Орон нутгийн цагаар 5-р сарын 11-ний өдөр Хятадын Төрийн зөвлөлийн гишүүн, Гадаад хэргийн сайд Чинь Ган Осло хотод Норвегийн бизнес эрхлэгчдийн төлөөлөлтэй хэлэлцээ хийв.
Чинь Ган хэлэхдээ "Норвегийн аж ахуйн нэгжүүд 1888 оны эхээр Хятадад орж ирсэн, Хятадтай урт хугацааны хамтын ажиллагаатай, Хятадын өөрчлөн нээлт хийсэн үйл явцад гүн гүнзгий оролцож, хоёр орны харилцан ашигтай хамтын ажиллагаа, найрсаг солилцоонд чухал хувь нэмэр оруулжээ. Хятад улс шинэчлэл, нээлтийг дагаж, өндөр чанартай хөгжилд анхаарлаа хандуулж, харилцан ашигтай, хожлын үр дүнг чанд баримталж, бүх орны бизнес эрхлэгчдэд хөрөнгө оруулалтын илүү сайн орчинг бүрдүүлж, хөгжлийн шинэ боломжуудыг авчирна. Хятадын эдийн засаг хүчтэй, тэсвэртэй, эрүүл, тогтвортой хөгжилд хүрч, цаашид дэлхийн эдийн засгийн эрчим хүчний эх үүсвэр болно. Хятад маягийн орчин үеийн шинэчлэл нь нийтлэг хөгжил цэцэглэлтийн орчин үеийн шинэчлэл юм. Энэ нь хятадын ард түмэнд сайхан амьдрах боломж олгох төдийгүй улс орнуудад илүү том зах зээл, илүү их боломжуудыг олгох юм. Хятад маягийн орчин үеийн шинэчлэл нь мөн хүн, байгаль хоёр эв нэгдэлтэй амьдардаг орчин үеийн шинэчлэл юм. Энэ нь Хятад-Норвегийн ногоон, нүүрстөрөгч багатай салбарт хамтран ажиллах өргөн орон зайг авчирна. Хятад, Норвеги аль аль нь эдийн засгийн даяарчлалд дэмжигчид, оролцогчид юм. Өнөөгийн нөхцөлд Хятад, Норвеги хоёр улс харилцан ашигтай хамтын ажиллагаагаа гүнзгийрүүлж, худалдааны чөлөөт байдал, хөнгөвчлөхийг дэмжин хамтран ажиллах, хоёр орны хамтын ажиллагаанд илүү үр дүнд хүрэх хэрэгтэй байна" гэв.
Норвегийн бизнесийн байгууллагын төлөөлөгчид хэлэхдээ "Хятад улс нь Норвегийн аж ахуйн нэгжүүдийн зах зээл, худалдааны чухал түнш бөгөөд Хятадтай хамтын ажиллагаагаа улам гүнзгийрүүлэхэд бэлэн байна. Хоёр орны засгийн газар, бизнесийн хүрээний хоорондын яриа хэлэлцээ, харилцаа холбоог бэхжүүлэх нь харилцан ойлголцлыг нэмэгдүүлэх, хамтын ажиллагааны салбаруудыг өргөжүүлэхэд тустай юм" гэв.
Чинь Ган Хятад-Норвегийн эдийн засаг, худалдааны хамтын ажиллагааг бэхжүүлэх асуудлаар бизнесийн байгууллагын төлөөлөгчдийн санал, зөвлөмжийг сонсож, Украины хямрал, ногоон өөрчлөлт, оюуны өмчийг хамгаалах, Хятад-АНУ-ын харилцааны талаарх асуултуудад хариулав.
