33 настай Жэн Линьлинь бол Хэбэй мужийн Таншан хотын Фэннан дүүргийн Мү Шанкеэ тэмээ үржүүлэх баазын эзэн юм. 2010 онд тэрээр их сургуулиа төгсөөд Өвөр Монголын Алшаа аймагт аялж явахдаа тэмээг анх хараад тэмээ үржүүлэх санаа төржээ. 2011 оны эхээр Жэн Линьлинь аавынхаа дэмжлэгтэйгээр Өвөр Монголын Алшаа аймгаас 28 тэмээ худалдаж аваад тал газарт тэмээ үржүүлэхийг оролдож эхлэв. Гэвч анхны оролдлого нь бүтэлгүйтэв. Жэн Линьлинь тэмээ үржүүлэх мэргэжилтнүүдтэй уулзахаар Өвөр Монголд олон удаа очжээ. Тасралтгүй зүтгэснээр Жэн Линьлиний тэмээ маллах арга туршлага аажмаар боловсорч, үржлийн цар хүрээ өргөжсөөр байна. Өнөөдөр түүний тэмээний саравчинд 400 гаруй тэмээ байгаа бөгөөд өдөр бүр 50 орчим килограмм сүү авч жилийн ашиг орлого нь 1.6 сая юаньд хүрээд байна.
- Дараагийн алхамд би цар хүрээгээ өргөжүүлж, энэ загварыг сурталчлах болно. Ингэснээр тосгоны иргэд экологи, эдийн засаг, нийгмийн ашиг тусыг хүртэх боломжтой болно хэмээн Жэн Линьлинь итгэл найдвар дүүрэн ярилаа.
