Хамгийн сүүлийн үеийн тоо баримтаас харахад энэ оны эхний долоон сард Хятадын автомашины компаниуд 1 сая 509 мянган автомашин экспортолсон нь өнгөрсөн оны мөн үеийнхээс 50.6 хувь өссөн байна. Тэдний дунд эрчим хүчний шинэ тээврийн хэрэгсэл нь өсөлтийн чухал цэг болсон юм. Долоодугаар сард 54.000 шинэ эрчим хүчний машин экспортолсон нь өнгөрсөн оны мөн үеийнхээс 37.6 хувь өссөн байна.

   Мэргэжилтнүүд хэлэхдээ "Дэлхийн автомашины компаниудад дарамт учруулж буй чипний нийлүүлэлтийн хомсдолын нөхцөлд Хятадын шинэ эрчим хүчний тээврийн хэрэгслийн экспортын сайн үр дүн нь Хятадын аж үйлдвэрийн гинжин хэлхээний давуу талыг харуулж байна. Бүтээгдэхүүний чанарыг тасралтгүй сайжруулж, брэндийн дүр төрхийг аажмаар бий болгосноор Хятадын шинэ эрчим хүчний машинууд дэлхийн олон улс орон, бүс нутагт экспортолж байна".

Экспортын цар хүрээ өргөжин тэлсээр байна

Энэ он гарснаас хойш Хятадын шинэ эрчим хүчний тээврийн хэрэгслийн экспортын өсөлт сайн хандлагатай байна.

Хятадын Автомашины нийгэмлэгийн тоо баримтаас үзвэл, оны эхний хагаст Хятад улс нийт 202 мянган шинэ эрчим хүчний автомашин экспортолсон нь өнгөрсөн оны мөн үеийнхээс 1.3 дахин нэмэгдэж, нийт тээврийн хэрэгслийн экспортын 16.6 хувийг эзэлжээ. Хятадын автомашин үйлдвэрлэгчдийн холбооны мэдээгээр 07-р сард шинэ эрчим хүчний автомашинууд нийт экспортын 21.8 хувийг эзэлж байна.

-Гадаадын хөрөнгө оруулалттай үйлдвэр, хамтарсан үйлдвэрүүд илүү их үүрэг гүйцэтгэсэн. Тесла, BMW, Volvo зэрэг гадаадын болон хамтарсан компаниудын экспортолж буй шинэ эрчим хүчний автомашины гуравны хоёр орчим нь Хятадын өөрийн брэндийн үйлдвэрлэсэн шинэ эрчим хүчний автомашинууд байна гэж Хятадын Автомашины холбооны дэд ерөнхий инженер Шю Хайдүн танилцуулсан байлаа.

Теслагийн Шанхайн супер үйлдвэрийн оны эхний хагаст 100 мянга шахам автомашин экспортолсон нь Хятадын нийт шинэ эрчим хүчний тээврийн хэрэгслийн экспортын 48 хувийг эзэлж, өнгөрсөн оны мөн үеийн экспортын хэмжээнээс хоёр дахин нэмэгдсэн байна.Теслагийн холбогдох хүн хэлэхдээ:

-Энэ жилийн цар тахал болон дэлхийн аж үйлдвэрийн гинжин хямралын давхар дарамтын дор Теслагийн Хятадад үйлдвэрлэсэн өндөр чанартай, өндөр үнэ цэнэтэй автомашинууд Европ, Австрали,Япон, Сингапур зэрэг өндөр хөгжилтэй улс орон, бүс нутагт экспортлогдсон. Маш сайн үр дүнд хүрсэн гэжээ.

Хятадын бие даасан брэндүүд ч мөн гадаад зах зээл рүү тэлэлтээ хурдасгаж байна. Хятадын автомашин үйлдвэрлэгчдийн холбооны мэдээлснээр, энэ оны 06-р сард шинэ эрчим хүчний суудлын автомашин экспортлогчдын дунд Дүнфэн Ижетэ 5445 автомашин, BYD шинэ эрчим хүч 2177 автомашин, Шэньлүн компани 525 автомашин, Жянхуай компани 361 автомашин, FAW Хунчи 192 машин экспортолжээ.

Экспортолсон эдгээр шинэ эрчим хүчний машинуудыг аль улс, бүс нутагт зардаг вэ?

