Сэтгүүлч 04-р сарын 15-ны өдөр Даляний зуны Давосын чуулга уулзалтыг зохицуулах албанаас мэдээлснээр: Дэлхийн эдийн засгийн форумын шинэ аваргуудын 15 дахь удаагийн хурал (Зуны Давосын форум) 6-р сарын 25-27-ны өдрүүдэд Ляонин мужийн Далянь хотод болно.

  Жил бүрд явагдах энэхүү уулзалт “Ирээдүйн өсөлтийн шинэ хил хязгаар” гэх уриан дор болж байгаа бөгөөд улс төр, бизнес, нийгмийн байгууллага, олон улсын байгууллага, эрдэмтэн судлаачид, хэвлэл мэдээллийн салбарын 1500 гаруй төлөөлөгч оролцох төлөвтэй байна. Жил бүрийн чуулган дэлхийн шинэ эдийн засаг, Хятад ба дэлхий, хиймэл оюун ухааны эрин үеийн бизнес эрхлэлт, аж үйлдвэрийн шинэ хил хязгаар, хүмүүст хөрөнгө оруулах, цаг уур, байгаль, эрчим хүчний харилцан уялдаа холбоо гэсэн зургаан том сэдвийн хүрээнд хэлэлцэнэ.

  Дэлхийн эдийн засгийн форумын мэдээлснээр, шинэ технологиуд дэлхийг ухаалаг эрин үе рүү хөтөлсөөр байгаа бөгөөд энэхүү өөрчлөлт нь эдийн засаг, бизнесийн бодлогын шинэ загваруудын тусламжийг шаарддаг юм. Үйл ажиллагаанд чиглэсэн яриа хэлэлцээгээр дамжуулан энэхүү жил тутмын уулзалт нь төлөөлөгчдөд бүтээмжийн хөгжил, эдийн засгийн өсөлт, эрчим хүчний өөрчлөлтийг дэмжих технологийн чадавхийг бүрэн дүүрэн ашиглах, өөрчлөгдөж буй салбарын чиг хандлагад хариу үйлдэл үзүүлэх хүн төвтэй стратеги боловсруулах, ирээдүйн өсөлтийн шинэ хил хязгаарыг нээхэд туслах болно.

  Одоогоор  уулзалтын бэлтгэл ажил хийгдэж байна.