Хятад улсын 26 дахь номын үзэсгэлэн худалдаа өчигдөр буюу 7 дугаар сарын 30-ны өдөр хаалтаа хийлээ. Үзэсгэлэн худалдааны үер Өвөр Монголын Ардын хэвлэлийн хорооноос хэвлүүлсэн эмэгтэй залуу зураач Халиагйин “Дахтай нар” зурагт номыг танилцуулах үйл ажиллагаа боллоо.

Зураач Халиа нь Ордос хотын Үүшин хошууны уугуул бөгөөд анх 2015 онд уг зурагт номоо эхлүүлсэн байна.

“Дахтай нар” цуврал зурагт номын “Миний хувь яав?”, “Уран ээжийн оёсон малгай”, “Дэвэр” (Данх), “Хамгийн сайхан нэгэн өдөр” зэрэг 4 зурагт ном нь хэвлэгдсэн бөгөөд энэ оны сүүлээр шинээр хэвлэгдсэн эдгээр номоо худалдаанд гаргах юм байна.