Хятадын алтны нийгэмлэгээс 25-ны өдөр нийтэлсэн статистик мэдээгээр, нэгдүгээр улиралд улсын хэмжээнд алтны хэрэглээ 291.58 тонн болж, өнгөрсөн оны мөн үеийнхээс 12.03 хувиар нэмэгдсэн байна. Үүнээс алтны үнэт эдлэл 189.61 тонн болж, өмнөх оны мөн үеийнхээс 12.29 хувиар өсөөн бол алтан гулдмай, алтан зоос 83.87 тонн болж, өмнөх оны мөн үеэс 20.47 хувиар өссөн байна.
Хятадын алтны холбооноос хэлэхдээ, тахлын нөлөө аажмаар буурч, хэрэглээг дэмжих хэд хэдэн бодлого хэрэгжиж эхэлснээр хэрэглэх хүсэл эрмэлзэл нэмэгдэж байх мөртөө эхний улиралд алтны хэрэглээ сэргэсэн нь илт ажиглагдаж, ялангуяа 2, 3 дугаар сард алтны хэрэглээний өсөлтийн хурд нэлээд хурдассан байна. Гуравдугаар сард алт, мөнгө, үнэт эдлэлийн салбарууд нийгмийн өргөн хэрэглээний барааны жижиглэнгийн борлуулалт хамгийн хурдацтай өссөн ангилалд багтсаныг тоо баримт харуулж байна. Хеджийн эрэлт нэмэгдсэний үр шимээр алтны гулдмай, зоосны хэрэглээ мөн мэдэгдэхүйц өсөлттэй байна.
Эхний улиралд дотоодын түүхий эдийн алт олборлолт 84.972 тонн болж, 2022 оны мөн үетэй харьцуулахад 1.571 тонноор нэмэгдэж, өмнөх оны мөн үеэс 1.88 хувиар өссөн байна. Үүнээс алтны уурхайгаас 66.506 тонн алт, 18.466 тонн өнгөт дагалдах алт олборложээ. Түүнчлэн эхний улиралд импортын түүхий эдээр олборлосон алт 29.901 тонн болж, өмнөх оны мөн үеийнхээс 24.41 хувиар өссөн бол импортын түүхий эдээс олборлосон алтыг тооцвол нийт 114.873 тонн алт олборлосон байна. Улсын хэмжээнд алт олборлосон нь өмнөх оны мөн үеэс 6.92 хувиар өсөв.
Эхний улиралд улсын хэмжээнд алтны аж ахуйн нэгжүүдийн үйлдвэрлэл үндсэндээ хэвийн болж, үйлдвэрлэлийн хүчин чадал нь тахлын өмнөх түвшинд хүрч, үндэсний уурхайн алтны үйлдвэрлэл тогтвортой сэргэж байна гэж Хятадын алтны холбооноос дүн шинжилгээ хийлээ. Эхний улиралд дотоодын уурхайнууд дахь алтны томоохон аж ахуйн нэгжүүд (бүлгүүд) 32.717 тонн алт олборлосон нь улсын нийт алтны 49.19 хувийг эзэлж байна. Zijin Mining, Shandong Gold, Chifeng Gold зэрэг аж ахуйн нэгжүүдийн хилийн чанад дахь уурхайнууд 14.395 тонн алт олборлосон нь өнгөрсөн оны мөн үеэс 29.17 хувиар өссөн байна.
