ХКН-ын төв хорооны суртал ухуулгын хэлтэс 06-р сарын 14-ний өглөө ХКН-ын XVIII их хурлаас хойших аж үйлдвэр, мэдээлэлжүүлэлтийн хөгжлийн ололт амжилтын талаар хэвлэлийн бага хурал хийлээ.
Аж үйлдвэр, мэдээллийн технологийн яамны дэд сайд Шинь Гүөбинь хэлэхдээ "Хятад улс дэлхийн хамгийн том, технологийн дэвшилтэт сүлжээний дэд бүтцийг байгуулсан. Сүүлийн арван жилийн туршид манай Хятад улсын аж үйлдвэр, мэдээлэлжүүлэлтийн хөгжил асар их амжилтад хүрч, шинэ аж үйлдвэржилтийн хурд үлэмж хурдацтай нэмэгдэж, аж үйлдвэрийн систем улам бүрэн дүүрэн болж, аж үйлдвэрийн сүлжээ улам бүрэн дүүрэн болж, ерөнхий салбарын хүч чадал, чанар, үр ашиг, түүнчлэн инновац, өрсөлдөх чадвар, эрсдэлээс хамгаалах чадавх мэдэгдэхүйц дээшлэв, мөн "Үйлдвэрлэлийн том орон" болон "Интэрнэт сүлжээний том улс"-аас "Үйлдвэрлэлийн хүчирхэг орон" болон "Интэрнэт сүлжээний хүчирхэг улс" руу түүхэн үсрэлт хийж, чинээлэг нийгмийг бүх талаар байгуулах шинэ аяныг эхлүүлэх бат бөх суурийг тавьсан юм" гэжээ. Шинь Гүөбинь онцлон тэмдэглэхдээ:
- Өнгөрсөн арван жилд бид боловсруулах аж үйлдвэрийг бэхжүүлэх, сайжруулах, өргөжүүлэхэд анхаарч, аж үйлдвэрийн салбарын ерөнхийлсөн хүч чадал, олон улсын нөлөө эрс сайжирлаа.
2012-2021 он хүртэл аж үйлдвэрийн нэмүү өртөг 20.9 их наяд юаниас 37.3 их наяд юаньд хүрч, жилийн дундаж өсөлт 6.3 хувьд хүрч, боловсруулах үйлдвэрлэлийн нэмүү өртөг 16.98 их наяд юаниас 31.4 их наяд юань болж, дэлхийн хэмжээнд эзлэх хувь 20 орчим хувиас ойролцоогоор 30 хувь хүртэл өссөн байна. Аж үйлдвэрийн 500 гол нэрийн бүтээгдэхүүн дотроос Хятад улсын нийт бүтээгдэхүүний 40 гаруй хувийг үйлдвэрлэж байгаа нь дэлхийд нэгдүгээрт ордог. Аж үйлдвэрийн тогтолцооны ерөнхий давуу талууд улам бүр нэмэгдэж, аж үйлдвэрийн сүлжээ болон нийлүүлэлтийн сүлжээний уян хатан чанар, өрсөлдөх чадвар тасралтгүй сайжирч, улсын эдийн засгийн гаднын нөлөөг даван туулах чадамжийг үр дүнтэй сайжрав. Үйлдвэрлэх салбарын хөгжил нь хүмүүсийн ашиг сонирхлыг ихээхэн нэмэгдүүлж, эрчим хүч хэмнэдэг ухаалаг гэр ахуйн цахилгаан хэрэгсэл бүрэн түгээмэлжиж, автомашин энгийн иргэдийн гэрт түргэн нэвтэрч байна. Нэг мянган хүнд ногдох автомашины тоо 2012 онд 89 байсан бол 2021 онд 208 болж нэмэгдэв. Нээлттэй байдал, хамтын ажиллагаа гүнзгийрч, завсрын бүтээгдэхүүний үйлдвэрлэл дэлхийн нийт худалдааны 20 орчим хувийг эзэлж байна. Цар тахал гарснаас хойш олон улсын хамтын нийгэмлэгт маш их хэмжээний вакцин, эмчилгээ, халдвараас урьдчилан сэргийлэх материал нийлүүлж, дэлхийн тахлын эсрэг болон эдийн засгийн сэргэлт, хөгжилд хүчтэй дэмжлэг үзүүллээ гэжээ. Шинь Гүөбинь хэлэхдээ:
- Сүүлийн 10 жилийн хугацаанд манай Хятад улс хангамжийн тогтолцооны чанарыг сайжруулж, аж үйлдвэрийн бүтцийг улам сайжруулахад ихээхэн хүчин чармайлт гаргав. Шинээр хөгжиж буй салбаруудын хөгжил хурдацтай хөгжиж, үйлчилгээний робот, ухаалаг зүүдэг төхөөрөмж зэрэг бүтээгдэхүүнүүдийн үйлдвэрлэл хурдацтай өсч, шинэ эрчим хүчний автомашины үйлдвэрлэл, борлуулалт долоон жил дараалан дэлхийд тэргүүлж байна. Шинэ материалын үйлдвэрлэлийн бүтээгдэхүүний өртөг хоёр дахин нэмэгдэж, уламжлалт аж үйлдвэрүүдийн өөрчлөлт шинэчлэлтийн хурдац хурдасч, зарим салбарын ухаалаг үйлдвэрлэл олон улсын дэвшилтэт түвшинд байгаа бөгөөд өндөр технологийн үйлдвэрлэл, тоног төхөөрөмжийн үйлдвэрлэлийн эзлэх хувь томоохон аж үйлдвэрийн нэмүү өртөгт эзлэх хувь 2012 онд 9.4 хувь, 28 хувь байсан бол 2012 онд 15.1 хувь, 32.4 хувьд хүрсэн. Бүс нутгийн төлөвлөлтийг тасралтгүй сайжруулж, гол бүс нутгуудын тэргүүлэх дайчлах үүргийг улам бэхжүүлж, цахим мэдээлэл, төмөр замын салбарт олон тооны дэвшилтэт үйлдвэрлэлийн бүлгүүд бий болсон.
