Хятадын жижиг дунд үйлдвэрүүдийн холбоо 02-р сарын 15-ны өдөр Хятадын жижиг дунд аж ахуйн нэгжүүдийн эдийн засгийн үйл ажиллагааг зарлав. Тоо баримтаас харахад ЖДҮ-ийн хөгжлийн индекс 01-р сард 88.9 болж, өмнөх сараас 1 нэгжээр өссөн нь өнгөрсөн оны эхнээс тасралтгүй буурах хандлагатай, 100-ийн босгоос доогуур хэвээр байгаа ч өсөлтөд хүрээд байгаа төдийгүй сүүлийн хоёр жилийн хамгийн өндөр үзүүлэлт юм.
Салбараар нь авч үзвэл цар тахлын нөхцөл байдал сайжирснаар 01-р сард найман салбарын индексүүд сэргэж, ялангуяа тээвэр, шуудан агуулах, байр, нийтийн хоолны аж үйлдвэр зэрэг холбоо барих салбарын үзүүлэлтүүд өмнөх сарынхаас 1.7 ба 1.8 нэгжээр тус тус өссөн байна. Мөн аж үйлдвэр, тээвэр, шуудангийн агуулах, бөөний болон жижиглэнгийн худалдаа, нийгмийн үйлчилгээний салбарын индекс уналтыг зогсоож сэргэн, барилгын салбарын индекс жигд байснаас өсөлттэй болж, үл хөдлөх хөрөнгө, мэдээлэл дамжуулах компьютерын үйлчилгээний программ хангамжийн салбар, байр, нийтийн хоолны салбарын индекс хоёр сар дараалан өссөн юм.
Хятадын жижиг дунд аж ахуйн нэгжүүдийн холбооны гүйцэтгэх дэд ерөнхийлөгч Ма Бин хэлэхдээ “Цар тахлаас урьдчилан сэргийлэх, тэмцэх арга хэмжээг оновчтой болгож, тохируулснаар тогтвортой өсөлт, тасралтгүй бодлого хэрэгжиж, аж ахуйн нэгжүүдийн үйл ажиллагааны түвшин тогтвортой сэргэж, жижиг дунд аж ахуйн нэгжүүдийн хөгжил цэцэглэлт мэдэгдэхүйц дээшилсэн юм гэжээ. Мөн жижиг, дунд аж ахуйн нэгжийн хөгжлийн талаар Индексийн үүднээс авч үзвэл, жижиг дунд аж ахуйн нэгжийн өнөөгийн үйл ажиллагаа дараах байдалтай байна”.
Үндсэн шинж чанарууд
Аж ахуйн нэгжийн хөгжилд итгэх итгэл сэргэв. Цар тахлын нөхцөл байдал сайжирч, үйлдвэрлэл, амьдралын хэв журам аажмаар сэргэж, хаврын баяраар хэрэглээ сэргэж, жижиг дунд үйлдвэрийн хөгжлийн итгэл эрс дээшилсэн.
Зах зээлийн хүлээлт нэмэгдсэн. Нэгдүгээр сард зах зээлийн индекс 80.7 болж өмнөх сараас 0.9 нэгжээр өссөн байна. Судалгаанд хамрагдсан 8 салбараас 8 салбарын дотоодын захиалгын болон борлуулалтын биетийн индекс, 6 салбарын борлуулалтын үнийн индекс бүгд өссөн байна.
Аж ахуйн нэгжийн үр ашиг, хөрөнгө оруулалтын хүсэл эрмэлзэл сайжирсан. Үйлдвэрлэл, үйл ажиллагаа сэргэж, түүхий эдийн үнийн өсөлт хумигдсанаар жижиг, бичил аж ахуйн нэгжүүдийн ашиг орлого сайжирсан. Нэгдүгээр сард үр ашгийн индекс 74.0 байж, өмнөх сараас 1.2 нэгжээр өссөн нь их хэмжээний сэргэлтийг харуулж байна. Шалгасан 8 салбараас 8 салбарын үр ашгийн индекс бүгд өссөн байна. Үүний зэрэгцээ цар тахлаас урьдчилан сэргийлэх, тэмцэх арга хэмжээг оновчтой болгож, тохируулж, цар тахлын нөхцөл байдал илт сайжирснаар аж ахуйн нэгжүүдийн ирээдүйд итгэх итгэл нэмэгдэж, нөхөн үржихүйг өргөжүүлэхэд хөрөнгө оруулах хүсэл эрмэлзэл сэргэж байна. Нэгдүгээр сард оролтын индекс 82.9 болж, өмнөх сараас 1.3 пунктээр өссөн байна. Судалгаанд хамрагдсан 8 салбараас 7 салбарын үндсэн хөрөнгийн хөрөнгө оруулалтын индекс өссөн байна.
