- Энэ тухай “China Daily” сонинд нийтэлсэн байна. “Энэ алхам нь хөрөнгө оруулалтаа нутаг дэвсгэрийн хувьд төдийгүй бизнесийн загварын онцлогоор нь төрөлжүүлэх гэсэн бодлого юм гэж тус сонины шинжээчид тайлбарласан байна.
 
Тус барилгыг түрээслүүлснээр тухайн компани нэг жилд 40,2 сая фунтын /51,9 сая ам.доллар/ орлого олох юм. 225 м өндөр энэхүү тэнгэр баганадсан барилгыг урьд нь эзэмшиж байсан “British Land and Canada’s Oxford Proporties” компани 12,7 сая фунт стерлингийн хугацаа хэтэрсэн өртэй болсноор түүнийг дуудлага худалдаанд оруулсан байна.
 
“CC Land” компанийн төв байр Хятадын засаг захиргааны онцгой бүс болох Хонконгт байрладаг. Сүүлийн үед тус компани хилийн чанадад үл хөдлөх хөрөнгө худалдаж авахаар хэд хэдэн хэлэлцээр хийжээ. Тухайлбал, 2016 онд тус компани Их Британий нийслэлийн One Kingdom Street гэдэг гудамжинд 50 м өндөр 12 давхар барилгыг 290 сая фунтээр худалдан авчээ. Үүнээс гадна, Австралид 15,6 сая ам.долларын үнэтэй офиссын барилгыг худалдан авахын тулд үнийнх нь 35 орчим хувийг төлөөд байгаад юм байна.