БНХАУ-ын сансар судлалын үндэсний газар (СNSА) "Шэньжөү-12" хөлгөө дэлхий орчмын тойрог замд байгуулж буй станц руу өнөөдөр буюу зургаадугаар сарын 17-ны өдрийн үдээс өмнийн 09 цаг 22 минут 27 секундэд амжилттай хөөргөсөн байна.

Энэхүү хөлгийг Ганьсү муж болон Өвөр Монголын Өөртөө Засах Орны (Хойд Хятад) хил дээр байдаг Жюйчуань сансрын буудлаас хөөргөсөн байна. Хөлгийг “СZ-2F” зөөгч пуужингаар тойрог замд гаргахаар төлөвлөжээ. "Шэньжөү-12" хөлгөөр сансрын гурван нисэгчийг (Не Хайшэн,Люй Бөмин,Тан Хунбө) тойрог замд барьж буй станц руу илгээх юм.