БНХАУ-ын дарга Ши Жиньпин, ОХУ-ын ерөнхийлөгч В.Путин нар 12 дугаар сарын 15-ны үдээс хойш цахим уулзалт хийв.
Ши Жиньпин хэлэхдээ "Одоогийн байдлаар олон улсын зарим нэг тодорхой хүчин "ардчилал", "хүний эрх" нэрийн дор Хятад, Оросын дотоод хэрэгт дур зоргоороо оролцож, олон улсын хууль эрх зүй, олон улсын харилцааны хүлээн зөвшөөрөгдсөн хэм хэмжээг харгислан уландаа гишгэж байна.Хятад, Орос хоёр тал илүү олон хамтын ажиллагаа явуулж, хоёр талын аюулгүй байдлын ашиг сонирхлыг илүү үр дүнтэй хамгаалах ёстой.Хоёр тал олон улсын үйл хэрэг дэх зохицуулалт, хамтын ажиллагаагаа эрчимжүүлж, дэлхийн засаглалд илүү хүчтэй дуу хоолойгоо хүргэж, тахал өвчин, цаг уурын өөрчлөлттэй тэмцэх зэрэг дэлхийн асуудлаар бодитой шийдэл гаргаж, олон улсын болон бүс нутгийн асуудлыг шийдвэрлэхэд олон улсын шударга ёсыг тууштай хамгаалан, "Олон талт үзэл", "дүрэм"-ийн нөмрөг дор ноёрхогч зан үйл, хүйтэн дайны үзэл бодлыг тууштай эсэргүүцнэ".
Ши Жиньпин тэмдэглэхдээ "Өнгөрсөн жилээс хойш Хятад Орос хоёр орон тахлын эсрэг хамтын ажиллагаагаа идэвхтэй явуулж байгаа нь харилцан туслалцах хоёр талын харилцааны утга учрыг тодоор тайлбарлаж, олон улсын хамтын нийгэмлэгийн эв нэгдэлтэй тэмцэхэд, хүн төрөлхтний эрүүл мэндийн нийгэмлэгийг төлөвшүүлэхэд нааштай хувь нэмэр оруулсан байна.Хоёр тал бие олон арга замыг бодож, халдварт өвчний хил дамнасан тархахаас хатуу урьдчилан сэргийлэх үүднээс "бөглөх цэг"-ийг арилгах илүү бодит арга хэмжээ авсан.Мөн бид ОХУ-тай вирусний шинжилгээ, вакцин, эмийн судалгаа, хөгжүүлэлтийн чиглэлээр хамтын ажиллагаагаа бэхжүүлж, холбогдоход бэлэн байна".
Ши Жиньпин хэлэхдээ "Шинэ нөхцөл байдалд хоёр тал хөгжлийн боломжоо хуваалцаж, хамтын ажиллагааны цар хүрээг нэмэгдүүлэх ёстой.Шинжлэх ухаан, технологийн шинэ эргэлт, аж үйлдвэрийн өөрчлөлтийн боломжийг ашиглаж, шинжлэх ухаан технологийн салбарын хамтын ажиллагааг эрчимжүүлнэ.Хятад-Оросын эрчим хүчний хамтын ажиллагаа бат бөх үндэс суурьтай, олон цэгт ойртож, хоёр тал уламжлалт эрчим хүчний хамтын ажиллагааны нөөц баялгаа бэхжүүлж, шинэ эрчим хүчний хамтын ажиллагааг нэмэгдүүлэн, цөмийн эрчим хүчний салбарын хамтын ажиллагааны багцыг ахиулж, сэргээгдэх эрчим хүчийг өргөжүүлэх зэрэг шинэ хамтын ажиллагааны чиглэлийн бүтээн байгуулалтыг эрэлхийлэх ёстой".
Ши Жиньпин хэлэхдээ "Энэ оны 09-р сард би НҮБ-ын Ерөнхий Ассамблейн 76-р чуулганд дэлхийн хөгжлийн санаачилгыг танилцуулсан.Энэ нь Хятад улс бүх талууд, ялангуяа хөгжиж буй зах зээлийн орнууд болон хөгжиж буй орнуудад тулгарч буй зах зээлийн сорилтод анхаарлаа хандуулж, НҮБ-ын 2030 оны тогтвортой хөгжлийн хөтөлбөрийг хэрэгжүүлэхэд хангасан дэлхийн нийтийн бас нэгэн бүтээгдэхүүн юм.Хятад улс Оростой хамтын ажиллагаагаа бэхжүүлж, дэлхийн засаглалыг сайжруулж, дэлхийн хөгжлийн үйлсийг ахиулахад үүрэг гүйцэтгэхийг хүсэж байна".
