Монгол Улсын Соёлын гавьяат зүтгэлтэн, нэрт зохиолч С.Пүрэв Бээжин хотод хоёр сар эмчлүүлэн, өвчин зовлонгоосоо салж, нар хур тэнцэж, навч цэцэг дэлгэрсэн дэлгэр зуны сайхан цагт нутгийн зүг жолоо залж, эх орон Монгол орондоо сэтгэл өндөр буцаж ирлээ.

Зохиолчийг ном зохиолоор таньж, хайрлан хүндэлдэг Өвөр Монголын олон мянган уншигчдын нэрийн өмнөөс Хятадын Олон Улсын Радиогийн сурвалжлагч М.Цэцэн, Б.Дүүрэнжаргал нар зохиолч ахын гэрт нь очиж эмчилгээний үр дүнгийн талаар асууж лавлан ярилцлага авсан байна.