Орон нутгийн цагаар 06-р сарын 10-нд ХКН-ын төв хорооны улс төрийн товчооны гишүүн, Гадаад хэргийн сайд Ван И Нижний Новгород хотноо болсон БРИКС-ийн гишүүн орнуудын Гадаад хэргийн сайд нарын уулзалтад оролцов.
Ван И хэлэхдээ“Өнгөрсөн онд БРИКС-ийн хамтын ажиллагаа гэрэл гэгээтэй, хурдацтай бөгөөд нөлөө ихтэй хөгжсөн байлаа.БРИКС гишүүнээ нэмэгдүүлснээр бид "Дэлхийн өмнөд"-д эв нэгдэл, өөрийгөө хүчирхэгжүүлэх шинэ эрин үеийг нээсэн.Бид чиг хандлагыг дагаж, харилцан амжилтад хүрч, нэгдмэл байдлаар нэгдэж, БРИК-ийн дуу хоолой улам бүр хүчтэй болсон.
Мөн Ван И:
-Өнөөгийн нөхцөл байдалд үндэслэн БРИКС зуун жилийн өөрчлөлтийн алсын хэтийн төлөвийг оновчтой харах ёстой.Одоогийн байдлаар зарим томоохон улс орнууд хүйтэн дайны үеийн сэтгэхүй рүү буцаж, геополитикийн бүсийг байгуулахыг хүсэж,НҮБ-ын Аюулгүйн зөвлөлийн тогтоолыг илт эсэргүүцэж, олон талт механизмын эрх мэдлийг сулруулж байна.Эдийн засгийн асуудлыг улстөржүүлж, аюулгүй байдлаа хангах байдал газар авч, нэг талын хориг арга хэмжээ, технологийн саад бэрхшээл тасрахгүй байна.Дэлхийн олон туйлтыг дэмжих, нэг туйлт ноёрхлыг хадгалах хоёр хүчний өрсөлдөөн, эдийн засгийн даяаршил ба "даяаршлын эсрэг" гэсэн хоёр чиглэлийн мөргөлдөөнтэй тулгараад байгаа бид түүхийн чиг хандлагыг дагаж,шударга ёсны талд зогсох ёстой бөгөөд зөв сонголт хийх хэрэгтэй.Ирээдүйгээ харахад БРИКС маш том үүрэг хариуцлага, том амжилтыг хүлээх ёстой."Том БРИКС"-ийн стратегийн ач холбогдол, улс төрийн үр нөлөөг бүрэн дүүрэн үнэлж, БРИКС-ийг шинээр хөгжиж буй зах зээл, хөгжиж буй орнуудад суурилсан, дэлхийд чиглэсэн, нээлттэй, хүртээмжтэй олон талт хамтын ажиллагааны шинэ механизм болгон байгуулах хэрэгтэй.
Үүний тулд нэгдүгээрт, бид олон талт үзлийн итгэлээ бэхжүүлж, дэлхийн ирээдүйн хөгжлийн шинэ төлөвлөгөөг гаргах ёстой.Олон талт үзлийг баримталж,НҮБ-ыг гол цөм болгосон олон улсын тогтолцоог хамгаалахад манлайлан оролцож, олон улсын дэг журмыг алдагдуулж, олон улсын дүрмийг эвдсэн үйлдлийг эрс эсэргүүцэж, дэлхийн тэгш, эмх цэгцтэй олон туйлшралыг хэрэгжүүлэхэд тус дөхөм үзүүлнэ. Зохицуулалт, хамтын ажиллагаагаа бэхжүүлж, олон улсын чухал асуудлын талаар хөгжлийг голд нь авч үзэхийг хэрэгжүүлнэ. Хөгжиж буй орнуудад дижитал эдийн засаг, хиймэл оюун ухааны чадавхыг бэхжүүлэх ажлыг дэмжин, тэгш оролцоо, тэгш ашиг тусыг хангахад хичээх хэрэгтэй.