Бүс нутгийн хамтын ажиллагааны тухайд Ши Жиньпин хэлэхдээ "Шанхайн хамтын ажиллагааны байгууллага байгуулагдсан 20 жилийн турш, Хятад Орос хоёр орон стратегийн хамтын ажиллагаагаа өндөр түвшинд байлгаж, бусад гишүүн орнуудтай "Шанхайн зориг санаа"-г тууштай дагаж, тасралтгүй эв нэгдэл, харилцан итгэлцлээ нэмэгдүүлж, олон салбарт хамтын ажиллагаагаа гүнзгийрүүлсэн байна.Хоёр тал энэ байгууллагын гишүүн орнуудыг дотоодын улс төрийн чухал зорилтуудаа саадгүй хэрэгжүүлэхэд нь дэмжлэг үзүүлж, гаднын хүчин ямар ч үндэслэлээр бүс нутгийн улс орнуудын дотоод хэрэгт хөндлөнгөөс оролцохыг хэзээ ч зөвшөөрөхгүй. Шанхайн хамтын ажиллагааны байгууллагын хөгжлийн зөв чиг хандлагыг тууштай барьж, эв нэгдэл хамтын ажиллагаа, аюулгүй байдал, нээлттэй ба нэгдмэл байдал, харилцан суралцаж, шударга байх замаар замнана. Хятад улс бүс нутгийн аюулгүй байдал, тогтвортой байдлыг хамгаалахын тулд Орос болон Хамтын аюулгүй байдлын гэрээний байгууллагын гишүүн орнуудтай уян хатан, олон талт хамтын ажиллагаагаа үргэлжлүүлэхэд бэлэн байна".
Ши Жиньпин БРИКС-ийн хамтын ажиллагааны тухайд, ирэх онд Хятад улс БРИКС-ийг даргалах бөгөөд удирдагчдын 14 дэх удаагийн дээд хэмжээний уулзалт зэрэг арга хэмжээг зохион байгуулна гэж тэмдэглэв. Бид Орос улстай стратегийн өндөр түвшний хамтын ажиллагаагаа үргэлжлүүлж, БРИКС-ийн орнуудыг олон салбар дахь хамтын ажиллагаагаа иж бүрэн гүнзгийрүүлэхэд бэлэн байна.
Жинхэнэ олон талт үзлийн практикийг сурталчилж, олон талт худалдааны тогтолцоог дэмжиж, нээлттэй дэлхийн эдийн засгийг байгуулна. БРИКС-ийн орнуудын бодит хамтын ажиллагааг сайн хийж, нийгмийн эрүүл мэндийн хамтын ажиллагааг гүнзгийрүүлж, "БРИКС+" загварыг өргөтгөж, БРИКС-ийн хамтын ажиллагааны үр ашгийн хүрээг өргөтгөнө. Хятад, Оросын хамтын хүчин чармайлтаар ирэх онд БРИКС-ийн хамтын ажиллагаа нааштай үр дүнд хүрнэ гэдэгт итгэлтэй байна.
НҮБ-ын Аюулгүйн зөвлөлийн хамтын ажиллагааны талаар Ши Жиньпин цохон тэмдэглэхдээ "Өнөөгийн нөхцөлд Аюулгүйн зөвлөлийн байнгын таван гишүүн орон тахал өвчинтэй тэмцэх хамтын ажиллагаагаа гүнзгийрүүлэх, олон улсын энх тайван, аюулгүй байдлыг сахин хамгаалах, эдийн засгийн сэргэлтийг ахиулах чиглэлээр зохицуулалтаа эрчимжүүлж, олон улсын хамтын нийгэмлэгийн ерөнхий хүлээлтийн хариу идэвхтэй арга хэмжээ авах шаардлагатай байна.Хятад улс Оростой нягт харилцаа тогтооход бэлэн байна".
Хоёр тал томоохон гүрнүүд болон ардчиллын өнөөгийн харилцааны талаар санал солилцлоо.Ши Жиньпин хэлэхдээ "Ардчилал бол бүх хүн төрөлхтний сайхан хүсэл эрмэлзэл, нийтлэг үнэт зүйл бөгөөд энэ нь бүх орны ард түмний эрх мөн.Улс орон ардчилсан эсэх, ардчиллыг хэрхэн илүү сайн хэрэгжүүлэх вэ гэдгийг зөвхөн тус улсын ард түмэн л шүүнэ.Олон улсын үйл хэргийг бүх улс орон зөвшилцөх, олон улсын харилцааг ардчилсан болгох, жинхэнэ олон талт үзлийг хэрэгжүүлэх нь ард түмний хүсч байгаа зүйл бөгөөд ерөнхий чиг хандлага юм.Хятад улс Орос улстай харилцаа холбоо, зохицуулалтаа эрчимжүүлж, олон улсын хамтын нийгэмлэгийг ардчиллын талаарх зөв үзэл бодлыг бий болгож, бүх улс орны хууль ёсны ардчилсан эрхийг хамгаалахад бэлэн байна".
