Сүүлийн жилүүдэд Хятадын Хэбэй мужийн ой, бэлчээрийн товчооноос зэрлэг ан амьтдын хамгаалалтыг нэмэгдүүлэхийн тулд ихээхэн анхаарал хандуулж, арга хэмжээ авч, хамгаалалтын тогтолцоог бүрдүүлэн сайжруулж, хамгаалалтыг идэвхтэй ахиулсан. Энэ оны намрын эхэн үеэс эхлэн Хэбэй мужийн Шижяжуан хотын Жиншин, Пиншань, Хутүө голын намгархаг газар хар өрөвтас дахин харагдах болов. Ажиглалтаас үзвэл Ехэ намгархаг газрын Пиншань хэсгийн хар өрөвтас оргил үедээ 50 гаруйд хүрч, Пиншань хэсэг, Хутүө мөрний Жэндин хэсэг, Күйпин намгархаг газарт хар өрөвтас өөр өөр тоотой байна.

Хэбэй мужийн ой, бэлчээрийн товчооны зэрлэг амьтдыг хамгаалах, ус намгархаг газрын менежментийн хэлтсийн дарга Лю Шүнь хэлэхдээ, хар өрөвтасын бөөгнөрөл бий болсон нь сүүлийн жилүүдэд Ехэ, Хутүө гол болон бусад газрын экологийн орчин жилээс жилд сайжирч байгааг бүрэн харуулж байна.

Хар өрөвтас нь "Ховордсон зэрлэг амьтан, ургамлын төрөл зүйлийг олон улсын хэмжээнд худалдах конвенц"-д орсон ховор амьтан юм. Одоогийн байдлаар Хэбэй мужид хойд талаараа Чэндэ, өмнөд талаараа Ханьдань хүртэл тархсан байна.