НҮБ-ын Хүний эрхийн комиссын 43-р чуулганы үеэр "Гэр орон- Шиньжяны үндэстнүүдийн ард түмний амьдрал" фото зургийн үзэсгэлэн 02-ны өдөр НҮБ-ын Женев дэх төв байранд болов.

Хятадаас НҮБ-ын Женевт суугаа төлөөлөгчийн газар ба Швейцар дахь бусад олон улсын байгууллагад суугаа төлөөлөгч Чэнь Шүй нээлтийн ёслолын үеэр:

- Өдгөө Шиньжян нутаг түүхэн хөгжлийн хамгийн таатай, хамгийн хурдтай үе шатандаа байна. 2019 оны үйлдвэрлэлийн нийт бүтээгдэхүүн нэг их наяд 378 тэрбум юаньд хүрч, 645 мянган ядуу иргэн ядуурлаас ангижирчээ. Энэ онд Шиньжян хөдөө тосгоны бүх ядуу иргэнийг ядуурлаас ангижруулж, улс орны хамт чинээлэг нийгэмд дэвшин орно гэсэн байна.

Хятадын Хүний эрхийн судлалын нийгэмлэгийн нарийн бичгийн даргын орлогч Тан Шяньвэнь:

- 2019 оны байдлаар орнуудын НҮБ-д суугаа төлөөлөгчдийн гол албан хариуцлагатныг багтаасан 70 гаруй төлөөлөгчдийн олон салбарын 1000 гаруй зүтгэлтэн Шиньжянд айлчлав. Энэ удаагийн фото зургийн үзэсгэлэнд иргэдийн амьдралыг харуулсан олон зургаар нийгмийн тогтвортой байдалд Шиньжяны үндэстнүүдийн ард түмэн хөгжлийн үр шимийг хүртэж, аз жаргалтай амар амгалан амьдарч буй байдлыг үзүүлэн, Шиньжяны тухай хүмүүсийн ойлголтыг нэмэгдүүлэхийг зорьж байна гэж хэлсэн байна.