Хятадын дарга Ши Жиньпин 08-р сарын 23-ны өдөр Хятад-Шанхайн Хамтын Ажиллагааны Байгууллагын дижитал эдийн засгийн аж үйлдвэрийн форум болон 2021 оны Хятадын олон улсын ухаалаг үйлдвэрлэлийн үзэсгэлэн яармагт баярын захидал илгээв.
Дарга Ши Жиньпин "Дэлхий ертөнц дижитал эдийн засгийн хурдацтай хөгжлийн үе рүү орж байна. Шинэ технологи, шинэ формат, 5G, хиймэл оюун ухаан, ухаалаг хотууд зэрэг шинэ платформууд цэцэглэн хөгжиж байгаа нь дэлхийн технологийн шинэчлэл, аж үйлдвэрийн бүтцийн тохируулга, эдийн засаг, нийгмийн хөгжлийг гүн гүнзгий нөлөөлж байна. Сүүлийн жилүүдэд Хятад улс дижитал аж үйлдвэржилт, аж үйлдвэрийн дижиталчлалыг идэвхтэй дэмжиж, дижитал технологийг эдийн засаг, нийгмийн хөгжилтэй гүн гүнзгий нэгтгэхийг ахиуллаа" гэж онцлов.
Шанхайн хамтын ажиллагааны байгууллага байгуулагдсаны 20 жилийн ойг тохиолдуулан Хятад улс бүх гишүүн оронтой "Шанхайн үзэл баримт" -ыг урагшлуулж, дижитал эдийн засгийн олон улсын хамтын ажиллагаанд гүнзгий оролцож, дижиталчлал, сүлжээнд холбогдсон, ухаалаг нь эдийн засаг, нийгмийн хөгжилд түлхэц өгч, дижитал эдийн засгийн хамтын ажиллагааны шинэ үе шатыг бий болгоно гэж дарга Ши Жиньпин онцолсон юм.
Хятад-Шанхайн хамтын ажиллагааны байгууллагын дижитал эдийн засгийн аж үйлдвэрийн форум, 2021 оны Хятадын олон улсын ухаалаг үйлдвэрлэлийн үзэсгэлэн яармаг нэгэн зэрэг үргэлжлэх бөгөөд мөн өдөр Хятадын баруун өмнөд нутгийн Чүнчин хотноо нээлтээ хийлээ.