Европын зах зээлд эзлэх хувь аажмаар нэмэгдэж байна. Энэ оны эхээр Шаопэн Европын зах зээлд албан ёсоор нэвтэрч буйгаа зарласан. 08-р сард BYD болон Чанчэн автомашин Европын орнуудад шинэ эрчим хүчний машинуудын зах зээлд нэвтрэх болсон. Сүүлийн өдрүүдэд Хунчи цэвэр цахилгаан тансаг SUV E-HS9 Норвегт 1000 гаруй ширхгийг нийлүүлсэн. Хятадын автомашин үйлдвэрлэгчдийн холбооны нарийн бичгийн дарга Цүй Дүншү сурвалжлагчид танилцуулахдаа:

- Оны эхэн хагаст Европын зах зээл Хятадын шинэ эрчим хүчний суудлын тээврийн хэрэгслийн экспортын 34 хувийг эзэлж, Хятадаас хамгийн олон тооны шинэ эрчим хүчний машинууд импортолсон улс нь Бельги улс болсон юм гэжээ.

Экспортлох цар хүрээ өргөжин тэлсээр байна. 08-р сарын 02-нд Чанчэн автомашин болон Автомашины жижиглэнгийн худалдаачин Inchcape групп албан ёсоор баруун талдаа жолооны хүрдтэй автомашины зах зээлийг хамтран хөгжүүлэх түншүүд болжээ. Чанчэн шинэ эрчим хүчний автомашины ORA баруун талдаа жолооны хүрдтэй автомашиныг Тайландын зах зээлд байршуулж, ирээдүйд Их Британи, Австрали, Өмнөд Африк, Малайз болон бусад зах зээлд гаргаж, аажмаар баруун талдаа жолооны хүрдтэй тээврийн хэрэгслийн дэлхийн зах зээлийн бүрэн хамрах хүрээг бий болгоно гэж ойлгож байна. Наймдугаар сарын байдлаар, BYD компанийн цэвэр цахилгаан автобус, такси дэлхийн 70 гаруй улс орон, бүс нутагт нэвтэрсэн бөгөөд энэ онд Ойрх Дорнод, Африк, Европ, Ази-Номхон далайн зах зээлийг улам хөгжүүлж, ирээдүйд Хойд Америкийн зах зээлийг өргөжүүлэхээр төлөвлөж байна. Хятадын автомашины компаниуд хилийн чанад дахь зах зээлийн төлөвлөлтөө алхам алхмаар өргөжүүлж байна.

Уламжлалт автомашины улс орнууд нь экспортын чухал зах зээл болсон. Саяхан BYD Герман, Шведийн зах зээлд гарахаа зарласан бөгөөд энэ оны дөрөвдүгээр улиралд автомашины эхний багцыг нийлүүлжээ. Өмнө нь BYD Японы суудлын автомашины зах зээлд албан ёсоор нэвтэрч буйгаа зарласан. Япон, Герман зэрэг уламжлалт автомашины үйлдвэрүүдийн машинуудыг Хятадад их хэмжээгээр оруулж ирдэг байсан нь Хятадын хэрэглэгчдийн таашаалд нийцсэн. Эдүгээ Хятад улс шинэ эрчим хүчний автомашины салбарт илүү давуу талтай болсон тул Хятадын шинэ эрчим хүчний машинууд эдгээр уламжлалт автомашины улс оронд экспортолж эхэлжээ.

Шю Хайдүн дүн шинжилгээ хийхдээ, ирээдүйд Хятадын шинэ эрчим хүчний автомашины бүтээгдэхүүний чанар, брэндийн дүр төрхийг тасралтгүй сайжруулснаар, илүү өндөр хөгжилтэй орнуудад экспортлох хандлага үргэлжилсээр байх болно гэжээ.

Аж үйлдвэрийн давуу талууд аажмаар гарч ирэв

2020 онд Хятадын шинэ эрчим хүчний автомашины экспорт ердөө 70 мянга орчим болж, нийт автомашины экспортын 7 хувийг эзэлжээ. 2021 он гэхэд Хятадын шинэ эрчим хүчний автомашины экспорт 310 мянган ширхэгт хүрч, өнгөрсөн оны мөн үеийнхээс бараг 304.6 хувь нэмэгдэж, Хятадын нийт автомашины экспортын 15 хувийг эзэлжээ.

