Бө-Аогийн Азийн чуулга уулзалт нь хөгжлийн асуудлаар зөвшилцөл бий болгож байна гэж хилийн чанад дахь хүмүүс нааштайгаар дүгнэж байна.

Бө-Аогийн Азийн чуулга уулзалт 2022 оны 04-р сарын 22-ны өдөр амжилттай болж өндөрлөлөө. Жил бүрийн уулзалтын сэдэв нь "Тахал ба дэлхий: Дэлхийн хөгжлийг хамтдаа ахиулж, хамтын ирээдүйг бүтээцгээе" гэсэн сэдэвтэй байгаа нь олон улсын хамтын нийгэмлэгийн анхаарлыг ихээхэн татаж байна. Дэлхийн эдийн засгийн сэргэлт удаашралтай, хөгжлийн зөрүү нэмэгдэж байгаа энэ үед Бө-Аогийн Азийн чуулга уулзалтыг зөв цагт зохион байгуулж байгаа нь санал зөрөлдөөнөө арилгах арга замыг эрэлхийлэх төдийгүй дэлхийн засаглалын тогтвортой хөгжлийн төлөө шинэ төлөвлөгөө гаргах зорилготой гэж гадаадын ажиглагчид үзэж байна.

Нээлттэй дэлхийн эдийн засгийг бий болгоно

Бө-Аогийн Азийн чуулга уулзалтын төлөөлөгчид дэлхийн эдийн засгийн чиг хандлага, түүнд тулгарч буй сорилтуудыг гүнзгий хэлэлцэж, бүх улс орон нээлттэй дэлхийн эдийн засгийг байгуулахыг тууштай баримталж, макро бодлогын уялдааг бэхжүүлж, дэлхийн аж үйлдвэр, нийлүүлэлтийн сүлжээг тогтвортой байлгах, хөрөнгө оруулалт, худалдааны сэргэлтийг эрчимтэй дэмжиж, ногоон сэргэлт болон дижитал эдийн засгийн хөгжлийг идэвхтэй дэмжинэ. Гадаадад байгаа хүмүүс энэ талаар маш сайн үнэлгээ өгч байна.

Испанийн Эссадын бизнесийн сургуулийн профессор Омар Рашиди хэлэхдээ:

- Жил бүр зохион байгуулдаг энэхүү уулзалт нь тахлын дараах цаг үеийн улс төр, эдийн засгийн дэг журам зэрэг сэдвүүдийг хамарч байна гэж, тэрээр хоёр гол зүйл байна гэж үзэж байна.

Нэг. Тахал гарсны дараа бараа, үйлчилгээний хомсдол байгаа тул үүнийг дэмжих ёстой. Нийлүүлэлтийн сүлжээ, худалдааны харилцааг хэвийн болгоно.
Хоёр. Орос, Украины мөргөлдөөний улмаас үүссэн сөрөг нөлөөлөл, тодорхойгүй байдлыг арилгахын тулд улс орнууд сайн зохицуулалт хийх ёстой.

Австралийн Фордск Металл группын дарга Форрест хэлэхдээ:

- Уг чуулга уулзалт нь Австрали, Азийн хэлхээ холбоог цаашид бэхжүүлэх чухал индэр болж, Хятад зэрэг аж ахуйн нэгжүүд болон Азийн бизнесийн түншүүдийн хоорондын харилцааны чухал хэсэг юм. Фордск металлын группийн амжилт, Австралийн эдийн засгийн хөгжил нь Азийн хүчирхэг хөдөлгүүр дээр суурилдаг. Эдгээр хүчирхэг худалдааны харилцаа нь эдийн засгийг тогтворжуулахад урьд урьдынхаас илүү их тус болж байна.

