн үйлдвэр нь эрчим хүчний бүтэц, эрчим хүчний хэрэглээний онцлог шинж чанаруудыг хослуулан, эрчим хүчний менежментийн баг байгуулсан. Улмаар янз бүрийн түвшний эрчим хүчний менежментийн системийн баримт бичиг, семинар тус бүрт эрчим хүчний үнэлгээний дүрмийг боловсруулж, шагнал, шийтгэл, үнэлгээний тогтолцоог бий болгосон. Системийг барьж байгуулах нь удирдагч, ажилчдын эрчим хүч хэмнэх мэдлэгийг болон аж ахуйн нэгжийн эрчим хүч хэмнэх соёлыг дээшлүүлснээр системийг илүү жигд хэрэгжүүлж, аж ахуйн нэгжийн эрчим хүчний менежментийн чадавхийг сайжруулах, эрчим хүч хэмнэх боломжийг ашиглах, эрчим хүч хэмнэх төслийг хэрэгжүүлэх, эрчим хүч хэмнэх үр өгөөжийг олж авах замаар системийг илүү жигд хэрэгжүүлэх болов. Системийн ашиглалтын хүрээнд Шэнхэн химийн эслэг нь 2016 оноос 2017 он хүртэл 4 менежмент, 5 эрчим хүчний хэмнэлттэй технологийн шинэчлэлийн төслийг хэрэгжүүлж, жилд 3.0644 сая квт.цаг цахилгаан эрчим хүч, 2.1451 сая юаний эрчим хүчний зардлыг хэмнэж ажиллав.

          Эко санхүүжилтийн хүндрэлийг арилгах

Европ, Америк зэрэг хөгжсөн орнуудтай харьцуулахад хятадын жижиг, дунд үйлдвэрлэлийн нүүрстөрөгч багатай үйлдвэрлэлийн бодлогын хэрэгслийг улам боловсронгуй болгох шаардлагатай байна. Жянсү туршилтын аж ахуйн нэгжийн ерөнхий байдлаас харахад бодлогын хэрэглээ, эрчим хүч хэмнэх мэдлэгийг дээшлүүлэх, мэргэжлийн чадварыг сайжруулах зэрэг асуудлууд оршсоор байна.

Үүний зэрэгцээ санхүүжилт нь эрчим хүч хэмнэх арга хэмжээг хэрэгжүүлэх, эрчим хүч хэмнэх зорилтод хүрэхэд жижиг, дунд бизнес эрхлэгчдэд тулгардаг томоохон бэрхшээл юм. Хятадын үндэсний стандартчлалын хүрээлэнгийн судалгааны баг Жянсү мужийн үйлдвэрлэлийн аж ахуйн нэгжүүдэд 300 орчим асуулгын хуудсыг тарааж, судалгаагаар жижиг, дунд үйлдвэрлэлийн түвшинд аж ахуйн нэгжүүдийн бараг тал нь эрчим хүчний гүйцэтгэлийг сайжруулах ажилд санхүүгийн үндсэн дэмжлэг үзүүлэх хандлагатай байдаг хэдий ч эрчим хүч хэмнэх урамшууллын санг бүрдүүлж, урамшууллын тогтолцоог тасралтгүй бүрдүүлэхэд харьцаа бага байна.

Жижиг, дунд бизнес эрхлэгчдэд зориулсан эко санхүүжилтийн хүндрэлийг арилгах зорилгоор дотоодын олон нэгж, байгууллагууд холбогдох хайгуул хийсэн. Шин Е банк нь эрчим хүчний хэмнэлт, утааг бууруулах зорилгоор дотоодын жижиг, дунд бизнес эрхлэгчдэд тусгай санхүүжилт олгодог. Эрчим хүч хэмнэх, ялгарлыг бууруулах зээлийн (III үе шат) хувьд Шин Е банк нь IFC (Олон улсын санхүүгийн компани)-д тодорхой төлбөр төлж, IFC-аас олгосон зээлийн баталгааг авсан. Мөн энэхүү баталгааг эрчим хүч хэмнэх, утааг бууруулах санхүүжилтийн хэрэгцээтэй жижиг, дунд үйлдвэрүүдэд үнэ төлбөргүй олгодог байна.