Хэрэв хоол, хүнс, уух зүйлийг хэтрүүлэн хэрэглээд байвал таны эрүүл мэндэд сөргөөр нөлөөлж, та богино насална.

        Сүүлийн үеийн судалгаагаар хүн усыг зөвхөн цангасан үедээ л уух хэрэгтэй бөгөөд хэт их ус уух нь амь насанд аюултай байдгийг тогтоосон байна. “Лояал” их сургуулийн дэргэдэх эрүүл мэндийн судлаачдын мэдээлж байгаагаар дасгал спорттой холбоотой хэт их ус ууснаас үүдэн хипонатри хэмээх эмгэг бий болдог гэнэ. Энэхүү өвчнөөр 14 хөнгөн атлетикийн тамирчин, хөлбөмбөгчин, марафон гүйлтийн тамирчид нас барсан гэдгийг тогтоожээ.

Гэхдээ олон улсын мэргэжилтнүүд хипонатригаас сэргийлэх энгийн зөвлөмж гаргасан. Энэ нь маш энгийн бөгөөд зөвхөн ам цангасан үед ус уухад болох аж.

“Спорт анагаах ухаан клиник” сэтгүүлд нийтлэгдсэн зөвлөмжийн дагуу бол төрөлхийн ам цангах мэдрэмж нь ус уух хэрэгцээг мэдэгдэж байна гэсэн үг. Энэ нь хэт их ус уух, эсвэл хипонатри эмгэг бий болохоос урьдчилан сэргийлж шингэний дутагдалд орохоос сэргийлэн усны хэрэгцээг зохицуулдаг гэсэн байна.

Дасгал хөдөлгөөнтэй холбоотой үүсэх гипонатригаар өвдсөн тохиолдолд их хэмжээгээр уусан усны илүүдлийг бөөр боловсруулах шаардлагатай болдог. Ингэснээр бие дэх сод шингэн болдог байна. Энэ нь эсийг томроход хүргэн улмаар тухайн хүн нас барах шалтгаан болдог аж.

Хөнгөн атлекийн тамирчдад тохиолдсон энэхүү эмгэгийн шинж тэмдгүүд нь толгой эргэх, дотор муухайрах, хавагнах болон илүү жин нэмэх зэрэг байжээ. Цөөн тохиолдолд бөөлжих, толгой өвдөх, оюун ухааны өөрчлөлтүүд болох (ухаан балартах, түгшүүр, солиорол гэх зэрэг...) багтрах болон комд орох шинж тэмдгүүд илэрч байжээ.

Хөнгөн атлетикийн тамирчид шээсээ цагаан болтол шингэртэл “Байнга ус уух” эсвэл жирийн үед уух хэмжээнээсээ их уух зөвлөмжийг дагадаг нь буруу байдаг гэж судлаачид ярьжээ. Их хэмжээний шингэн нь ядаргаанаас сэргийлж чадахгүй мөн булчин хэт агшиж, өндөр халуурч эхэлдэг байна.

“Лояал” их сургуулийн эрүүл мэндийн төвийн спортын эмч Жэймс Винжер “Булчин агших болон өндөр халуурах нь шингэний дутагдалд орохтой ямар ч хамааралгүй. Хэрвээ өндөр халуурч байвал та өөрөө хэт их халууныг боловсруулсан байдаг” гэж  хэлсэн байна.

Дасгал хөдөлгөөнтэй холбоотой үүсэх хипонатри эмчлэхдээ давсны концентрацийн уусмалаар шийдэж болох бөгөөд сода  гурван хувь байх хэрэгтэй. Энэ нь жирийн давсны уусмалаас гурав дахин их гэсэн үг юм.