Хятадын шинэ эрчим хүчний тээврийн хэрэгслийн экспортын өндөр өсөлт нь тус салбарт олон жил хуримтлагдсаны зайлшгүй үр дүн гэж Шю Хайдүн үзсэн байна. Сүүлийн 10 жилийн хугацаанд Хятадын засгийн газар шинэ эрчим хүчний автомашины үйлдвэрлэлийг дэмжих бодлогоо тасралтгүй сайжруулсаар ирсэн.Хятадын автомашины аж ахуйн нэгжүүд эдгээр бодлогын уриалгыг идэвхтэй хүлээн авч, шинэ эрчим хүчний автомашины үйлдвэрлэлийн хүчин чадлыг тасралтгүй сайжруулж, бүтээгдэхүүний өнгө төрх, чанар, судалгаа, боловсруулалт, үйлдвэрлэлийн хүчин чадал зэрэг нь дэлхийн хэрэгцээг хангаж чадах талаар зүтгэл гаргасан байна.

- Шинэ эрчим хүчний суудлын автомашины салбарт BYD нь 20 гаруй жилийн технологи, туршлага хуримтлуулж, чип, батарей, мотор, электрон удирдлага, автомашины зэрэглэлийн үндсэн технологийг эзэмшсэн. Энэ нь бидэнд салбарын технологийн өөрчлөлт, стратегийн төлөвлөлтийн талаар гүнзгий ойлголттой байх боломжийг олгожээ. Нэмж дурдахад, BYD-ийн шинэ эрчим хүчний суудлын автомашинууд 2.1 сая гаруй автомашин эзэмшигчдэд үйлчилсэн бөгөөд бүтээгдэхүүний хүч чадал нь зах зээлд өргөнөөр хүлээн зөвшөөрөгдсөн. Эдгээр туршлага нь BYD-д гадаад зах зээлд илүү сайн үйлчлэхэд тусалжээ гэж BYD-ийн ажилтан танилцуулсан байлаа.

Цар тахлын нөлөөгөөр дэлхийн автомашины аж үйлдвэр "чип" болон "батарей"-ын хомсдолд нүүрлэж байгаа тул Хятадын шинэ эрчим хүчний автомашины салбарын давуу талууд аажмаар гарч ирж байна. Аж үйлдвэрийн боловсронгуй үйлдвэрлэлийн хүчин чадал, хямд, өндөр үр ашигтай үйлдвэрлэлийн систем нь дотоодын шинэ эрчим хүчний тээврийн хэрэгслийг үр ашигтай үйлдвэрлэх боломжийг олгодог бөгөөд дэлхийн зах зээлд зардлын давуу талтай байдаг. Цүй Дүншү хэлэхдээ:

- Нийлүүлэлтийн үүднээс авч үзвэл, дэлхий дахинд чип, батарейны хангамж хангалтгүй зэрэг асуудал тулгарсаар байгаа нь Европ, АНУ, Японы автомашины үйлдвэрлэлийн хүчин чадлыг бууруулсан бол Хятадын автомашины компаниуд чип хангамжийг хангах сайн ажил хийсэн. Энэ нь дэлхийн шинэ эрчим хүчний тээврийн хэрэгслийн хангалтгүй хангамжийг нөхөж, асар их өсөлтийг авчирсан гэжээ.

Шинэ эрчим хүчний автомашины дэлхийн эрэлт хэрэгцээ их байгаа нь өргөн орон зайг бий болгож байна.

- Олон орны хэрэглэгчид шинэ эрчим хүчний автомашины эрэлт хэрэгцээ ихтэй байдаг.Нэг талаас автомашины үйлдвэрлэл нь уламжлалт түлшээр ажилладаг автомашинаас шинэ эрчим хүчний автомашинууд руу шилжиж байгаа.Нөгөө талаараа нефтийн үнийн өсөлт нь түлшний автомашины үнийг өсгөснөөр шинэ эрчим хүчний машин хэрэглэгчдийн анхаарлыг илүү татахад хүргэж байна гэж Цүй Дүншү хэлсэн байлаа.

