Хятад улс, АНУ, ОХУ зэрэг 8 орны сансар судлалын байгууллагын албан тушаалтан зэрэг хүмүүс Бээжингийн цагаар 6-р сарын 29-ний орой онлайн хэлбэрээр “Сансрын технологийг энх тайвны зорилгоор ашиглах тухай 3 дахь удаагийн олон улсын судлан ярилцах хурал”-ын хоёрдугаар удаагийн бэлтгэл хурлыг хийсэн байна. Улс орнуудын сансар судлалын байгууллагын албан тушаалтан, эрдэмтэн, бизнесмен зэрэг хуралд оролцсон төлөөлөгчид Хятад улсад зохиогдох 3 дахь удаагийн их хурлаар олон улс хамтран ажиллаж, хамтдаа хүндрэл бэрхшээлийг даван туулж, хүн төрөлхтний эрүүл мэндийн төлөө ашиг тус бүтээх дуу хоолой, санаачилга гаргахыг хамтаар хүсэн эрмэлзсэн байна.

Сансрын технологийг энх тайван (эрүүл мэнд)-ны зорилгод ашиглах олон улсын судлан ярилцах хурал бол Хятад улсын Сансар судлалын нийгэмлэг, Хятад улсын дэвшилтэд технологийг аж үйлдвэржүүлэх судалгааны хурал, Олон улсын энх тайвны холбоо (сансар судлал) хамтран зохион байгуулсан олон улсын томоохон оны хурал юм. Олон улсын сансар судлалын академи IAA, Олон улсын сансар судлалын нэгдсэн холбоо IAF, АНУ-ын сансар судлалын сан, Олон улсын сансрын уудамд судалгаа хийгчдийн нийгэмлэг, Олон улсын сансар судлалын их сургууль, Райс их сургуулийн Олон улсын сансрын анагаах ухааны олон улсын дээд хэмжээний хурал, Олон улсын сансрын хууль зүйн судалгааны нийгэмлэг зэрэг олон улсын сансар судлалын олон том байгууллагын албан тушаалтан хамтаар их хурлын нэгдсэн даргаар ажиллаж байна. Их хурал нь “Нэг сансрын уудам, нийтийн гэр орон” сэдвээр жил бүрийн 11-р сард Хятад улсад зохиогддог. Өмнө нь хоёр удаа амжилттай зохион байгуулсан бөгөөд тус хурлыг хүмүүс сансар судлалын “Давосын форум” хэмээн нэрлэдэг болжээ.

29-нд болсон онлайн бэлтгэл хурлыг Олон улсын энх тайвны холбоо (сансар судлал)-ны гүйцэтгэх дарга, Олон улсын сансар судлалын академийн академич Ван Тянь-И даргалсан юм.