Хятадын Коммунист Намын Төв хороо, Төрийн зөвлөлөөс саяхан гаргасан "Дижитал Хятад улсыг байгуулах ерөнхий төлөвлөгөөний төлөвлөгөө" (Цаашид "Төлөвлөгөө" гэх) нь 2025 он гэхэд зохицуулалт, хүчин чадлыг нэгдсэн байдлаар дэмжих загварыг үндсэндээ бий болгохыг санал болгож, дижитал Хятадын бүтээн байгуулалтад чухал ахиц дэвшил гарна гэжээ. 2035 он гэхэд дижитал хөгжлийн түвшин дэлхийн тэргүүн эгнээнд орж, дижитал Хятадын бүтээн байгуулалт асар их амжилт гаргах болно. Дижитал технологи нь ирээдүйд эдийн засаг, нийгмийн хөгжилд илүү шинэ түлхэц, шинэ боломжуудыг авчирна гэж судлаачид үзэж байна.

Дижитал салбар нь давамгайлсан аж үйлдвэр боллоо. "Дижитал Хятад улс байгуулах" нь өндөр чанартай хөгжлийн түлхүүр үгүүдийн нэг юм. Дижитал Хятад улсыг байгуулах нь дижитал эрин үед хятад маягийн орчин үеийн хөгжилтийг дэмжих чухал хөдөлгүүр бөгөөд үндэсний өрсөлдөөний шинэ давуу талуудыг бий болгоход хүчтэй дэмжлэг болдог гэж төлөвлөгөөнд онцлон тэмдэглэжээ. Дижитал Хятадын бүтээн байгуулалтыг түргэсгэх нь орчин үеийн социалист улсыг цогцлоон байгуулах, Хятад үндэстний их сэргэн мандалтыг цогцлон хөгжүүлэхэд ихээхэн ач холбогдол, асар их нөлөө үзүүлж байна.

"Дижитал технологи бол мэдээллийн эрин зуунд нийгмийн хөгжлийн зайлшгүй нэг элемент юм" гэж Жэжян их сургуулийн Олон улсын бизнесийн сургуулийн Дижитал эдийн засаг, санхүүгийн инновацын судалгааны төвийн захирал Пань Хелин хэлсэн байна. Одоогийн байдлаар дижитал салбар нь орон нутгийн давуу талтай салбар болсон бөгөөд дижитал технологийг хурдацтай хөгжүүлж байгаа нь бизнесийг өөрчлөх, шинэчлэх чухал боломжуудыг олгож байна.  2012-2021 онд Хятадын дижитал эдийн засгийн хэмжээ 11 триллион юаниас 45.5 триллион юаньд хүрсэн нь олон жилийн турш дэлхийд хоёрдугаарт бичигдэж, ДНБ-д дижитал эдийн засгийн эзлэх хувь 21.6 хувиас 39.8 хувь хүртэл өссөн байна.