Хоёрдугаарт, энх тайван, аюулгүй байдлыг сахин хамгаалах шийдвэр зоригоо бэхжүүлж, халуун асуудлыг улс төрийн аргаар зохицуулахад шинэ тусламж үзүүлэх ёстой.Бид Газын бүх талын болон тогтвортой гал зогсоох хэлэлцээрийг нэн даруй хэрэгжүүлэхийг тууштай дэмжиж, хүмүүнлэгийн хямралыг намжааж,Мөргөлдөөний үр дагавраас урьдчилан сэргийлэх ёст ой.Палестиныг НҮБ-ын бүрэн эрхт гишүүнээр элсүүлж, "Хоёр орны шийдэл"-ийг дахин эхлүүлж, Ойрхи Дорнодод тогтвортой энх тайван байдлаа хадгалахыг дэмжинэ.Украины хямрал сунжирсаар байгаа бөгөөд Хятад улс Орос, Украин хоёрын хүлээн зөвшөөрсөн бодит энхийн бага хурлыг цаг тухайд нь хуралдуулж, талуудын тэгш оролцоотойгоор, энх тайвны бүх хувилбарыг шударгаар хэлэлцэхийг дэмжиж байна.БРИКС-ийн орнууд тусгаар тогтнол, бодитой, шударга ёсыг баримталж, олон улсын хамтын нийгэмлэгийг энх тайвнаар зөвшилцөхөд тус дөхөм үзүүлж, "шинэ хүйтэн дайн"-ыг өдөөх боломжийг ашиглахыг эсэргүүцэх ёстой.
Гурав дахь нь БРИКС-ийн нээлттэй, хүртээмжтэй, харилцан ашигтай хамтын ажиллагааны анхны хүсэл эрмэлзлийг тууштай баримталж, БРИКС-ийн бодит хамтын ажиллагааг шинэ шатанд гаргах явдал юм."Том БРИКС-ийн нөөц баялаг, зах зээлийн давуу талыг бүрэн ашиглаж, санхүү худалдааны хамтын ажиллагааг дэмжиж, эрчим хүч, хүнсний аюулгүй байдлын хамтын ажиллагааны баталгааны үүрэг, инновацын хамтын ажиллагааны хөдөлгөгч үүрэг, холбох үүргийг бүрэн гүйцэд биелүүлэн,Казань дахь дээд хэмжээний уулзалтыг үр дүнтэй болгохын тулд хүмүүс хоорондын солилцоог хөгжүүлж, БРИКС-ийн прагматик хамтын ажиллагааг ахиулах ёстой. Хятад улс "Хятад-БРИКС-ийн хиймэл оюун ухааны хөгжил, хамтын ажиллагааны төв"-ийг байгуулж,аж үйлдвэрийг суурилуулах, чадавхыг бэхжүүлэх чиглэлээр хамтын ажиллагааг хөгжүүлэн бэхжүүлж, бүх улс орны идэвхтэй оролцоог уриалж байна.
Уулзалтад оролцсон орнууд БРИКС-ийн хамтын ажиллагаа болон олон улсын болон бүс нутгийн халуун асуудлаар санал бодлоо гүнзгий солилцов.Бүх талууд БРИКС-ийн механизмын чухал үүрэг, гишүүнчлэлээ өргөжүүлэх үр дүнг өндрөөр үнэлж, улам олон орон БРИКС-ийн хамтын ажиллагаанд нэгдэж, дэлхийн олон туйлт үйл явцыг түргэтгэж, илүү шударга, үндэслэлтэй олон улсын дэг журмыг дэмжиж, түнш орнууд байгуулахыг дэмжсэн байна.Олон талт үзлийг баримталж, нэг талт үзэл, ивээх үзлийг эсэргүүцэн, олон улсын санхүүгийн бүтцийн өөрчлөлтийг ахиулж, дэлхийн засаглалыг бэхжүүлэн сайжруулж, хөгжиж буй орнуудын дуу хоолой, нөлөөлөх хүчнийг нэмэгдүүлэхийг уриалав.Маргааныг яриа хэлэлцээ, зөвшилцлийн замаар болон энхийн замаар шийдвэрлэх ёстойг талууд онцлон тэмдэглэж, хямралыг энхийн замаар зохицуулах бүх хүчин чармайлтыг дэмжив.
Хурлаас "БРИКС-ийн гишүүн орнуудын Гадаад хэргийн сайд нарын уулзалтын хамтарсан мэдэгдэл" нийтэлсэн байна.
