Дэлхийн худалдааны байгууллагын Сайд нарын XII бага хурал орон нутгийн цагаар 17-ны өглөө эрт Швейцарийн Женев хотноо өндөрлөв.

 Хурлаар "COVID-19"-ийн хариу арга хэмжээ, цар тахлаас урьдчилан сэргийлэхтэй холбоотой оюуны өмчийг чөлөөлөх, хүнсний аюулгүй байдал, дэлхийн хүнсний хөтөлбөрийн хүмүүнлэгийн хүнсний худалдан авалт, загас агнуурын татаас, цахим дамжуулалтын тарифын түр чөлөөлөлт, ДХБ-ын шинэчлэл зэрэг асуудлын хэлэлцээр нь үр дүнд хүрсэн байна. Эдгээр олон талт үр дүнг сайд нарын мэдэгдэл, сайдын шийдвэр гэх хэлбэрээр зарлах болно.

 ДХБ-ын Ерөнхий захирал Ивира хэлэхдээ:

- Бага хурлын үр дүн "баяр баясгалантай", "сэтгэл хөдөлгөм" болсон нь "ДХБ олон талт үр дүнд хүрч чадна" гэдгийг нотлов.

Ивеала хэлэхдээ:

- ДХБ-ын гишүүн орнуудын хамтын хүчин чармайлтаар бага хурал олон чухал асуудлаар ахиц дэвшил гаргаж, олон талт худалдааны систем нь дэлхийн сорилтыг шийдвэрлэхэд чухал үүрэг гүйцэтгэж болохыг харуулж байна.

 ДХБ-ын Сайд нарын XII бага хурал 12-ны өдөр Швейцарийн Женев хотноо нээгдэв. Уг нь хурлыг 15-ны өдөр хаахаар төлөвлөж байсан бол гишүүдийг холбогдох сэдвээр зөвшилцөхөд түлхэц өгөх үүднээс зохион байгуулагчийн зүгээс хуралдах өдрийг сунгав.

 ДХБ-ын Сайд нарын бага хурал нь ДХБ-ын шийдвэр гаргах дээд байгууллага бөгөөд ерөнхийдөө хоёр жилд нэг удаа хуралддаг. Энэ удаагийн сайд нарын уулзалтыг ДХБ, Казахстан хамтран зохион байгуулсан нь сүүлийн дөрвөн жил хагасын хугацаанд ДХБ-аас зохион байгуулсан анхны сайд нарын уулзалт байлаа.