Хятадын Хубэй мужийн баруун өмнөд хилийн Хэфэн шянь бараг 400,000 мү /1га=15мү/ экологийн цайны цэцэрлэгтэй бөгөөд цайны тариалангийн орлого нь нутгийн тариачдын орлогын 50 гаруй хувийг бүрдүүлдэг байна. Мөөгөнцөрт уулын цайны цэцэрлэг нь Хэфэн шяний  Зуума сууринд байрладаг. 10,000 мү талбайтай, 1,000 метрийн өндөрт байрладаг. Эндхийн уур амьсгал нь чийглэг, бороо элбэг ордог, нарны гэрэл сайн, сайхан агаартай байдаг. 2015 онд "Хятадын хамгийн үзэсгэлэнтэй цайны цэцэрлэг"-ийн нэгээр шалгарч, "Дэлхийн цайны хөндий" гэсэн цолтой болсон билээ.