Хятадын Төрийн зөвлөлийн ерөнхий сайд Ли Чян 03-р сарын 25-ны өглөө IMF-ийн захирал Георгиеватай уулзав.

        Ли Чян:

        - Өнөөгийн байдлаар дэлхийн эдийн засгийн сэргэлт удаан хэвээр байна.Хятад улс энэ жилийн ДНБ-ий өсөлтийн зорилтоо 5 хувь орчим гэж төлөвлөжээ.Энэ нь дэлхийн эдийн засгийн хувьд чухал эерэг зүйл юм. Энэ оны эхнээс эхлэн Хятадын эдийн засгийн эргэлтийг бэхжүүлж, сайн эхлэлийг тавьж, эдийн засаг, нийгмийн хөгжлийн жилийн зорилтыг биелүүлэх бат бэх суурийг тавьсан.Бид Хятадын эдийн засгийн тогтвортой, эрүүл хөгжлийг хадгалах итгэлтэй байна. Хятад улс, IMF-ийн хамтын ажиллагааны сайн харилцааг хадгалсаар ирсэн. Хятад улс дэлхийн засаг захиргаанд чухал үүрэг гүйцэтгэсээр байхад Х IMF-ийг дэмжиж, IMF-тай цаашид хамтын ажиллагаагаа гүнзгийрүүлэн, дэлхийн өрийн удирдлагын тогтолцоог сайжруулахад түлхэц үзүүлж, дэлхийн эдийн засгийг сэргээхэд хувь нэмрээ оруулахад бэлэн байна. IMF цаашид эдийн засгийн даяарчлал, чөлөөт худалдааны үйл ажиллагаа, дэлхийн аж үйлдвэр, нийлүүлэлтийн гинжин хэлхээний тогтвортой, жигд байдлыг хадгалж, дэлхийн нээлттэй эдийн засгийн бүтээн байгуулалтыг дэмжин, эерэг нөлөө үзүүлсээр байх болно гэдэгт найдаж байна.

        Георгиева Хятад улс IMF-ийг хүчтэй дэмжиж байгаад талархал илэрхийлээд "Өнгөрсөн онд Хятадын эдийн засгийн өсөлт хүлээлтээс давж, ногоон эдийн засаг, дижитал эдийн засаг, хиймэл оюун ухааны салбарт сайн эрч хүчээ авч байсан.Хятад сайн бол дэлхий сайн. IMF эдийн засгийн асуудлуудыг улс төржүүлэхийг сайшаадаггүй бөгөөд цаашид Хятадын эдийн засгийн өөрчлөлт, шинэчлэлт, нээлтэд хувь нэмрээ оруулж, IMF дахь Хятадын төлөөлөл, дуу хоолойг сайжруулах тал дээр хичээн ажиллах болно” гэв.