Намрын борооны дараа Ганьсү мужийн Үвэй хотын Лянжүө дүүргийн Хүншүй голын баруун эргийн цөл дэх тоорын жимсний цэцэрлэгт том, улаан тоорууд мөчир дээрээ бөхийж, дур булаам үнэр анхилуулна.

    42 настай Фан Жили энэ цөлийн тоорын цэцэрлэгийг хариуцдаг. Ганьсүгийн Хөдөө аж ахуйн их сургуулийг хөдөө аж ахуйн мэргэжлээр төгссөнийхөө дараа үргэлж "Шинэ цагийн тариачин" болох мөрөөдөл өвөрлөөсөөр ирсэн. Нутаг уснаасаа хол газар  олон жил ажилласан Фан Жили 2015 онд өөрийн бизнесээ эхлүүлэхээр нутаг буцан ирж, 120 гаруй мү талбай элс цөлтэй газар авахаар гэрээ байгуулан, эдийн засаг ой элсний хяналтын туршилтын бааз байгуулж, бүх хадгаламж, хүч чадлаа цөлийг засах, шинжлэх ухаан теннологоор ойжуулахад оруулсан байна.

 - Эхэндээ тоорын мод тарих юм бол салхи, элсний дараа бүгд алга болдог. Ган, температурын зөрүүгээс гадна зарим төрлийн тоорын мод нь ургахгүй байсан ч бид үргэлжлүүлэн хичээж, сайжруулж чадна гэж Фан Жили хэдхэн жилийн дараа тэднийг даван туулж, олон бэрхшээлтэй тулгарсан тул цөлд тарихад тохиромжтой тоорын модны сортуудыг амжилттай сонгож, цөлийн цаг уурын өвөрмөц баялаг, ус хэмнэх шинэ технологийг ашиглан эцэст нь зах зээлд танигдсан жимсийг тарьж чадсан байна. Өнөөдөр Фан Жилийн тоорын цэцэрлэг нь 180 гаруй мү талбай газар болж өргөжсөн бөгөөд "цөлийн тоор" брэнд нь улам бүр олон хүмүүст танигдаж байна.

 - Дараагийн шатанд бид цар хүрээг өргөжүүлж, энэ загварыг сурталчлах болно. Ингэснээр тосгоны иргэдтэй экологи, эдийн засаг, нийгмийн ашиг тусын төлөө хамтдаа ашиг олох боломжтой болно гэж ирээдүйн тухайд Фан Жили итгэл найдвараар дүүрэн байна.