Уламжлалт түлшээр ажилладаг автомашины хилийн чанадад гарахаас ялгаатай нь Хятадын шинэ эрчим хүчний тээврийн хэрэгслийн экспортын зорилтот зах зээл нь Бельги, Их Британи, Норвег зэрэг өндөр хөгжилтэй орнууд байдаг гэдгийг тэмдэглэх нь зүйтэй.

Европын эрчим хүчний шинэ зах зээл маш том орон зайтай. Норвегийн засгийн газраас гаргасан тоо баримтаас үзвэл 2021 онд Норвегт нийт 176,200 автомашин зарагдах бөгөөд үүний 65 хувь нь цахилгаан хөдөлгүүртэй автомашин байх бөгөөд өнгөрсөн оны мөн үеэс 11 хувь нэмэгдсэн байна. Үүний нэгэн адил Германд 2021 онд шинэ эрчим хүчний автомашины борлуулалт 681.000 ширхэгт хүрч, өнгөрсөн оны мөн үеэс 72.7 хувь нэмэгдсэн байна. Европ шинэ эрчим хүчний автомашины хэрэглээний гол зах зээл болохын хувьд орон нутгийн брэндүүдийн өөрчлөлтийг удаашруулсан нь Хятадын шинэ эрчим хүчний машиныг гадаадад гаргах сайхан боломж гэж Цүй Дүншү үзэж байна.

Сүүлийн жилүүдэд Европын олон орон, бүс нутаг эрчим хүчний шинэ тээврийн хэрэгслийг эрчтэй дэмжиж, татаасыг нэмэгдүүлж, импортын татварыг бууруулж, бусад хөнгөлөлттэй бодлогыг хэрэгжүүлж, Хятадын шинэ эрчим хүчний тээврийн хэрэгслийн экспортод шинэ орон зай гаргаж өгсөн байна. Норвег улс цэвэр цахилгаан автомашин худалдан авагчдыг худалдан авалтын татвар, импортын татвараас чөлөөлж, хэрэглэгчдийг 25 хувийн нэмэгдсэн өртгийн албан татвараас чөлөөлж, замын хөдөлгөөнд оролцох эрхийг дэмжих зэрэг дэмжлэгийн бодлого явуулдаг. Германы шинэ эрчим хүчний автомашины хэрэглэгчид 9000 еврогийн татаас авах боломжтой. Нидерланд, Дани, Швед болон бусад улсууд шинэ эрчим хүчний автомашины зах зээлд дэмжлэг үзүүлэх зорилгоор "түлшний машин худалдахыг хориглох" хуваарийг дараалан гаргаж,шинэ автомашины зах зээлийн хөгжлийг дэмжсэн байна.

Шинэ эрчим хүчний машинууд нь Хятадын автомашины экспортын гол өсөлтийн цэг болжээ. Ирээдүйд дэлхийн шинэ эрчим хүчний автомашины эрэлт үргэлжлэн өсөх хандлагатай байна. Хятад улс харьцангуй шинэ эрчим хүчний тээврийн хэрэгслийн үйлдвэрлэлийн сүлжээтэй бөгөөд цар хүрээний үр нөлөө нь зардлын давуу талыг авчрах болно.Хятадын шинэ эрчим хүчний тээврийн хэрэгслийн экспортын хурдацтай өсөлтийг хадгалах төлөвтэй байна.

Хятадын гүйцэж түрүүлэх томоохон боломж байна

Саяхан Шанчи MG MULAN маркийн 1000 гаруй автомашин Бельгийн Зеебругге боомтод ирэх гэж байгаа бөгөөд энэ оны дөрөвдүгээр улиралд Европын зах зээлд гарах гэж байна.

Хилийн чанад дахь зах зээлээ тасралтгүй өргөжүүлснээр Хятадын шинэ эрчим хүчний автомашины брэнд нь "Хятадад үйлдвэрлэв"-ээс "Хятадын брэнд" болж хувирах төлөвтэй байна.

Шинэ эрчим хүчний автомашины экспорт нь Хятадын автомашины компаниудад дэлхийн зах зээлд томоохон хөгжлийн боломж болж магадгүй юм.

