Лу Кан хэлэхдээ “Францын Төрийн тэргүүний Хятад улсад хийж буй айлчлал нь манай улсад төдийгүй Франц улсад чухал ач холбогдолтой. Айлчлал үр дүнтэй болж, Хятад-Францын харилцаа эрчимтэй хөгжихөд эерэг нөлөө үзүүлэх үүднээс талууд хүчин чармайлт гаргах болно” гэсэн байна.

    Хятад улстай стратегийн түншлэлээ бэхжүүлэхийг зорьж буй Эммануэль Макроны энэхүү айлчлал  нэгдүгээр сарын 07-нд буюу өнгөрөгч ням гарагт эхэлсэн бөгөөд дөрвөн хоног үргэлжлэх аж. Айлчлалын үеэр тэрбээр дэлхийн дулаарал, терроризмыг санхүүжүүлэхийн эсрэг тэмцэх асуудал болон Умард Солонгосын цөмийн хөтөлбөртэй холбоотой асуудлыг хэлэлцэх юм байна.