Энэтхэгийн Мумбай дахь "Ажиглагч" сангийн тэргүүн асан Кулкарни хэлэхдээ:

- Санал зөрөлдөөнөө хадгалж, дэлхийн тулгамдсан асуудлуудад нийтлэг шийдэл хайх нь урагшлах цор ганц арга зам боловчГэвч барууны орнууд янз бүрийн шалтаг тоочиж даяаршил, дэлхийн хамтын ажиллагааны замд саад тотгор учруулдаг. Хэрэв бид цар тахлаас сургамж авъя гэвэл даяаршлыг хязгаарлахын оронд хурдасгаж, хумих биш харин өргөжүүлэх ёстой.

АНУ-ын Бард коллежийн ахлах судлаач Пэн Рунниан хэлэхдээ:

- Олон туйлт ертөнцөд олон туйлт хэлэлцүүлэг, Ази тивд өөрийн гэсэн дуу хоолой хэрэгтэй байна. Бө-Аогийн Азийн чуулга уулзалт Азичуудын дуу хоолойг хүргэж байна. Хятад улс Азийн эдийн засгийн интеграцчлалыг ахиулж, дэлхийн нээлттэй эдийн засгийг байгуулж байгаа нь зөвхөн эдийн засгийн интеграцчилал төдийгүй дэлхийг хамтаар байгуулах урилга юм. Эмх замбараагүй байдал, сөргөлдөөнтэй байгаа энэ үед Хятадын мэдэгдэл итгэл төрүүлж, урам зориг өгч байна.

Хөгжиж буй орнуудын яаралтай хэрэгцээнд анхаарлаа хандуулна

"COVID-19" тахал нь сүүлийн 10 жилийн хугацаанд дэлхийн ядуурлыг бууруулах ололт амжилтад томоохон нөлөө үзүүлж байна. Тэгш бус сэргэлт нь дэлхийн тэгш бус байдлыг улам хурцатгаж, өмнөд, хойд гэсэн хуваагдал улам бүр нэмэгдсээр байна. Хөгжиж буй орнуудын тулгамдсан асуудалд анхаарал хандуулах нь гадаадын иргэд ч хүлээн зөвшөөрдөг форумын чухал хэсэг юм.

Пакистаны Тогтвортой хөгжлийн бодлогын хүрээлэнгийн зөвлөх Умар Бхатти хэлэхдээ:

- Олон жилийн турш Хятад улс дэлхийн нийтийг хамарсан хөгжлийг ахиулж, улам олон хүн хамтын хөгжилд оролцож, улс орнууд эдийн засгийн хөгжлийн үр шимийг хүртэх боломжийг олгож байна. Энэ нь зөвхөн Хятадад төдийгүй маш олон хөгжиж буй орнуудад хамаатай.

Камбожийн Белтайн олон улсын их сургуулийн ахлах профессор Жозеф Мэтьюс хэлэхдээ:

- Ивээх үзэл ба нэг талт үзэл нь жижиг орнуудын эдийн засгийг сүйрүүлж, хөгжилд нь саад учруулж, бүс нутгийн ядуурлыг улам хурцатгадаг сөрөг энерги юм. Үүний эсрэгээр Хятад улс "Бүс ба зам"-ын хамтын ажиллагааг хамтдаа байгуулж, ногоон эдийн засгийн хөгжлийг ахиулах зэрэг хүчин чармайлтаар дэлхийн эдийн засаг, чөлөөт худалдааг эрчимтэй ахиулж байна.

Кенийн олон улсын харилцааны мэргэжилтэн Кавенс Адхилл хэлэхдээ:

- "Бүс ба зам"-ын хамтын бүтээн байгуулалт нь зам дагуух улс орнуудын хамтын ажиллагаа, эрүүл мэнд, сэргэн мандалт, өсөлтийн зам болсон юм. Кени улсад Кени-Хятадын хамтын ажиллагааны төсөл орон нутгийн иргэдийг ажлын байраар хангах боломжийг олгож, тахлын улмаас үүссэн эдийн засгийн хүндрэлийг намжаав.