Үүний зэрэгцээ сүүлийн арван жилд манай хятад улс инновацад суурилсан хөгжлийн стратегийг хэрэгжүүлэхэд анхаарч, гол салбар дахь инновац нь томоохон алхам хийж чадсан. Олон тооны томоохон, нэр хүндтэй шинэчлэлүүд нь Хятадын аж үйлдвэрийн салбарыг үргэлжлүүлэн шинэ өндөрлөгт гарахад удирдан чиглүүлж байдаг. Өнгөрсөн 10 жилийн хугацаанд манай улс өндөр чанартай аж ахуйн нэгжийг хөгжүүлэхэд ихээхэн хүчин чармайлт гаргаж, үйлдвэрлэлийн аж ахуйн нэгжүүдийн хүч чадал, өрсөлдөх чадвар мэдэгдэхүйц дээшлэв. Олон тооны тэргүүлэх компаниуд бусдаас онцгойрч, дэлхийн шилдэг 500 аж ахуйн нэгжийн жагсаалтад 73 аж үйлдвэрийн компани шалгарчээ. Аж ахуйн нэгжийн инновац үргэлжлэн нэмэгдэж, томоохон аж үйлдвэрийн аж ахуйн нэгжүүдийн судалгаа, боловсруулалтын нийт зардал хоёр дахин нэмэгдэж, шинэ бүтээгдэхүүний борлуулалтын орлогын бизнесийн орлогод эзлэх хувь 11.9 хувиас 22.4 хувь болж өссөн байна. Шинь Гүөбинь хэлэхдээ:
- Сүүлийн арван жилд манай Хятад улс эдийн засаг, нийгэмд үйлчлэх түвшинг дээшлүүлэхэд асар их хүчин чармайлт гаргаж, мэдээлэл харилцаа холбооны салбар удаа дараалсан үсрэлт хийв. Дэлхийн хамгийн том, технологийн дэвшилтэт сүлжээний дэд бүтцийг байгуулж, Мобайл сүлжээ нь 3G-ийн нээлт, 4G синхрончлол, 5G-ийн манлайлал зэрэг үсрэлт хийсэн. Улс орон даяар засаг захиргааны бүх тосгонд интернэт сүлжээний холболтыг түүхэн байдлаар хэрэгжүүлсэн нь ядуурлыг бууруулах зорилтыг бүх талаар биелүүлэхэд эерэг хувь нэмэр оруулсан. Хэрэглээний хүрээнд интернэтийн хэрэглээ илүү өргөн тархсан бөгөөд үйлдвэрлэлийн хүрээн дахь хэрэглээ хурдасч, өргөжин гүнзгийрч байна. 5G, аж үйлдвэрийн интернэт, том дата, үүлэн тооцоолол, хиймэл оюун ухаан зэрэг нь үйлдвэрлэлийн салбартай гүн гүнзгий уялдаж, аж үйлдвэрийн дижиталчлал болон дижитал үйлдвэржилтийг тасралтгүй хурдасгахад түлхэц өгч байна. Дижитал эдийн засаг хурдацтай хөгжиж байна.
"Үүний зэрэгцээ аж үйлдвэр, мэдээлэлжүүлэлтийн хөгжилд зарим асуудал байсаар байгааг бид бас тодорхой мэдэж байна. Хангамж нийлүүлэлтийн систем нь хэрэглээний шинэчлэлийн хэрэгцээг бүрэн хангаж чадахгүй байна. Аж үйлдвэрийн сүлжээ болон хангамж нийлүүлэлтийн сүлжээний гол салбар болон гол үйл явц дээр олон сул талууд байсаар байна. Зарим жижиг дунд үйлдвэрүүд үйлдвэрлэл, үйл ажиллагаандаа шинэ хүндрэл, шинэ сорилттой тулгарч байна. Шинэ эхлэл дээр, аж үйлдвэр, мэдээллийн технологийн яам Намын Төв Хорооны шийдвэр, зохицуулалтыг тууштай хэрэгжүүлэх болно. Мөн үйлдвэрлэлийн хүчирхэг орон, интернэтийн хүчирхэг орон байгуулах хурдыг түргэсгэж, социалист орчин үеийн улс орныг бүх талаар цогцлоон байгуулахад шинэ, илүү их хувь нэмэр оруулах болно” гэж Шинь Гүөбинь илэрхийлэв.
