ДЭМБ-ын дархлааны мэргэжилтний стратегийн зөвлөгөөний хэсгээс дархлаа муутай  хүмүүс “Стандартын суурь дархлааны вакцин тарианы төлөвлөгөөнд хамрагдсаны дараа дархлаа бүрэн тогтох боломж багатай учраас Ковид-19-өөр өвчлөн хүнд шинж тэмдэг илрэх эрсдэл ихтэй гэж мэдэгдээд байна. 

    Одоогийн байдлаар ДЭМБ-ын яаралтай хэрэглээний зөвшөөрлийг авсан Ковид-19-ийн вакцинд: АНУ -ын Pfizer эмийн үйлдвэрлэлийн компани, Германы биотехнологийн компаний хамтран бүтээсэн вакцин, АНУ-ын Модена компаний вакцин, Johnson & Johnson-ийн охин компани болох Janssen компаний вакцин,  Их Британийн AstraZeneca компани,  Оксфордын их сургуулийн хамтран бүтээсэн вакцин, Хятадын Sinopharm, Sinovac зэрэг вакцин бий.

   ДЭМБ саяхан Ковид-19-ийн вакцинд хамруулах дэлхийн стратегийг мэдэгдлээ. Тухайлбал: 2021 оны эцэс гэхэд бүх улс орны хүн амын 40 орчим хувийг Ковид-19-ийн вакцинд хамруулна. 2022 оны дунд үе гэхэд вакцинжуулсан хүн амын эзлэх хувийг 70 хувьд хүргэх явдал юм. Үүний тулд орлого багатай орнууд, ялангуяа Африкийн орнуудад вакциныг нэн тэргүүнд өгөхийг ДЭМБ уриалав.