Бээжин хотын Нийгмийг аюулаас хамгаалах газрын нийтийн тээврийн ерөнхий ангийнхан зорчигчдын аюулгүй байдлыг хангахын төлөө сэргийлэлт хяналтын зэрэглэлээ дээшлүүлж, холын аяны зорчигч тээврийн гол гол өртөөнүүд дэх цагдаагийн хүчийг нэмсэн байна.

 Энэ сарын 23-ны үдээс өмнө нийтийн тээврийн ерөнхий ангийн нийтэлсэн мэдээнд тэмдэглэснээр, цагаан сарын аюулгүй байдлын хамгаалалтын ажлыг эхлүүлснээс хойших арав хоногт тус ерөнхий ангийнхан хууль хэрэгжүүлэх бусад салбарынхантай хамтран, хууль дүрэм зөрчсөн 18 сэжигтэн, зөвшөөрөлгүйгээр холын аяны зорчигч тээврийн үйлчилгээ явуулсан 22 машиныг илрүүлж, аюулгүй байдлын шалгалтыг давхардсан тоогоор 478 мянга 300 удаа хийж, хориотой 687 бодисыг шалгаж илрүүлсэн байна.

23-ны үдээс өмнийн 10:00 цагийн үеэр цагдаа нар үнэрч нохойгоор аян замдаа гарахаар зэхэж байсан холын аяны зарим автобусыг шалгахад, үнэрч нохой сэжигтэй бодис байж мэдэх машины доод хэсгийн эд анги, зорчигчдын авч яваа ачааг шалгаж аюултай бодисгүй болохыг нотолсон байна.