Путин хэлэхдээ "Орос, Хятадын өнөөгийн харилцаа түүхэн дэх хамгийн сайн үе шатандаа явж байгаа нь стратегийн харилцан итгэлцлийн өндөр түвшинг харуулж, бие биенийхээ дотоод хэрэгт хөндлөнгөөс оролцохгүй байх үндсэн дээр харилцан ашигтай, бие биенийхээ ашиг сонирхлыг хүндэтгэх суурин дээр хамтдаа хожих үлгэр жишээ болж, үүнийг 21-р зууны олон улсын харилцааны загвар гэж нэрлэж болно.Энэ жил "Орос-Хятадын сайн хөршийн нөхөрсөг хамтын ажиллагааны гэрээ"-нд гарын үсэг зурсны 20 жилийн ой тохиож байгаа бөгөөд Орос, Хятад хоёр гэрээ сунгаж байгаагаа албан ёсоор зарлав. Хоёр тал "Ковид-19"-ийн нөлөөг даван туулж, нягт харилцаагаа хадгалж, эдийн засаг, худалдаа, эрчим хүч, шинжлэх ухаан, технологи зэрэг олон салбарын ажил хэрэгч хамтын ажиллагааг тасралтгүй хөгжүүлэхэд идэвхтэй тус дөхөм үзүүлж, олон улсын болон бүс нутгийн асуудлаар харилцаа, зохицуулалт хийсэн байна. Орос, Хятадын стратегийн хамтын ажиллагаа нь олон улсын халуун цэгийн олон асуудлыг үр дүнтэй шийдвэрлэх, олон улсын энх тайвныг сахин хамгаалах чухал эерэг хүчин зүйл болж, олон улсын эрх зүйд суурилсан олон улсын дэг журмыг бэхжүүлэхэд чухал үүрэг гүйцэтгэсэн.
Удахгүй Хятадад айлчилж, Бээжингийн өвлийн олимпын нээлтийн ёслолд оролцохыг тэсэн ядан хүлээж байна. Орос улс спортыг улстөржүүлэх оролдлогыг үргэлж эсэргүүцсээр ирсэн. Тантай хамтаар сонирхож буй чухал асуудлаар санал бодлоо гүнзгий солилцож, Орос, Хятадын харилцаа тогтвортой, өндөр түвшинд хөгжихийг хүсэж байна. Орос улс Хятад улстай эдийн засаг худалдаа, газрын тос, байгалийн хий, санхүү, сансар судлал зэрэг салбар болон стратегийн томоохон төслүүдийн хамтын ажиллагаагаа үргэлжлүүлэн бэхжүүлж, Евразийн эдийн засгийн холбоог "Бүс ба Зам санаачилга"-тай холбохыг ахиулахад бэлэн байна. Цар тахлын эсрэг хамтын ажиллагаагаа эрчимжүүлж, халдварт өвчнийг улстөржүүлэхийг эсэргүүцнэ. Цаашид хүмүүнлэгийн харилцаагаа бэхжүүлж, ирэх хоёр жилийн спортын солилцооны жилийг сайн зохион байгуулах болно.
Орос улс Тайваньтай холбоотой асуудлаарх Хятадын засгийн газрын хууль ёсны байр суурийг тууштай дэмжиж, Тайваньтай холбоотой асуудлыг Хятадын эрх ашгийг хохироосон аливаа хүчин ашиглахыг тууштай эсэргүүцэж, Ази Номхон далайн бүс нутагт аливаа хэлбэрийн "жижиг тойрог" байгуулахыг эрс эсэргүүцнэ, Орос-Хятадын харилцааг салгах аливаа өдөөн хатгалга явуулга ямар ч амжилтад хүрэхгүй. Шанхайн хамтын ажиллагааны байгууллага, НҮБ-ын Аюулгүйн зөвлөл зэрэг олон талт үйл ажиллагаанд Хятад улстай нягт хамтын ажиллагаагаа үргэлжлүүлэн гүнзгийрүүлж, ирэх онд БРИКС-ийн орнуудыг даргалах Хятад улсын ажлыг дэмжиж, Орос, Хятадын дотоод хэрэгт хөндлөнгөөс оролцох оролдлого, хоёр орны хөгжлийн хууль ёсны ашиг сонирхлыг хязгаарлахыг эрс эсэргүүцэж, олон улсын шударга ёсыг хамгаалж, олон улсын стратегийн аюулгүй, тогтвортой байдлыг хамгаална.Бүх улс орны жинхэнэ ардчилсан эрхийг хамгаалах асуудлаар Хятад улстай харилцаа холбоогоо бэхжүүлэхийг Орос улс хүсэж байна".
Хоёр тал мөн анхаарал хандуулж буй олон улсын болон бүс нутгийн бусад асуудлаар санал солилцов.
Хоёр улсын тэргүүн ирэх хоёрдугаар сард Бээжинд уулзана.
