XIX удаагийн Хятадын Олон улсын аж үйлдвэрийн үзэсгэлэн өнөөдөр буюу 11 дүгээр сарын 7-ны өдөр нээлтээ хийлээ. Тус үзэсгэлэнд 28 улс орны 2000 гаруй аж ахуйн нэгж оролцож байгаа юм.

Үзэсгэлэн аж үйлдвэрийн автоматжуулалт, робот, технологийн шинэчлэл ба сансрын технологи зэрэг 9 хэсгээс бүрджээ. FҮ-4 хиймэл дагуул, Ширээний теннисний робот, дэлхийн хамгийн анхны гар утасны хиймэл оюун ухааны чип зэрэг дотоод гадаадын технологийн хамгийн сүүлийн үеийн шинэ шинэчлэл, ололт амжилтыг дэлгэн үзүүлсэн нь онцлог байлаа.