- Бүх улс орон шинэ эрчим хүчний машин бүтээхийг дэмжиж байгаа бөгөөд Хятадад аль хэдийн таатай нөхцөл бүрдсэн. Боломжоо ашиглан илүү өндөр хөгжилтэй болон хөгжиж буй орнуудын зах зээлд нэвтэрч, Хятадын шинэ эрчим хүчний машиныг дэлхийд гаргах хэрэгтэй гэж Шю Хайдүн үзсэн байна.

Хөгжлийн боломжийг хэрхэн ашиглах бэ?

- Юуны өмнө бүтээгдэхүүний чанарыг сайжруулах, судалгаа шинжилгээний хөрөнгө оруулалт, бие даасан инновацыг нэмэгдүүлэх зэрэг хатуу хүчийг тасралтгүй сайжруулах шаардлагатай байна. Хоёрдугаарт, "Хятадад үйлдвэрлэв"-ээс "Хятадын брэнд" рүү шилжихийн тулд дотоодын зах зээлд дасан зохицох шаардлагатай. Хятадын шинэ эрчим хүчний автомашиныг "гаргах"-ыг илүү сайн сурталчлахын тулд орон нутгийн соёл, орон нутгийн хэрэглэгчдийн хэрэгцээг ойлгох ёстой гэж Шю Хайдүн ярив.

Хувийн эзэмшдэг брэндүүд асар их боломжуудтай. Одоогийн байдлаар Хятадын өөрийн цоо шинэ эрчим хүчний автомашинууд "хямд үнэтэй" гэсэн хуучин сэтгэгдлийг эвдэж, гадаадад суудлын автомашины дээд зэрэглэлийн зах зээлд хүчин чармайлт гаргаж байна. Гэсэн хэдий ч Хятадын хувийн брэндүүдийн хилийн чанад дахь борлуулалт хараахан үр дүнгээ өгөөгүй байна.Дэлхийн шинэ эрчим хүчний автомашины эрэлт хэрэгцээ өсөхийн хэрээр Хятадын хувийн брэндүүд хилийн чанадад гарахдаа илүү хүчтэй зах зээлийн өрсөлдөөнтэй тулгарах болно. Бүтээгдэхүүний үндсэн өрсөлдөх чадварыг дээшлүүлж, сайн брэндийн дүр төрхийг бий болгох чанга шаардлагатай байна.

Ухаалаг холбогдсон тээврийн хэрэгслийн тэргүүлэх байр суурь илт байна. Хятадын олон автомашины компаниуд ухаалаг холбогдсон тээврийн хэрэгслийн судалгаа, хөгжилд оруулсан хөрөнгө оруулалтаа нэмэгдүүлж, тэргүүлэх байр суурьтай болсон байна. Хятадын Аж үйлдвэр, мэдээллийн технологийн яамнаас өгсөн мэдээллээр улсын хэмжээнд 5000 гаруй км авто замын туршилтын гүйлтийг нээж, 900 гаруй туршилтын үнэмлэх олгосон байна. Өндөр түвшний ухаалаг сүлжээтэй холбогдсон тээврийн хэрэгслийг эхлээд тодорхой болон хязгаарлагдмал хувилбаруудад ашигладаг. Шинэ эрчим хүчний автомашины оюун ухаан, сүлжээг улам гүнзгийрүүлэхийн хэрээр Хятадын автомашины компаниудын давуу тал ч улам өргөжих болно.

Энэ үе шатанд Хятадын шинэ эрчим хүчний автомашины бүтээгдэхүүнүүд нь тодорхой хэмжээний өрсөлдөх чадвартай бөгөөд тэд мөн гадаад зах зээлээ өргөжүүлсээр байна. Хятадын автомашины экспортын хэтийн төлөв өргөн, шинэ эрчим хүчний автомашины экспорт үргэлжлэн өндөр өсөлттэй байж, олон улс орон, бүс нутагт нэвтэрч магадгүй гэж олон шинжээч хэлэв.

- Өнөөдөр Хятадын шинэ эрчим хүчний автомашины экспортод таатай цаг ирлээ.Бид Хятадын автомашины компаниудын экспортлох хурдыг түргэсгэж, урт хугацааны тогтвортой экспортын нөхцөл байдлыг бүрдүүлэх хэрэгтэй гэж Цүй Дүгшү хэллээ.