НҮБ-ын Ерөнхий нарийн бичгийн даргын орлогч, АНДЭЗНБ-ын Гүйцэтгэх нарийн бичгийн дарга асан Ахтар хэлэхдээ:

- Дэд бүтцийн холболт байхгүй бол Бүс нутгийн иж бүрэн эдийн засгийн түншлэл (RCEP) болон Номхон далай дамнасан иж бүрэн, дэвшилтэт түншлэл (CPTPP) аль аль нь хэрэгжих боломжгүй, тиймээс "Бүс ба зам"-ыг хамтран байгуулахад Хятад улсын хийсэн ажлыг бид өндрөөр үнэлж байна. “Бүс ба Зам” санаачилгын ололт амжилт болсон шаардлагатай санхүүжилтээ авч чадахгүй байсан улс орнуудын дэд бүтцийн санхүүжилт ямар шатандаа явж байгааг би өөрийн нүдээр харсан.

Азид илүү нээлттэй зах зээлийг бий болгоход дэмжлэг үзүүлнэ

Хамтдаа ашиг хүртэх хамтын ажиллагаа бол Азийн хөгжлийн цор ганц зам юм. RCEP албан ёсоор хүчин төгөлдөр болж, Хятад Лаосын төмөр зам ашиглалтад орсноор Азид илүү нээлттэй зах зээлийг бий болгох, Ази тивд харилцан ашигтай хамтын ажиллагааг ахиулах зэрэг боломжийг ашиглах шаардлагатай гэж хилийн чанад дахь хүмүүс үзэж байна. Ази тивд хамтад нь ашигтай хамтын ажиллагааг хөгжүүлэх шинэ алхам хийнэ.

Малайзын Номхон далайн судалгааны төвийн ахлах зөвлөх Ху Ишань хэлэхдээ:

- Зүүн өмнөд Азийн орнууд Хятад улс өндөр чанартай хөгжлийг ахиулах үйл явцад зах зээлд илүү өргөн боломж олгож, ялангуяа RCEP-ийг ахиулахад чухал үүрэг гүйцэтгэсээр байх болно гэж найдаж байна. Зүүн өмнөд Азийн орнуудтай хамтын ажиллагаагаа улам өргөжүүлэн хөгжүүлнэ. Чөлөөт худалдааны хамгийн том бүсийн ногдол ашиг нь Ази тивийн эв нэгдэл, хамтын ажиллагаа, хамтын хөгжил цэцэглэлтийг дэмжих болно.

Оросын ШУА-ийн Алс дорнодын судлалын хүрээлэнгийн Хятадын нийгэм эдийн засгийн судалгааны төвийн захирал Островский хэлэхдээ:

- Сүүлийн гучин жилийн хугацаанд дэлхийн эдийн засгийн гол анхаарал аажмаар Ази руу шилжсэн байна. Ази нь асар их өсөлтийн нөөцтэй. RCEP нь бүс нутгийн болон дэлхийн худалдаанд түлхэц өгч, тахлын дараа дэлхийн эдийн засгийг сэргээхэд тус дөхөм үзүүлнэ.Бө-Аогийн Азийн чуулга уулзалт энэ хүрээнд бүс нутгийн орнуудын хамтын ажиллагааг ахиулах болно.

Тайландын Ерөнхий сайдын орлогч асан Сураж Шатинтай хэлэхдээ:

- Ази бол дэлхийн эдийн засгийн өсөлтийн хөдөлгүүр бөгөөд дэлхийн эдийн засгийг сэргээхэд нэн чухал юм. Энэ тахал өвчний үед Азийн эдийн засгийн хөгжил синхрончлолд орохгүй байж магадгүй тул эв нэгдэл, хамтын ажиллагаагаар л бид Азийн эдийн засгийн интеграцийг ахиулж, дэлхийн эдийн засгийн өсөлтөд түлхэц үзүүлж чадна.