БНХАУ-ын Соёл, аялал жуулчлалын яам, Гүйжөү мужийн Ардын засгийн газар, Олон улсын уулын аялал жуулчлалын холбоо хамтран зохион байгуулсан 2022 оны Азийн уулын аялал жуулчлалыг дэмжих чуулган 08-р сарын 18-нд Гүйян хотод нээлтээ хийлээ. Чуулганы талбайд зохион байгуулагдсан Уулын амьтдын хэрэглээ, өв залгамжлалын үзэсгэлэн, Уул, хөдөөгийн сэргэн мандалтын аялал жуулчлалын онцлох бүтээгдэхүүний үзэсгэлэн зэрэг олон үйл ажиллагаа гадаадын олон зочдын сонирхлыг татав.

Сүүлийн жилүүдэд Гүйжөү хот "Дэлхийн жишигт нийцсэн уулын аялал жуулчлалын газар" болон "Дотоодын нэгдүгээр зэрэглэлийн амралт, сувиллын газар" байгуулах бодлого, байгууллагын тогтолцоонд тасралтгүй хүчин чармайлт гаргаж, олон улсын уулын аялал жуулчлалын чуулгны тогтолцоо, олон улсын байгууллагын үйл ажиллагааг дараалан нэвтрүүлсэн байна. Олон улсын уулын аялал жуулчлалын холбоо нь Гүйжөү хотод суурьшсан байна. 2017 онд байгуулагдсан Олон улсын уулын аялал жуулчлалын холбоо нь Гүйжөүгийн санаачилсан уулын аялал жуулчлалын чиглэлээр үйл ажиллагаа явуулдаг дэлхийн анхны төрийн бус ашгийн бус олон улсын байгууллага бөгөөд Хятад улсын олон улсын аялал жуулчлалын гурван том байгууллагын нэг юм.